100 % fast stilling som verksemdsleiar for psykisk helse og rusarbeid

Voss herad søkjer ein engasjert, tydeleg og utviklingsorientert leiar til verksemda for psykisk helse og rusarbeid. Me ser etter ein person som ønskjer å bidra til tidsretta og heilskaplege tenester for innbyggjarar med psykiske helseutfordringar og/eller rusproblematikk. 

 

Om verksemda 

Avdeling for psykisk helse og rusarbeid har om lag 18 tilsette fordelt på ambulerande team, Oasen aktivitetssenter og Vetleflaten omsorgsbustader. Rundt 150 brukarar nyttar seg av tilboda våre. Verksemda er i kontinuerleg utvikling, med særleg fokus på samhandling, førebygging og brukarmedverknad. 

 Me tilbyr 

  Ei spanande og meiningsfull leiarstilling i ein kommune i utvikling 
  Eit kompetanseorientert, inkluderande og triveleg arbeidsmiljø 
  Gode moglegheiter for fagleg og personleg utvikling 
  Gode pensjons- og forsikringsordningar 
  Løn etter avtale 

 

Kvalifikasjonar 

  Høgare utdanning innan helsefag 
  Vidareutdanning eller erfaring innan psykisk helse og/eller rusarbeid er ønskjeleg, men ikkje eit krav 
  Anna relevant utdanning og erfaring kan òg vere aktuelt 
  Evne til å skape resultat gjennom samarbeid, involvering og tydeleg leiing 
  God struktur, gjennomføringsevne og forståing for endringsarbeid 
  Erfaring frå leiing og utviklingsprosessar er ein fordel  Personlege eigenskapar som evne til å arbeide målretta, skape tillit og bidra til eit godt arbeidsmiljø vil bli vektlagt. 
 

Arbeidsoppgåver 

• Overordna ansvar for verksemda psykisk helse og rusarbeid 
• Sikre fagleg kvalitet og utvikling innanfor gitte rammer
• Arbeide aktivt med tenesteutvikling, førebygging og brukarmedverknad 
• Ansvar for økonomi, budsjett og ressursstyring 
• Bidra til god arbeidsflyt og samhandling internt og eksternt 
• Leggje til rette for heilskaplege og koordinerte tenester med brukaren i sentrum 

 

Søknad 

Voss herad ønskjer eit arbeidsmiljø prega av mangfald, og tilsette som speglar befolkninga. Alle kvalifiserte søkjarar er velkomne til å søkje uavhengig av alder, funksjonsevne, kjønn eller kulturell bakgrunn. 

Det vert sett opp offentleg søkjarliste etter søknadsfristen. I tråd med offentleglova § 25 kan opplysningar om søkjar bli offentleggjort sjølv om det er bede om unntak. Søkjar vert varsla dersom ønsket om unntak ikkje kan takast til følgje. 

Ver venleg og legg ved vitnemål og attestar. 

 

 

Livet er meir enn arbeid. På Voss kan du gå på ski om vinteren eller på fjelltur om sommaren, nokon et smalahove, høyrer på jazz eller driv med ekstremsport.
Vossevangen er regionsenteret vårt. Me har eit godt utbygt næringsliv, er eit senter for utdanning i regionen og me er eit knutepunkt mellom aust og vest. Bergensbanen går gjennom Vossevangen, og me har godt togsamband til både Bergen og Oslo.
Voss herad har om lag 16.000 innbyggjarar og er den største arbeidsgjevaren i bygda, med om lag 1350 tilsette. Nynorsk er administrasjonsmålet i Voss herad.

Verdiane våre er profesjonell - påliteleg - skapande - inkluderande