Vil du jobbe med oppfølging og kontroll av sikkerheit i høgare utdanning og forsking? 

Om stillinga og avdelinga

Avdelinga for digital omstilling og sikkerheit jobbar med oppfølging og kontroll av korleis sektoren for høgare utdanning og forsking etterlever rettslege krav og nasjonale føringar innan samfunnssikkerheit, nasjonal sikkerheit og informasjonssikkerheit. Avdelinga har ansvar for årleg kartlegging av sikkerheitstilstand og risiko i sektoren, som blir utført på vegner av Kunnskapsdepartementet. 
 

Vidare er avdelinga samordnar og pådrivar for digital omstilling. Denne oppgåva omfattar mellom anna kartleggingar av digitaliseringsarbeidet hos underliggande verksemder, og å informere om digitaliseringsrelevant regelverk med særleg betyding for sektoren.  

Arbeidssted for stillingen er Trondheim.

Korleis er det å jobbe hos oss?  

Hos oss vil du jobbe i ei avdeling som består av eit engasjert, tverrfagleg miljø innan digitalisering og sikkerheit. Du vil få høve til å jobbe med spennande og viktige oppgåver i skjeringsfeltet mellom sikkerheit, digital teknologi og organisasjonsutvikling i sektoren. Du vil kunne påverke arbeidsoppgåvene dine ut frå kva for kompetanse, arbeidserfaring og fagleg engasjement du har. Du vil òg jobbe utetterretta med rådgiving, kontroll og kartlegging.   

Arbeidsoppgåvene dine vil mellom anna bestå av 

•    årleg kartlegging av status for sikkerheit og risiko i høgare utdanning og forsking  
•    delta i dialog med verksemder i sektoren om sikkerheitsmessige tema 
•    samle inn og samanstille data, i tillegg til å utarbeide rapportar og tilrådingar 
•    utvikle kunnskapsgrunnlag og innsikt på overordna nivå på sikkerheitsområdet 
•    delta i arbeidsprosessar og prosjekt i avdelinga 
•    bidra med kunnskap og innsikt på sikkerheitsområdet, både eksternt og internt 
•    bidra i anna sikkerheitsarbeid i HK-dir ved behov 

Kva kvalifikasjonar treng vi?

 Krav: 

•    fullført bachelor- eller mastergrad, eller tilsvarande grad, med sikkerheitsfag i fagkretsen 
•    arbeidserfaring frå offentleg forvaltning eller arbeidserfaring med oppgåver som inngår i oppgåve- og ansvarsområda til denne stillinga 
•    god skriftleg og munnleg framstillingsevne på norsk 
•    må kunne sikkerheitsklarerast på nivået HEMMELEG 

Les meir om sikkerheitsklarering på nettsidene til Nasjonalt tryggingsorgan. (Sikkerhetsklarering - Nasjonal sikkerhetsmyndighet (https://nsm.no/fagomrader/personellsikkerhet/sikkerhetsklarering/)) 

Det er i tillegg ein føremon om du har: 

•    kunnskap om sikkerheitslova og eksportkontrollregelverket 
•    erfaring med revisjon eller kontroll av etterleving 
•    erfaring med kartlegging og analysearbeid 
•    erfaring med risiko- og sårbarheitsanalysar 
•    erfaring med personellsikkerheit 
•    IKT-sikkerheitsfag eller erfaring med IKT-sikkerheit 

 Du passar perfekt hos oss dersom du 

•    er strukturert og analytisk 
•    er samarbeidsorientert 
•    er sjølvstendig og har god gjennomføringsevne 
•    har god rolleforståing 

Hos oss får du

• eit uformelt og godt fag- og arbeidsmiljø 
• høve til fagleg utvikling og kompetanseheving
• ein fleksibel arbeidstidsordning og høve for å jobbe heimanfrå delar av arbeidstida 
• høve til trening i arbeidstida, med inntil to timar i veka 
• høve for mobiltelefonordning 
• medlemskap i Statens pensjonskasse, med gode pensjons- og låneordningar 

Lønsvilkår

• lønsplassering etter kompetanse
  • rådgivar/seniorrådgivar med ei årslønn mellom kr. 600 000 - 850 000
  • for særskild godt kvalifiserte søkjarar kan høgare løn vurderast
• medlemskap i Statens pensjonskasse, med trekk på to prosent til lovfesta pensjonsinnskot 

Inkluderande arbeidsliv og mangfald

I HK-dir trur vi at mangfald gir oss breiare perspektiv, og at medarbeidarar med ulik livserfaring og fagkombinasjonar vil gjere oss i stand til å finne enda fleire gode løysningar på våre oppdrag. Vi oppmodar derfor alle til å søke jobb utan omsyn til alder, kjønn, funksjonsevne eller etnisk bakgrunn. Du er også velkomen til å søke sjølv om du ikkje kan vise til ei samanhengande yrkeskarriere. Vi legg forholda til rette for personar med nedsett funksjonsevne.

Dersom du har funksjonsnedsetting, innvandrarbakgrunn eller hol i CV-en kan du verte positivt særbehandla dersom du kryssar av for dette når du søker stillinga. Vi inviterer minst éin kvalifisert søkar i kvar av desse gruppene til intervju. For å verte positivt særbehandla på denne måten, må du oppfylle visse krav. Les meir om dette på arbeidsgjevarportalen (https://arbeidsgiver.dfo.no/strategisk-hr/inkluderingsarbeid/bli-bedre-pa-rekruttering/hvordan-skrive-stillingsannonser-som-inkluderer/positiv-saerbehandling-nar-man-soker-jobb-i-staten). Avkryssing i Jobbnorge gir grunnlag for anonymisert statistikk, som alle statlege verksemder rapporterer i sine årsrapportar. 

Offentleg søkjarliste

Vi gjer merksam på at opplysningar om søkjaren kan verte offentleggjort sjølv om søkjaren sjølv ber om ikkje å verte ført opp på søkjarliste, jf. Offentleglova § 25. Søkjaren vert i så tilfelle informert om dette på førehand. 

Søknad og CV

For å ha eit godt vurderingsgrunnlag ber vi deg om å registrere søknad og utfyllande CV i vår rekrutteringsportal og laste opp relevante attestar og vitnemål. Vi oppmodar deg om å gi tilgang til vitnemålsportalen. 

Kontaktperson

Namn: Kristin Selvaag

e-post: kristin.selvaag@hkdir.no

telefon: 91312990

Direktoratet for høgre utdanning og kompetanse (HK-dir) har eit samla, nasjonalt ansvar for forvaltingsoppgåver innan høgre utdanning, høgre yrkesfagleg utdanning og kompetansepolitikk. Vi er fagleg rådgjevar for Kunnskapsdepartementet, set i verk politikken og samordnar verkemidla. Direktoratet skal bidra til å utvikle kvaliteten i utdanning og opplæring, styrkje det internasjonale samarbeidet og bidra til digital omstilling av universitet og høgskolar.Vi jobbar for å løfte kompetansen i befolkninga, gjere utdanning og opplæring av høg kvalitet tilgjengeleg for alle heile livet, og sikre arbeidslivet tilgang på kompetent arbeidskraft.

Les meir om HK-dir her

Vi har kontor i Bergen, Oslo, Tromsø og Trondheim.