Kommuneoverlege

Om stillinga

Vaksdal kommune søkjer ein fagleg sterk og engasjert kommuneoverlege i 50 % stilling. Kommuneoverlegen er kommunen sin øvste medisinskfaglege rådgjevar og er organisatorisk plassert direkte under kommunedirektøren.

Stillinga har ei sentral rolle i utviklinga av kommunen sitt samfunnsmedisinske arbeid, og gir gode moglegheiter til å påverke både strategisk og operativt nivå.

Det er høve til å kombinere stillinga med offentleg allmennmedisinsk arbeid i kommunen.

Arbeidsoppgåver

• Vere medisinskfagleg rådgjevar for kommunedirektøren og kommunen si leiing 
• Ha ansvar for smittevern, inkludert oppdatering og oppfølging av smittevernplan 
• Utføre oppgåver innan miljøretta helsevern 
• Bidra i kommunen sitt folkehelsearbeid, inkludert oversiktsarbeid etter folkehelselova 
• Delta i beredskapsarbeid og krisehandtering 
• Samarbeide med fastlegar, legevakt, spesialisthelsetenesta og andre samarbeidspartnarar 
• Utføre andre samfunnsmedisinske oppgåver etter behov 

• Andre delegerte oppgåver frå kommunedirektør

   

Kvalifikasjonskrav

• Norsk autorisasjon som lege 
• Spesialist i samfunnsmedisin, eller under spesialisering (relevant erfaring kan kompensere) 
• Kjennskap til offentleg helsearbeid og relevant lovverk 
• God munnleg og skriftleg framstillingsevne på norsk  
• Politiattest vil bli påkrevd

Personlege eigenskapar

• Gode samarbeids- og kommunikasjonsevner 
• Evne til å arbeide sjølvstendig og strukturert 
• God rolleforståing og gjennomføringsevne 
• Interesse for samfunnsmedisinske problemstillingar 
• Du arbeider godt under press og har god prioriteringskompetanse  

Vaksdal Kommune kan tilby

• Ei viktig og meiningsfull rolle med stor påverknadskraft 
• Fleksibilitet og moglegheit for å kombinere med klinisk arbeid 
• Moglegheit for fagleg utvikling og kompetanseheving 
• Gode pensjons- og forsikringsordningar 
• Løn i tråd med tariffavtale og kompetansetillegg