Barnehagelærar - 100% fast stilling ved Modnen barnehage

Eidfjord kommune er i spanande utvikling, og er ei aktiv bygd omgitt av flott natur. Me treng fleire med på laget som kan vera med på å skapa vekst og utvikling i kommunen. Saman med andre dyktige medarbeidarar skal me levera gode tenester og løysa samfunnsoppdraget.

Vil du jobba i eit miljø prega av glede og humor, der haldningar og verdiar vert jobba med kontinuerleg?

Me ser etter deg som er glad i å leika, læra og undra deg saman med borna, som alltid er på bornas nivå og som er engasjert i jobben du gjer. Eit viktig mantra for barnehagen er tidleg innsats gjennom systematisk arbeid, fokus på gode relasjonar og dialog. Me har utarbeida ein felles pedagogisk plattform, og me jobber systematisk og målretta for å implementera denne hjå alle tilsette. Likeverd, respekt og anerkjennelse står sterkt hjå oss.

Om stillinga:

Me søkjer etter barnehagelærarar i 100% fast stilling. Som barnehagelærar bruker du di faglege, pedagogiske og etiske kompetanse for å leggja til rette for at barnegruppa og det enkelt barnet er trygt og godt i eit miljø prega av leik og læring.

Ynskja kvalifikasjonar:

• Godkjent treårig bachelor barnehagelærarutdanning

• Søkjarar med anna pedagogisk utdanning kan verte vurdert

• Søkjarar med høgare utdanning innan andre omsorgsyrke kan verte vurdert med føresetnad om å ta årsstudium i småbarnspedagogikk/barnehagepedagogikk

• Gode munnlege og skiftlege norskferdigheiter

• God digital kompetanse i eige planarbeid og saman med borna

Arbeidsoppgåver:

• Ansvar for det faglege og pedagogiske arbeidet på avdelinga

• Arbeida målretta i tråd med rammeplan for barnehagens oppgåver og innhald, og lov om barnehagar.

• Bidra til å utvikle eit godt arbeidsmiljø og leggja til rette for eit godt samarbeid med føresette.

• Evne til å ha oversikt, organisere og tilpasse arbeidet etter borna sine behov

Me tilbyr:

• Spanande og varierte oppgåver på ein fagleg utfordrande arbeidsplass i eit

  godt tverrfagleg miljø.

• Konkurransedyktige vilkår.

• Moglegheit til å søkje støtteordningar og tilrettelegging for relevant vidare- og etterutdanning.

• Gode pensjonsordningar.

• Fagleg engasjerte kollegaar i eit godt og varmt arbeidsmiljø med rom for alle, og med visjonar om å skape gode robuste team som er oppteken av fagleg utvikling.

• Ein barnehage som er framoverlent og som ynskjer å vere med å utvikle

  barnehagefeltet.

• Betre bemanningsnorm enn dei sentrale føringane.

• Hjelp til å skaffe husvære

• Eidfjord er ein av kommunane du kan søkja om nedskriving av studielån

Tilsetjingsvilkår:

Gyldig politiattest må leggjast fram ved tilsetjing.

Anna info

Arbeidsspråk er nynorsk.

For spørsmål om stillinga kontakt:

Grete Næss, styrar tlf. 990 34 547

Silje Aurdal Riber, assisterande styrar tlf. 482 39 443

Velkomen som søkjar!