Fagleiar PPT

Om stillinga

Vil du vera med og vidareutvikla PPT og styrkja det tverrfaglege arbeidet for barn og unge i Samnanger? 

Me søkjer ein engasjert, fagleg trygg og utviklingsorientert fagleiar for PPT. Dette er ei stilling for deg som ønskjer ei sentral rolle i arbeidet med å styrkja inkluderande praksis, god tilrettelegging og tidleg innsats i barnehagar og skular.

Stillinga kombinerer fagleg leiing av PPT med sakshandsaming og rådgjeving innan oppvekstområdet. Me ser etter deg som har god forståing for PPT sitt mandat, samarbeider godt med andre, tenkjer heilskapleg og strategisk, og ønskjer å vidareutvikla tenestene i samarbeid med leiarar og fagmiljø i kommunen.

Arbeidsoppgåver

• Ha fagleg ansvar for å leia og vidareutvikla PPT i tråd med lovverk, nasjonale føringar og mål for kommunen
• Vere rådgjevar på kommunalsjefsnivå i saker som gjeld tilrettelegging, inkludering, tidleg innsats og tverrfagleg samarbeid
• Handsama og følgja opp saker innan PPT og andre område i oppvekstsektoren
• Ha ansvar for sakshandsaming og forvaltning innan PPT sitt mandat og oppvekstsektoren sitt ansvarsområde
• Koordinera, utarbeida og kvalitetssikra sakkunnige vurderingar
• Førebu, greia ut og følgja opp saker innan oppvekstområdet
• Rettleia barnehagar, skular og føresette i individretta og systemretta arbeid
• Bidra til å styrkja kompetansen og utvikla gode arbeidsmåtar i barnehagar og skular
• Delta i tverrfaglege forum og bidra til samordna og gode tenester for barn og unge
• Støtta leiarar i oppvekstsektoren i faglege vurderingar, utviklingsarbeid og oppfølging av tiltak

Kvalifikasjonar

Krav

• Relevant høgare utdanning innan pedagogikk, spesialpedagogikk eller andre relevante fagområde
• Erfaring frå PPT, barnehage, skule eller anna relevant arbeid innan oppvekstfeltet
• God kjennskap til lov- og regelverk innan barnehage, opplæring og PPT sitt arbeidsområde
• Utgreiings-, observasjons -  og kartleggingskompetanse 
• Erfaring med leiing, rettleiing, samarbeid og utviklingsarbeid
• God munnleg og skriftleg framstillingsevne

Ønskjer

• Utdanning på masternivå
• Erfaring frå fagleiing, koordinering eller utviklingsarbeid 
• Erfaring med saksutgreiing, sakshandsaming og offentleg forvaltning 

Personlege eigenskapar

• Er fagleg trygg, robust og møter andre med respekt og tydelegheit
• Byggjer gode relasjonar og samarbeider godt med ulike fagmiljø
• Arbeider strukturert, prioriterer godt og får ting gjennomført
• Ser samanhengar og tenkjer både fagleg, praktisk og langsiktig
• Er løysingsorientert og utviklingsretta
• Kan handtera komplekse problemstillingar og fleire oppgåver samstundes

Me tilbyr

• Ei meiningsfull og spanande stilling der du kan påverka utviklinga i oppvekstsektoren
• Varierte arbeidsoppgåver innan fagutvikling, rådgjeving og saksarbeid
• Eit fagleg miljø med utfordrande oppgåver, gode moglegheiter for fagleg og personleg utvikling

• Høve til å vera med å forme ein kommune i positiv utvikling og vekst
• Løn etter avtale
• Gunstige pensjonsordningar, yrkesskade- og gruppelivsforsikring
• Fleksible arbeidstidsordningar
• Gode velferdsordningar

Arbeidstilhøve

Me ønskjer eit arbeidsmiljø prega av mangfald, og at tilsette skal spegla folkesetnaden elles. Me oppfordrar alle kvalifiserte til å søkja jobb hjå oss, uavhengig av alder, kjønn, funksjonsevne, etnisk eller kulturell bakgrunn. Dersom du har utanlandsk utdanning, må denne vera godkjend av Direktoratet for høgare utdanning og kompetanse. Me legg vekt på å leggja til rette arbeidsforholda dersom du har behov for det.

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader.

Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bede om unntak frå offentleg søkjarliste vil du alltid bli varsla før søkjarlista vert offentleggjort, og vil ha moglegheit til å trekkja søknaden. 

Som tilsett i Samnanger kommune vil du bli innmeldt i KLP si pensjonsordning. KLP tilbyr pensjon, bank og forsikringstenester og er Norges største pensjonsselskap. Ordninga dekker alderspensjonar, AFP, uførepensjon, etterlattepensjon, yrkesskade- og gruppelivsforsikring.

Søknadar må leverast innan fristen og må sendast inn via rekrutteringssystemet vårt JobbNorge.

I hjarta av gamle Hordaland, midt mellom Bergen og Hardanger, ligg Samnanger kommune som ein naturleg skjønnheit. Med relativ kort veg til både by- og naturopplevelsar, er Samnanger perfekt for deg som ønskjer både i pose og sekk. Kraftkommunen med sine 2 500 innbyggjarar er i vekst, og potensialet er stort. Me treng deg som ser dette potensialet og vil vera med på den spanande reisa vidare.

Oppvekstområdet omfattar to kommunale barnehagar, to kommunale skular samt vaksenopplæring. I tillegg samarbeider kommunen med ein privat barnehage. Oppvekstsektoren verdset mangfald og berekraftige løysingar, og har som visjon å sikra gode oppvekstvilkår for barn og unge gjennom tenester av høg kvalitet.