Barsjef

Om stillingen

Ved vårt studenthus i Sogndal søkjer me etter barsjef. 

Meieriet er studenthuset i Sogndal og ein populær samlingsstad for studentane. Huset er eigd og drifta av Studentsamskipnaden på Vestlandet ved dagleg leiar. Barsjef vil ha tett samarbeid med dagleg leiar om drifta på huset og med krovert. 

Studentsamfunnet i Sogndal, som består av frivillige, står for aktiviteten som skjer på huset.

Meieriet tilbyr ei rekkje fasilitetar, inkludert konsertscener, barar, kafé, møterom, øvingsrom for band og fleirbrukslokale som blir brukt til kor, drama, podkastar og andre aktivitetar. Det er ein stad der studentar kan delta i sosiale og kulturelle aktivitetar, og det er kjent for sitt livlege miljø og engasjerande arrangement.

Vi søkjer ein engasjert person i 40 % stilling. 

Arbeidstida er hovudsakleg på kveld og  helg, og følger studieåret. Arbeidstida vil variere, med meir arbeid i semesteret og lågare aktivitet om sommaren.

Ønska oppstart juni 2026. 

Ansvarsområde og oppgåver

• Vere bindeledd mellom Studentsamskipnaden og studenthuset
• Samarbeide tett med dagleg leiar
• Kommunikasjon og samarbeid med studentar og frivillige
• Delta på styremøte og vaktsjefmøte
• Leie frivillige og tilsette, samt sørgje for opplæring og bemanning
• Vere med på planlegging og gjennomføring av studiestart
• Ansvar for tryggleik og gjennomføring av arrangement
• Ansvar for bar og skjenking, samt innføring av internkontrollsystem
• Ansvar for innkjøp og lagerstyring
• Ansvar for rydding etter arrangement
• Gjennomføre nødvendige kurs og prøvar som offentlege krav krev
• Utføre andre oppgåver etter behov

Kvalifikasjonar

• Erfaring med HMS, internkontroll og brannvern er ein fordel. 
• Erfaring frå studenthus, kulturnæring, bar eller restaurant er òg ein fordel. 
• Du er initiativrik, fleksibel og har god samarbeidsevne. 
• Det er ein fordel om du har erfaring frå studentlivet. 

Vi tilbyr

• Spennande arbeidsoppgåver og eit godt sosialt miljø. 
• Pensjonsordning og lønn etter avtale. 
• Fleksibel arbeidstid og moglegheit for fagleg utvikling.
• Ansatthytte på Kvamskogen