Sjukepleiar og vernepleiar til Rus- og avhengigheitsklinikken (RAK)

Rus- og avhengigheitsklinikken (RAK) treng fleire dyktige og engasjerte sjukepleiarar og vernepleiarar.

RAK tilbyr behandling og oppfølging til menneske med rus- og avhengigheitslidingar. RAK satsar også sterkt på forsking ogkvalitetsutvikling innan rushelsetenesta. RAK har om lag600 tilsette og ti kliniske seksjonar som tilbyr avrusing, stabilisering,poliklinikk, døgnbehandling for både kvinner og menn, familieambulatorium,LAR-behandling og ambulante tenester. Vi har også det einaste medikamentfriebehandlingstilbodet i vår region for unge mellom 18 og 40 år.

Vi har ledig følgande stillingar:

* Seksjon Askøy har ledig 100% vikariat som sjukepleiar frå snarast og til 02.03.2027 med mogleg forlenging. Langvaktturnus, med arbeid i snitt kvar fjerde helg.

* Seksjon Tertnes, Kvinneposten (KP) har ledig 100% vikariat som sjukepleiar/vernepleiar frå snarast og til 31.12.2026 meg mogleg forlenging. 2-delt turnus og kvar 3. helg.

* LAR poliklinikk Fana og Ytrebygda har ledig to 100% faste stillingar som sjukepleiar/vernepleiar med oppstart frå snarast. Stillinga er dagarbeid og pt kvar 8. laurdag på dagtid.

* Legemiddelassistert rehabilitering (LAR) søker sjukepleiar/vernepleiar til 100% fast stilling. Stillinga vil ha opptart i sommarturnus ved ei av desse avdelingane. Frå hausten kan stillinga bli ved same avdeling eller ved ein av RAK sine mange spennande avdelingar. Vidare arbeidsstad vil bli avtalt nærare i dialog med med den tilsette.
- Heroinassistert behandling
- TSB-poliklinikk Bergen og Bjørgvin fengsel Dagarbeid i vekedagar. I sommarperioden kan det i tillegg bli aktuelt med kvar 2. eller 3. helg

* Bemanningssenteret i Helse Bergen søker sjukepleiar og vernepleiar til 100% faste stillingar for oppdrag ved ulike avdelingar innan psykiatri og rus i sjukehuset.

Bemanningssenteret er sjukehuset sitt eige interne vikarbyrå. Hos oss vil du få moglegheit til å jobbe på eit begrensa tal av avdelingar, og moglegheit til å lage din eigen årsturnus. Vi har fire fagdagar i året, møtepunkt kvar tredje veke og tett oppfølging av leiar og resten av teamet. Velkommen på laget :)

Arbeidsoppgåver

Seksjon Askøy er ein døgneining for døgnbehandling og held til i moderne, flotte lokale kun ein halv times køyretid frå Bergen sentrum. Vi tar i mot ruspasientar med samansette problem. Vi har 28 senger for elektiv behandling av menn med rusproblem, der ein mellom anna jobbar med indivuell tilnærming og gruppeterapi. Gjennom behandlingstilboda våre ønsker vi å legge til rette for utforsking av nye meistringsopplevingar, og at den enkelte kan finne tilbake til eit godt daglegliv.
Kontakt: Seksjonsleiar Beate Louise Karlsen, Tlf. 97745657

Seksjon Tertnes Kvinneposten har 15 heildøgns sengeplassar for friveleg behandling av rusmiddelavhengige kvinner, der vi jobbar ut frå ein modell kor rammer, struktur og eit støttande miljø stimulerer indre modningsprosessar, som gjer den enkelte i stand til å realisere sitt potensial. Vi verdset eit arbeidsmiljø prega av omsorg for kvarandre, høgt engasjement for pasientane, fagleg utvikling, nysgjerrigheit, eit godt tverrfagleg samarbeid med opne dører og kreativitet.
Kvinneposten jobbar tverrfagleg og behandlingen består mellom anna beståande av gruppeterapi, inividualterapi, treningsterapi og miljøterapi. I tillegg tilbyr vi kunstterapi og musikkterapi samt sosialfagleg oppfølging av klinisk sosionom og pårørandeoppfølging av familieterapeut.
Kontakt: Seksjonsleiar Trude Larsen, Tlf. 98800425

LAR poliklinikk Fana og Ytrebygda er lokalisert i Apeltunvegen 2 på Skjold, kort veg frå Bybanen. LAR-Seksjonen er tverrfagleg samansett av psykolog, lege, sjuke- og vernepleiarar og sosionomar. LAR har ansvar for substitusjonsbehandling med LAR-legemiddel, samt psykososial behandling og rehabilitering av pasienter. I tillegg er forsking ei integrert del av behandlinga. Vi har stort fokus på å tilby LAR pasientar god behandling, i samarbeid med kommune og DPS. På LAR Fana og Ytrebygda vil du bli del av eit lag engasjerte behandlarar som setter pasienten først og som løyser ein kompleks arbeidskvardag saman.
Kontakt: Seksjonsleiar Per Gunnar Lunde Oseng, Tlf. 48354966

Kvalifikasjonar (overskrift)

AFR Legemiddelassistert rehabilitering (LAR) er eit tilbod til personar med avhengigheit til opioider, som heroin. Målet er å gi trygg behandling og støtte til eit betre og meir stabilt liv. Ein får medisinar som dempar abstinens og rusbehov, vanlegvis buprenorfin eller metadon. Medisinen blir henta på poliklinikk eller apotek. Nokre får utdeling hos fastlege eller heimesjukepleie. Arbeidstid i LAR er dagarbeid og kvar 4. eller 8. laurdag
Kontakt: Avdelingssjef Gry Irmelin Dale, Tlf. 92023184

AFR Heroinassistert behandling (HAB) har turnus 08 - 17.30 alle dagar inkl. helg.
Heroinassistert behandling (HAB) er eit tilbod for ei utvald målgruppe av personar med avhengigheit til heroin, som ikkje har hatt tilstrekkeleg behandlingseffekt av anna behandling. Det som skil HAB frå LAR er først og fremst legemiddelet. Diacetylmorfin (heroin) kan bli inntatt ved intravenøs injeksjon eller som tablettar og må bli inntatt fleire gonger i døgnet. Dette til forskjell frå LAR-legemiddel (metadon, buprenorfin) som blir inntatt éin gong i døgnet. I praksis betyr dette at pasientane må møte opp for inntak av legemiddelet to gonger dagleg, sju dagar per veke. Det vil ikkje bli gitt ta-med-heim dosar. Alle inntak skjer under påsyn av helsepersonell i HAB-klinikken.
Kontakt: Seksjonsleiar Vibeke Bukjovcic, Tlf. 94798983

TSB-poliklinikk Bergen og Bjørgvin fengsel har dagarbeid i vekedagar. I sommarperioden kan det i tillegg bli aktuelt med kvar 2. eller 3. helg (laurdag/søndag).
Poliklinikk i Bergen og Bjørgvin fengsel er eit behandlingstilbod under Rus- og avhengigheitsklinikken i Helse Bergen. Tilbodet er laga i samarbeid med kriminalomsorga, og gir innsette i dei to fengsla tilgang til rusbehandling på same måte som andre i samfunnet. Dette er eit behandlingstilbod for personar som har, eller står i fare for å utvikle, eit problematisk forhold til rusmiddel, ofte i kombinasjon med psykiske utfordringar. Vi jobbar tett saman i team med rusbehandlingsteamet i kriminalomsorga og andre samarbeidspartnarar i fengselet under soning.
Kontakt: Seksjonsleiar Natalia Berge, Tlf. 93005828

Arbeidsoppgåver

• Oppfølging av pasientar, individuelt tilpassa miljøterapi, skape struktur i kvardagen, aktivitet og støttesamtalar
• Tverrfagleg samarbeid i team med oppfølgingsansvar som primærkontakt
• Bidra til å skape ei trygg postatmosfære med omsorg, støtte og struktur for kvar enkelt pasient
• Poliklinisk oppfølging
• Ambulant oppfølging av pasientar utanfor poliklinikk
• Ein vil arbeide i tverrfagleg team med psykolog, lege, sjukepleiar, vernepleiar og sosionom der ein tar sentral del i utarbeiding og gjennomføring av plan for behandling
• Legemiddelhandtering
  

Kvalifikasjonar

• Norsk autorisasjon som sjukepleiar eller vernepleiar eller du vil få norsk autorisasjon etter endt utdanning (juni-26)
• Erfaring frå sjukepleiefagleg arbeid innan somatikk, rus og/eller psykisk helsevern er ein fordel
• Dokumentere i tråd med nasjonale lover og retningslinjer
• Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må kunne dokumentere ferdigheiter i norsk på minimum B2/NOR-U3- nivå eller høgare. Dokumentasjon må leggast ved søknad
• For LAR poliklinikk må ein ha førarkort klasse B
  

Personlege eigenskapar

• Engasjement og interesse for fagfeltet og pasientgruppa
• Evne til å etablere og stå i utfordrande relasjonar over tid
• Evne til tydeleg og forutsigbar kommunikasjon
• Evne til å arbeide målretta, strukturert og toler å stå i krevande situasjonar
• Evne å samhandle godt med andre
• Bidra positivt til eit fagleg og kollegialt godt miljø
• God fagleg vurderingsevne
• Er fleksibel, løysingsorientert og kan jobba sjølvstendig innanfor rammene
• Opptre profesjonelt i møte med og held seg til Helse Bergen sine etiske retningslinjer i møte med pasientar, kollegagruppe og samarbeidspartar

Vi tilbyr

• Ein arbeidsplass med høg fagleg kompetanse og regelemssig internundervisning
• Fagleg utfordrande og spennande arbeidsoppgåver
• Engasjerte medarbeidarar i ein spennande avdeling med nybrotsarbeid
• Ein utfordrande og lærerik kvardag med fokus på fagleg utvikling
• Lønn i samsvar med gjeldande overeinskomst og gode pensjons- og forsikringsordningar

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.