ID 1046 - Lærling frå haust 2026 i Fitjar kommune

Fitjar kommune søkjer etter lærlingar for oppstart hausten 2026

Du må skrive i søknadsteksten kva fag du søkjer deg som lærling innan. Me søker etter lærling innan faga:

• Helsefagarbeidar

• Ernæringskokk

• barne- og ungdomsarbeidar

Fitjar kommune er ein triveleg arbeidsplass som byr på varierte arbeidsoppgåver og gode moglegheiter til både fagleg og personleg utvikling.

Me ser etter deg som:

• Er motivert og interessert i faget og vil bidra med eigeninnsats og engasjement.

• Viser omsyn og respekt.

• Kan arbeide sjølvstendig og saman med andre

• Kan kommunisere med menneske med ulik bakgrunn og i ulike situasjonar.

• Viser forståing for andre.

• Viser ansvar og er påliteleg.

• Fullført eller gå på Vg2

Me kan tilby:

• Løn etter tariff.

• Godt arbeidsmiljø.

• Gode læresituasjonar.

Som lærling vil du få god opplæring i eit profesjonelt miljø, men det krev også pålitelegheit, eigeninnsats og engasjement for å lykkast og utvikle deg i faget.

Vi ser etter deg som er nysgjerrig, engasjert og klar for å ta ansvar for eigen læring og utvikling. Tilsetjing etter gjeldande lov- og avtaleverk for lærlingar i kommunal verksemd. Attestar og vitnemål tas med til eit eventuelt intervju.

Lærling helsefagarbeidar

Ønskjer du å gjere ein forskjell i menneskers liv? Som lærling i helsefagarbeid vil du få verdifull erfaring innan pleie og omsorg. Du vil jobbe tett med erfarne fagfolk og bidra til å gi våre innbyggjarar den beste omsorga.

Som lærling i helsearbeidarfaget vil du få god opplæring i å yte praktisk hjelp, pleie og omsorg til menneske som treng det. Du får jobbe med menneske i forskjellige aldrar og livssituasjonar. Det kan vere born, vaksne og eldre med ulike funksjonsvariablar og sjukdommar eller behov for rehabilitering. I løpet av læretida vil du få praksis på sjukeheim, heimebaserte tenester og avdeling Habilitering.

Lærling kokk

Har du ein lidenskap for matlaging og ønskjer å utvikle dine kulinariske ferdigheiter? Vi tilbyr ein spennande lærlingplass der du får moglegheita til å jobbe i vårt kjøkken og lære av dyktige kokkar. Du vil vere med på å lage næringsrike og smakfulle måltid til våre innbyggjarar.

Som kokkelærling vil du få omfattande opplæring i eit profesjonelt kjøkkenmiljø, inkludert lære om IK-Mat (Internkontroll Mat), som sikrar at maten me serverar er trygg og av høg kvalitet. Du vil få vegleiing og oppfølging av erfarne kokkar som vil hjelpe deg med å utvikle dine ferdigheiter og nå dine læringsmål.

Lærling barne- og ungdomsarbeid

Er du glad i å jobbe med barn og ungdom? Som lærling i barne- og ungdomsarbeid vil du få moglegheita til å bidra til ein trygg og utviklande kvardag for våre yngste innbyggjarar. Du vil jobbe i barnehagar, skular og skulefritidsordning (SFO), og vere med på å planlegge og gjennomføre aktivitetar.

Som lærling i barne- og ungdomsarbeid vil du få erfaring frå ulike arbeidsplassar. Du vil få opplæring i pedagogiske metodar og teknikkar som fremjar sosial og motorisk utvikling hjå barn og unge. Du vil vere med på å planlegge og gjennomføre aktivitetar som bidreg til læring, leik og utforsking. Du vil lære å samarbeide med anna pedagogisk personell, barn, unge og føresette for å skape eit trygt og utviklande miljø.

For å søke om læreplass så må du registrere deg i VIGO. Ved å søke her så blir du linka over til Fagbrev.io der det er fagopplæringskontoret i ytre sunnhordland som får søknadane og tilset i lag med kommunen.