Viti søker no etter ein drifts- og sikkerheitsleiar

Viti søker no etter ein drifts- og sikkerheitsleiar med overordna ansvar for alle drifts- og museumsbygningar, parkanlegg og uteområde i Viti.

Arbeidsoppgåver:

• Leiing og utvikling av fagområde, inkludert budsjettansvar og delegert personalansvar for to driftsteknikarar

• Vedlikehald, drift og sikring av alle drifts- og museumsbygningar i Viti, historiske hageanlegg, parkanlegg  og uteområde, samt skjøtsel av kulturlandskap

  - brann, tjuveri, forsikringar og internkontroll på området

  - ansvar for alle tekniske anlegg; som VVS, el og ventilasjon

  - ansvar for alle driftsmiddel på fagområdet, frå motoriserte køyretøy til inventar i verkstader

  - planlegging og gjennomføring av logistikk rundt utstillingar og arrangement

  - praktisk bistand til utstillingsmontering

  - mindre reparasjonar i eksisterande utstillingar

  - HMS- arbeid i områda som nyttast av tilsette og publikum

• Utarbeide og kvalitetssikre planar og rutiner i samsvar med internasjonale standardar, som til dømes sikrings- og beredskapsplanar

• Utarbeide og rapportere statistikk, data og anna relevant informasjon

• Bidra i arbeidet med berekraft og miljøsertifisering

• Bidra til utvikling av fagfeltet og delta i prosjekt og fagleg samarbeid

Stillinga er plassert i avdeling for administrasjon og drift, og rapporterer til avdelingsdirektør administrasjon og drift.

Kvalifikasjonar:

Stillinga er allsidig, og difor kan ulike typar bakgrunn og utdanning vere aktuelt, men vi ser for oss at du har høgare utdanning innan bygg- eller ingeniørfag, med fagskole eller på bachelornivå.

Vi sett også som krav at du

• har erfaring som leiar, eventuelt prosjektleiar

• har erfaring med å skrive rapportar, prosjektsøknadar og faglege vurderingar

• har gode ferdigheiter og høg interesse for bruk av IKT-baserte system

• har erfaring med HMS-arbeid og er opptatt av å legge til rette for eit godt arbeidsmiljø

• har førarkort

I tillegg ser vi etter deg som

• har interesse for museumsarbeid og forståing for historiske bygg

• har god rolle- og forvaltingsforståing

• er praktisk anlagt og kan jobbe operativt så vel som strategisk med oppgåvene

• er strukturert og tar sjølvstendig ansvar for å levere god kvalitet til avtalt tid

• er uredd og initiativrik, har stor arbeidskapasitet og trivest med å sjonglere ulike oppgåver

Kontorstad for stillinga er ved Sunnmøre museum i Ålesund. Viti har ansvar for museum i kommunane Ålesund, Volda, Ørsta og Sykkylven og noko reising må påreknast.

Viti tilbyr

• Ein spannande jobb ved nokre av regionens flottaste kulturminne

• Variert arbeidskvardag og hyggeleg arbeidsmiljø

• Gode faglege og personlege utviklingsmoglegheiter

• 100 % fast stilling, 37,5 timar i veka inkl. spisepause.

• God offentleg tenestepensjon gjennom Kommunal landspensjonskasse - KLP

• Arbeidstøy og mobiltelefonordning

• Fleksitid, med kjernetid mellom kl. 1000-1400

• Ein time trening pr veke i arbeidstida

• Fem veker ferie og fire ekstra feriedagar som er lagt til litlejulaftan, julaftan, onsdag i påskeveka og nyttårsaftan

Lønsplassering etter tariff, Landsoverenskomst for museer og andre kulturinstitusjoner i samsvar med  utdanning og ansiennitet.

Heimla i Politiregisterforskrifta § 34-16 om personar som skal utføre oppgåver i kulturinstitusjonar vil Viti krevje politiattest før tilsetting i stillinga.

Søknadsfrist: 31.mars 2026

Stiftinga Viti er den største kulturinstitusjonen mellom Bergen og Trondheim. Museet er ein profesjonell vitskapleg institusjon med om lag 55 tilsette (42 årsverk) og mange frivillige. Stiftinga Viti er organisert i 3 avdelingar; avdeling for administrasjon og drift, kulturhistorisk avdeling og avdeling for kunst og design. Samlingane i Viti omfattar både natur-, kyst-, by- og industrihistorie, kunst, jugendstil og folkemusikk/folkedans. Viti har museumsarenaer i kommunane Ålesund, Sykkylven, Volda og Ørsta.