Rådgjevar

Vil du arbeide med samfunnsplanlegging, folkehelse og beredskap?

Denne spennande og fagleg utfordrande stillinga er sentral i utviklinga av Time som ein trygg og framtidsretta kommune. Du får moglegheit til å påverka viktige samfunnsområde og bidra til strategisk utvikling i ein kommune i vekst. Stillinga rapporterer direkte til kommunalsjef Samfunn og kultur og er ein del av kommunalsjefen si leiargruppe.

Som rådgjevar får du ei sentral rolle i kommunen sitt arbeid med samfunnsplanlegging. Du vil ha ansvar for utgreiingsarbeid og utarbeiding av planar og saker til folkevalde organ.

Du vil ha det overordna ansvaret for kommunen sitt folkehelsearbeid og koordinera tverrfagleg samarbeid på tvers av kommuneorganisasjonen.

Samfunnstryggleik og beredskap har fått auka betydning, og Time set nå i verk fleire tiltak for å målretta og styrkja arbeidet innan dette fagområdet. Som rådgjevar vil du ha eit tett samarbeid med andre beredskapsfunksjonar i kommunen og med den felles fagleiaren for beredskap for Klepp, Gjesdal, Hå og Time.

Tenesteområdet Samfunn og kultur har rundt 170 tilsette og er organisert i fire verksemder: Kommunalteknikk, Eigedom, Plan og forvaltning, og Kultur, næring og kommunikasjon.

Arbeidsstaden er Time rådhus på Bryne, med kort veg til tog- og busstasjon.

Arbeidsoppgåver

• Ansvar for kommunen sitt folkehelsearbeid og leia kommunen sitt tverrfaglege folkehelseteam
• Ansvar for overordna folkehelseplanar, samarbeid med eksterne aktørar og pådrivarrolle for god folkehelse blant innbyggjarane
  
• Fagleg ressurs i kommunen sitt arbeid med samfunnstryggleik og beredskap, med ansvar for utarbeiding av beredskapsplanar og heilskapleg ROS
• Vera administrativ støtte for kommunalsjefen
• Saksbehandling og utarbeiding av saksframlegg til folkevalde organ
• Plan- og utgreiingsarbeid

Andre oppgåver kan bli lagt til stillinga.

Kvalifikasjonar

• Du har god kjennskap til fagområda samfunnsplanlegging, folkehelse og beredskap, og det er ønskeleg med erfaring frå arbeid innan eitt eller fleire av desse fagområda
• Du har god forståing for offentleg forvaltning
• Du har relevant høgare utdanning på minimum bachelornivå
• Du har gode norskkunnskapar, både skriftleg og munnleg
• Du har god digital kompetanse
• Du har førarkort klasse B

Du må laste opp relevante vitnemål og attestar. Vitnemål og/eller karakterutskrift kan du henta frå Vitnemålsportalen. Har du utdanning frå utlandet må du leggja ved generell og/eller yrkesgodkjenning frå Direktoratet for høgare utdanning og kompetanse (HKdir).

Personlege eigenskapar

• Du er samfunnsengasjert og har evne til å engasjera andre i fagområdet ditt
• Du er resultatorientert og har god gjennomføringskraft
• Du arbeidar sjølvstendig, tek inititativ og ser kva arbeid som må gjerast
• Du har gode samarbeidsevner og trivst med å arbeide i team
• Du har gode kommunikasjonsevner og formidlar bodskap klart og tydeleg
• Du er fleksibel og har evne til å ta fatt på nye arbeidsoppgåver i takt med endra behov og utvikling i organisasjonen

Personlege eigenskapar vil bli vektlagt.

Me tilbyr

• Eit positivt og fagleg sterkt arbeidsmiljø
• Lønn etter avtale
• Fleksibel arbeidstid
• God pensjon- og forsikringsordning
• Arbeidsstad med kort veg til tog- og busstasjon

"Me skal gjera kvarandre gode" er leveregelen for oss som jobbar i Time kommune. Me er opptatt av å utvikla og forbetra tenestene i lag med innbyggarane, besøkande og næringslivet slik at Time skal vera ein trygg og framtidsretta kommune. Kommunen har ca. 20 000 innbyggarar og ligg midt på Jæren, med Bryne som regionssenter og kollektivknutepunkt for buss og jernbane. Time er ein stor jordbrukskommune og har i tillegg eit variert næringsliv, med flest sysselsette innan industri, varehandel, hotell og restaurant. Det er 1340 årsverk i Time kommune, fordelt på om lag 1800 personar.

Time kommune er opptatt av mangfald og me oppmodar derfor alle som er kvalifiserte til å søka hos oss, uansett alder, kjønn, etnisitet, religion, funksjonsevne, seksuell orientering og kjønnsidentitet. Me gjer merksam på at opplysningar om søkaren kan verta offentleggjort, sjølv om ein har bede om å bli unntatt offentlegheit. Søkar vil verta varsla før offentleggjering.