Vil du arbeide med kvalitetsforbetringar?

Vestland fylkeskommune har ansvar for den offentlege tannhelsetenesta i fylket. Vårt samfunnsoppdrag er å levere tenester av høg kvalitet til våre innbyggarar og dette løyser vi gjennom samarbeid, førebygging og god klinisk praksis. Vi behandler hovudsakleg prioriterte pasientgrupper.

Vi har ein unik kompetanse, tilbyr spesialistbehandling og driv fagleg utvikling og forsking. Gjennom vårt førebyggjande arbeid, forsking og behandling legg vi grunnlaget for god folkehelse i Vestland.Vi er om lag 550 tilsette fordelt på 55 tannklinikkar, ein intern fagstab og vårt kompetansesenter, TkVestland.

Tannhelsetenesta søkjer no ein dyktig kollega innan fagområdet K-HMS som skal arbeide i vår fagstab. Ynskjer du å arbeide i eit spennande og utfordrande fagmiljø og vera med å vidareutvikla Vestland tannhelseteneste, så er dette stillinga for deg.

Arbeidsoppgåver

Som K-HMS konsulent vil du ha ei sentral rolle i arbeidet for ein målretta og samordna innsats for trygge og sikre tenester, pasienttryggleik og kvalitetsforbetring.
Ein viktig del av stillinga vil vera å følgje opp og bidra til at tannhelsetenesta utfører sine oppgåver i tråd med lover, føresegner og rettleiarar innanfor fagområdet. Du vil vera superbrukar på ulike system innanfor kvalitet og HMS og syte for at kvalitetssystemet blir nytta, utvikla og halde ved like.

Hovudansvar i stillinga vil vere å:

• utvikle og vedlikehalde styrande dokument innan kvalitet, internkontroll og pasienttryggleik.
  
• støtte leiarar og medarbeidarar i arbeidet med kvalitet og pasienttryggleik.
  
• gjennomføre og følgje opp risikoanalysar, interne revisjonar og brukarundersøkingar.
  
• bidra til at vedtekne tiltak innanfor fagområdet blir sett i verk og følgde opp.
• utarbeide og følgje opp planar og rutinar.
• følgje opp uønskte hendingar.
• generelt forbetringsarbeid.
  
  
  

Kvalifikasjonar

Du må ha utdanning på bachelornivå og erfaring frå arbeid med kvalitet og HMS. Dersom du har erfaring frå beredskapsarbeid er det eit føremon.
Du har gode IKT-kunnskapar og du må ha gode evner til skriftleg og munnleg kommunikasjon på norsk.

Personlege eigenskapar

• Du er systematisk, har god heilskapsforståing og kan arbeida sjølvstendig.
  
• Du har stor arbeidskapasitet, kan arbeide strukturert og med god gjennomføringsevne.
• Du er analytisk og evner tenkje kreativt.
  
• Du har gode samarbeidsevner og bidreg til eit godt arbeidsmiljø
  
• Du har personleg og fagleg integritet med fokus på kontinuerleg fagleg utvikling.

Vi tilbyr

• ein meiningsfull, samfunnsnyttig og variert arbeidskvardag i eit arbeidsmiljø med høg fagleg kompetanse.
  
• ei spanande stilling i eit arbeidsmiljø med høg fagleg kompetanse
  
• løn og stillingskode etter gjeldande tarifftabell
  
• gode offentlege pensjons- og forsikringsordningar.

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg  søkjarliste vil du alltid bli varsla før søkjarlista blir offentleggjort. 

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.