Ekstrahjelp ved miljøstasjon

Vil du vere med i eit målretta og godt etablert team med fokus på miljørett kvalitet? Vi søkjer ein engasjert person som kan rettleie kundane våre, og syte for stabil og god drift ved miljøstasjonen i Hovdebygda. Du får allsidige oppgåver i eit team saman med fleire.

Stillinga er som tilkallingshjelp, i første omgang på eitt år, med høve for forlenging. Oppstart i stillinga snarast råd. Vi har drift heile året, og har difor behov for bistand under ferieavvikling frå april/mai til august/september. I tillegg vil vi trenge hjelp ved langope måndagar, tysdagar og laurdagar, i tillegg til anna fråvære og ved prosjektarbeid etter nærmare avtale.

Personlege eigenskapar:

-         Serviceinnstilt; du vert VØR sitt ansikt utad mot kundane

-         Evne til å arbeide sjølvstendig

-         Strukturert, ryddig og påliteleg

-         Gode samarbeidsevner og ikkje redd for å ta eit tak

Kvalifikasjonar:

-         Førarkort klasse B

-         Meistre norsk munnleg og skriftleg

-         Grunnleggjande datakunnskapar

-         Gjerne truckførarkurs (ikkje krav)

Arbeidsoppgåver:

-        Rettleiing og bistand til kundane i miljøstasjonen

-        Pakking, klargjering og lasting av ulike avfallsfraksjonar

-        Operatør i vekta ved behov

-        Rydding og handtering, både manuelt og maskinelt

-        Andre ulike oppgåver, både knytt til miljøstasjonen, og VØR sitt anlegg på Melsgjerdet, kan verte aktuelt.

Nødvendige kurs og opplæring vil bli gitt.

Vi tilbyr regulerte løns- og arbeidsforhold i ein spennande bransje med eit viktig miljøoppdrag. For stillinga gjeld ordinære tilsettingsvilkår i tråd med reglement for offentlege tilsette. Vi oppmodar kvinner om å søke på stillinga.

Volda og Ørsta Reinhaldsverk IKS er heileigd av Volda og Ørsta kommunar. Selskapet har ansvaret for innsamling, mottak og vidaretransport av avfall frå alle hushaldningane. Drifta i VØR er delt på to lokasjonar, der innsamling ute hos abonnentane er knytt mot det nye anlegget vårt på Melsgjerdet i Ørsta. I Hovdebygda har vi miljøstasjonen og administrasjonen vår, saman med Retura Søre Sunnmøre AS. Selskapet omsette i 2025 for 56 mill kr og har 20 tilsette. VØR er godkjend lærebedrift og sertifisert etter ISO9001.