Rådgivar økonomi

Vil du vere med å utvikle kompetanse- og næringsområdet?

Økonomiteamet vårt jobbar tett på heile kompetanse- og næringsområdet. Vi arbeider med å få på plass økonomiske rammer for dei ulike områda vi er satt til å forvalte.

Hos oss blir økonomi meir enn tal – det handlar om å utvikle framtida!

Arbeidsoppgåver

Den som blir tilsett med oss vil arbeide med økonomiplan og analyser, budsjett, rapportering, regnskapsføring, faktura, løn og personaloppgåver.

Dine hovudoppgåver vil omfatte budsjettering, rekneskap/prosjektrekneskap, analyser, rapportering og formidling.

Kvalifikasjonar

• Høgare relevant utdanning på masternivå. Kandidatar med bachelorgrad og relevant erfaring kan vurderast for stillinga, men vil då kunne få ein anna stillingstype enn rådgivar
• erfaring frå offentleg sektor kan vere ein fordel
• har god norske munnleg og skriftleg formidlingsevne

Vi oppfordrer nyutdanna personar til å søke på stillinga

Personlege eigenskapar

• er systematisk og nøyaktig
• har evne til å sjå samanhengar
• pådrivar for å nytte ny teknologi i utvikling av fagområdet og avdelinga
• evner å prioritere og kan levere raskt på bestillingar med korte fristar
• gode formidlings- og samarbeidsevner

Vi tilbyr

Dette er ei spennande stilling med moglegheit for å utvikle økonomiområdet i kompetanse- og næringsavdelinga.

Her får du både handlingsrom og moglegheit til å ta i bruk nye teknologiar i tråd med framtidige krav

Moglegheit for vidareutdanning på masternivå

Du får offentleg pensjonsordning, gruppelivs- og ulykkesforsikring og løn etter avtale.

Vi ser fram til å høyre frå deg! Last opp din CV, vitnemål og relevante attestar.

I staden for eit tradisjonelt søknadsbrev, ønsker vi at du svarar på følgande spørsmål i søknaden din:

• Kva er motivasjonen din for å søke på denne stillinga?
• Kva arbeidserfaring eller erfaring frå studietida vil du trekke fram som spesielt nyttig for denne stillinga?
• Skildre kort dei sterkaste personlege eigenskapane dine, og korleis du trur dei vil kome til nytte i denne rolla.
  
  
  Stillinga er lokalisert på fylkeshuset i Molde saman med resten av økonomiteamet.

Bli med å utvikle regionen saman med oss!

Møre og Romsdal fylkeskommune har ansvar for vidaregåande opplæring, fagskoleutdanning, fylkesveg og kollektivtransport, tannhelsetenester, kulturtenester og samfunns- og næringsutvikling i heile fylket. Vi er ein av dei største arbeidsgivarane i regionen. Verdigrunnlaget vårt er ein lærande organisasjon, kjenneteikna av verdiskapande samarbeid og tillit.

Møre og Romsdal fylkeskommune ønskjer medarbeidarar som tek ei aktiv, engasjert, reflektert og ansvarleg rolle i organisasjonen vår. Hos oss møtast menneskjer med ulik kompetanse- og utdanningsbakgrunn for å skape gode tenester til våre innbyggarar.

Møre og Romsdal fylkeskommune er oppteken av mangfald, og vi oppfordrar difor alle som er kvalifisert i henhald til stillingas krav, til å søkje hos oss. Vi tilpassar arbeidsplassen om du har behov for det.

For tilsetting i skole og tannhelsetenesta krevst det politiattest av kandidater som får tilbud om stilling.


Dersom det kjem fram av din søknad at du ønskjer konfidensiell handsaming, gjer vi merksam på følgjande: Opplysningar om søkar kan gjerast offentleg sjølv om søkar har bedt om konfidensiell behandling.

Søker vil da få tilsendt informasjon om dette jf. offentleglova § 25.

Lenke til --> Kompetanse- og næringsområdet (mrfylke.no)