Fast 63 % stilling som vaken nattevakt

Vil du ha ein meiningsfull jobb der du gjer ein reell forskjell for menneske i sårbare livssituasjonar? Vi søkjer ein trygg og engasjert nattevakt til døgnbemanna bustadtiltak for rusavhengige med 16 leilegheiter. 

 

Om arbeidsgivaren 

Bjørnafjorden kommune har over 26 000 innbyggjarar og rundt 1 800 tilsette. Vi er ein nær og inkluderande kommune med visjonen: «Det gode liv for alle». Som medarbeidar hos oss bidreg du til viktige samfunnsoppgåver som gjer ein forskjell for både innbyggjarar og lokalsamfunnet. 

Avdeling Miljø og aktivitet tilbyr ambulerande helsehjelp, oppfølging i eigen bustad og ulike tenester tilmenneske med samansette behov. Du blir ein del av eit fagmiljø som gir oppfølging til personar med rus- og psykiske helseutfordringar, med fokus på meistring, tryggleik og livskvalitet. 

 

Om stillinga 

• 63,64 % fast stilling 

• Vaken nattevakt i turnus 

• Arbeid kvar tredje helg 

• Vakttid: 22:0007:30 

• For tida knytt til avdelingMiljø & aktivitet Vartun oppfølgingsteneste, Industrivegen 8, 5210 Os. 

Du blir ein del av eit fagmiljø som gir oppfølging til personar med rus- og psykiske helseutfordringar, med fokus på meistring, tryggleik og livskvalitet. 

 

Arbeidsoppgåver 

• Sikre ro, tryggleik og oppfølging gjennom natta 

• Yte fagleg forsvarlege tenester til bebuarar samt inngå som kollegastøtte for Bufellesskap Psykisk helse. 

• Leggje til rette for livskvalitet, brukarmedverknad og førebygging 

• Bidra til godt samarbeid og arbeidsmiljø 

 

Kvalifikasjonar 

• Relevant helse-/omsorgsutdanning  

• Erfaring frå liknande arbeid er ein fordel 

• Førarkort klasse B

 

Personlege eigenskapar 

• Du er sjølvstendig og fungerer godt i tverrfagleg samarbeid 

• Trygg og tydeleg i møte med menneske 

• Gode kommunikasjons- og samarbeidsevner 

• Gode relasjonelle ferdigheiter  

• Personleg eignaheit blir tillagt stor vekt 

 

Vi tilbyr 

• Eit sterkt fagmiljø og godt arbeidsmiljø 

• Faglege og personlege utviklingsmoglegheiter 

• Lønn etter gjeldande avtaleverk 

• For sjukepleiarar og vernepleiarar i turnus, tilbyr Bjørnafjorden kommune eit tillegg i grunnlønn på kr. 25.000 over garantilønnstabellen 

• Gode pensjons- og forsikringsordningar 

• Ein jobb med meining der du gjer ein forskjell 

Politiattest krevst før tilsetjing. 

Bjørnafjorden kommune er ein arbeidsplass som verdset likestilling og mangfald, der alle tilsette forpliktar seg til prinsippet om likeverd og bidreg til å skapa eit inkluderande arbeidsmiljø. Vi ønskjer eit mangfald av søkjarar og oppmodar alle kvalifiserte kandidatar til å søkje, uavhengig av kjønn, alder, funksjonsevne, seksuell orientering, etnisk bakgrunn eller livssyn. 

Etterutløptsøknadsfrist, vil detbli generert eioffentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar kanbli offentlege sjølv om ein har kryssa av for åbli unnateke. Dersomanordningaikkje vert teke til følgje vil søkaren varslast om dette. 

Vi vil aldri besøkjarom å oppgi BANK-ID informasjon i søknadsprosessen. 

Bjørnafjorden kommune har i overkant av 26 000 innbyggarar og rundt 1800 kommunalt tilsette.

Vi er ein nær og varm kommune, noko som gjenspeglar seg i misjonen vår Det gode liv for alle. Som arbeidstakar bidrar du med oppgåver som er viktig for innbyggarane våre og lokalsamfunnet vårt. Du betyr noko, og det du gjer betyr noko!

Vi jobbar med fleire spennande prosjekt, og er alltid på utkikk etter engasjerte folk med hjartet på rette staden. Er det deg?