Sadjásaš journalistavirgi

Mii ohcat áŋgiris, iešheanalaš ja servvodatberošteaddji olbmo geas lea hállu bargat journalistan ja geas lea beroštupmi oahppat eambbo dán suorggi bargguid birra.

Journalista galgá buvttadit sihke báberaviisii ja neahttaaviisii. Oassi barggus sáhttá maiddái leat buvttadit sisdoalu sosiála mediaide, searvat podcastbargguide ja video- ja streamenbargguide.

Bargi ferte hálddašit sámegiela, sihke čálalaččat ja njálmmálaččat.

Bargi ferte rehkenastit mátkkošteami ja eahket- dahje vahkkoloahppabargguid lunddolaš oassin iežas barggus.

Bargobáiki: Ávviris leat dál kantuvrrat Kárášjogas, Guovdageainnus, Álttás, Deanus, Unjárggas, Hársstáin ja Romssas. Eará kánturbáikkiid sáhttit árvvoštallat.

Mii sáhttit fállat oahpaheami ohcciide geain ii leat journalistaoahppu dahje journalistaduogáš.

Bálká, eará eavttut ja álgin soahpamuša mielde.

Bargis berre leat vuodjinkoarta.

Eanet dieđuid virggi birra oaččut konstiturejuvvon váldodoaimmaheaddjis Iselin Skum, tlf. 458 46 472, iselin@avvir.no dahje neahttajođiheaddjis, Kila Anti, tlf. 951 42 024, kila@avvir.no.

Jus háliidat eambbo gullat mo lea Ávviris bargat, min bargobirrasa birra ja muđui bargoeavttuid birra, de sáhtát maiddái váldit oktavuođa Norgga Journalistasearvvi báikkálaš luohttamušolbmuin: Inga Marie Guttorm , tlf. 415 94 399, inga@avvir.no

Eanet dieđuid Ávvira birra gávnnat maid interneahtas: http://avvir.no