1-årig vikariat som sosionom ved LAR Fana og Ytrebygda

Rus- og avhengigheitsklinikken (RAK) har ca 570 medarbeidarar. Avdelinga har ein LAR avdeling, to ruspoliklinikkar, ein ambulant seksjon og fleire døgnseksjonar, for både akutt- og planlagd behandling. Avdelinga er i ein spennande utvikling knytt til aukande differensiering av tenester for avhengigheitslidingar, fagleg integrasjon med psykisk helsevern, m.a. ved geografisk deling av alle poliklinikktenestene. Målsetting for integrasjonsprosessen er å utvikle tettare samhandling med DPSar og kommunale tenester.

LAR er organisert i 6 geografiske seksjoner. Kvar seksjon er tverrfagleg samansett av psykolog, lege, sjuke- og vernepleiarar og sosionomar. LAR har ansvar for substitusjonsbehandling med LAR-legemiddel, samt psykososial behandling og rehabilitering av pasientar. Vi har eit stort fokus på å tilby LAR pasientar integrert behandling og rehabilitering i samarbeid med kommune og DPS. Trongen for behandling er stor og pasientane treng eit helse- og sosialfagleg tilbod som er tilpassa deira livsførsel og komplekse sjukdomsbilete.

Vi har ledig 100% vikariat for sosionom ved LAR Fana og Ytrebygda. Vikariatet er ledig frå snarast og til 28.02.2027.

Arbeidsoppgåver

• Som behandlar i LAR har ein ansvar for heilhetleg oppfølging og behandling til eit gitt tal pasientar
• Poliklinisk oppfølging
• Ambulant oppfølging av pasientar utanfor poliklinikk
• Ein vil arbeide i tverrfagleg team med psykolog, lege, sjukepleiar, vernepleiar og sosionom der ein tar sentral del i utarbeiding og gjennomføring av plan for behandling
• Aktiv deltaking i pasienten si ansvarsgruppe, der 1.linjeteneste og DPS er sentrale samarbeidspartnarar
• Sikre forsvarleg utdeling av LAR legemiddel

Kvalifikasjonar

• Bachelor i sosialt arbeid
• Erfaring frå arbeid innan rusbehandling eller psykisk helsevern, samt kommunale sosiale tenester eller andre kommunale behandlingstiltak for rusmiddelavhengige

Personlege eigenskapar

• Du har engasjement for fagfeltet og pasientgruppa
• Du bidrar positivt til eit fagleg og godt arbeidsmiljø
• Fleksibel, tåler uforutsigbarhet og evner å prioritere i stressande situasjonar
• Du har god evne til tverrfagleg samhandling, samt evne til sjølvstendig arbeid
• Du har gode kommunikasjonsferdigheiter
• Du har god skrifteleg formidlingsevne for journaldokumentasjon
• Du har evne og vilje til å inngå i langvarige og krevande behandlingsrelasjonar til pasientar

Vi tilbyr

• LAR er eit fagområde i stor utvikling. Vi kan difor love ein utfordrande og arbeidskrevjande kvardag i eit godt arbeidsmiljø
• I LAR - poliklinikkane blir det lagt stor vekt på utvikling av medarbeidarars faglege kompetanse og evne til samhandling
• Ein arbeider i team og vil få regelmessig rettleiing og undervising
• Lønn iht gjeldande overeinskomst
• Gode pensjons- og forsikringsordningar

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.