Er du vår nye rådgjevar/ seniorrådgjevar?

Vestland fylkeskommune har som mål å sikre og utvikle sterke lokalsamfunn, velfungerande by- og senterområde og gode regionale tenester. Vi skal leggje til rette for ein framtidsretta infrastruktur med gode samband internt i fylket og mot resten av landet.

Avdeling for infrastruktur og veg (INV) forvaltar fylkeskommunen sitt ansvar som vegeigar. Fylkesvegnettet bind fylket saman og skal vere trygt, føreseieleg og effektivt.

Utgreiingsseksjonen kan freiste med ei stilling sentralt plassert i arbeidet med framtidas samferdselsprosjekt i Vestland. Er du analytisk og samfunnsengasjert - og synast samferdsel og samfunnsøkonomiske analysar er spanande? Då er du den vi er på jakt etter.

Arbeidsoppgåver

• Utarbeide finansieringsanalyser for nye samferdselsprosjekt, t.d. bompengeanalyser
• Utforme strategiske styringsdokument som årleg rullering av investeringsprogrammet og budsjett og økonomiplan, samt arbeid med Nasjonal transportplan
• Sentral rolle innan porteføljestyring av prosjekt på fylkesveg
• Utarbeiding av politiske saker
• Delta i ulike fora med andre aktørar innan samferdselssektoren, både lokalt og nasjonalt
• Leie - eller delta i ulike typar utgreiingsarbeid, forprosjekt og kunnskapsgrunnlag for samferdselsprosjekt

Kvalifikasjonar

• Til stillinga er det ein fordel med mastergrad, og minimum tre års høgare utdanning
• Behov for god talforståing/ økonomisk forståing
• Det er ønskeleg med samfunnsøkonomisk bakgrunn, eller relevante fag som t.d. samfunnsvitskap og statistikk
• Fordel om du har kunnskap om administrative og politiske prosessar generelt, offentleg forvaltning og gjerne erfaring frå samfunns- og transportplanlegging

Personlege eigenskapar

Du kjenner deg igjen i verdiane våre som er open, kompetent og modig.

• Stillinga krev både sjølvstendig, analytisk arbeid og utstrekt samarbeid med andre i og utanfor organisasjonen
• Du må ha god skriftleg og munnleg framstillingsevne
• Du må takle å arbeide opp mot knappe tidsfristar
• Du må kunne strukturere kvardagen med fleire oppgåver

Vi tilbyr

Hos oss får du:

• Interessante arbeidsoppgåver innan samferdselsprosjekt som engasjerer mange
• Godt arbeidsmiljø og samarbeid med gode kollegaer
• Variert og innhaldsrik arbeidsdag
• Gode moglegheiter for fagleg utvikling
• Løn etter avtale
• Gode offentlege pensjons- og forsikringsordningar

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg  søkjarliste vil du alltid bli varsla før søkjarlista blir offentleggjort. 

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.