Vil du bidra til tryggare barnevern for barn og unge i Vestland?

Om stillinga

Statsforvaltaren i Vestland lyser ut to faste stillingar på barnevernsområdet - ei for jurist og ei for barnevernspedagog/sosionom. Vi søkjer engasjerte og fagleg sterke kandidatar som ønskjer å bidra til forsvarlege og trygge tenester for barn og unge.
Begge stillingane har tilsyn med barnevernsinstitusjonar som ein sentral del av oppgåvene.

Helse-, sosial- og barnevernsavdelinga har ansvar for tilsyn, rettleiing, klagesaksbehandling og andre forvaltningsoppgåver innan barnevern, sosialtenester, helse og omsorg. Vi jobbar i skjeringspunktet mellom juss, barnevernsfag og samfunnsoppdrag, og er opptekne av kvalitet, fagleg tyngde og kontinuerleg utvikling.

Stillingane er knytt til barnevernsområdet, med kontorstad Bergen.

Arbeidsoppgåver

Ein vesentleg del av arbeidet i begge stillingane er tilsyn med barnevernsinstitusjonar, der du vil

• planleggje, gjennomføre og følgje opp tilsyn
• vurdere praksis opp mot barnevernslova og forskrifter
• utarbeide rapportar og eventuelle pålegg
• samarbeide tett med institusjonar, kommunar og andre aktørar

Andre sentrale oppgåver er

• behandling av klager og andre forvaltningssaker
• råd og rettleiing til tenester og brukarar
• formidling av faglege vurderingar
• deltaking i fagutvikling og kompetanseheving

Andre relevante oppgåver kan bli tildelte etter avtale med seksjonssjef.

Kvalifikasjonar

For juriststillinga krevst

• juridisk embetseksamen/master i rettsvitskap
• gjerne erfaring frå barnevernsfeltet
• god innsikt i offentleg forvaltning

For stillinga for barnevernspedagog/sosionom krevst

• utdanning som barnevernspedagog eller sosionom 
• gjerne relevant masterutdanning
• erfaring frå institusjonsbarnevern eller kommunalt barnevern
• god forståing av barnevernslova og rettane til barn og unge

Felles krav for begge stillingane er

• god munnleg og skriftleg framstillingsevne på nynorsk og bokmål
• evne til systematisk, sjølvstendig og strukturert arbeid
• å vere trygg i møte med komplekse faglege vurderingar
• førarkort klasse B

Personlege eigenskapar

Vi ser etter deg som

• har gode samarbeidsevner og trivst i tverrfaglege miljø
• er analytisk, grundig og fagleg trygg
• kommuniserer klart og forståeleg
• bidreg positivt til arbeidsmiljøet
• er fleksibel, løysingsorientert og utviklingsretta
• har god arbeidskapasitet  

Personlege eigenskapar blir vektlagde.

Som tilsett hos Statsforvaltaren får du

• interessante arbeidsoppgåver
• eit kompetent og tverrfagleg arbeidsmiljø
• ein arbeidsplass i utvikling
• medlemskap i Statens pensjonskasse med god pensjonsordning, gunstig bustadlån og forsikringsordning
• trening i arbeidstida
• delvis heimekontor 
• fleksibel arbeidstid
• løn i samsvar med vår lokale lønspolitikk

Vil du jobbe hos oss? | Statsforvaltaren i Vestland (https://www.statsforvalteren.no/nn/vestland/om-oss/vil-du-jobbe-hos-oss/)

Vi ønskjer mangfald

Statsforvaltaren ønskjer mangfald, og vil leggje til rette for eit inkluderande arbeidsliv. Aktuell tilrettelegging kan for eksempel vere tekniske hjelpemiddel, tilpassing av møblar eller endringar av rutinar, arbeidsoppgåver og arbeidstid. 

Vi meiner at inkludering og mangfald er ein styrke. Vi ønskjer tilsette med ulik kompetanse, fagkombinasjonar, livserfaring og perspektiv for å bidra til endå betre oppgåveløysing.

Vi oppmodar alle kvalifiserte kandidatar til å søkje utan omsyn til alder, kjønn, nasjonal eller etnisk bakgrunn, funksjonsevne eller hol i CV-en. Vi oppmodar om å krysse av i jobbsøkjarportalen dersom du har nedsett funksjonsevne, hol i CV-en eller innvandrarbakgrunn. Dersom det er kvalifiserte søkjarar frå desse gruppene kallar vi inn minst ein søkjar i kvar av gruppene til intervju. 

Vilkår

Alle som søkjer stillinga må søkje digitalt gjennom rekrutteringsportalen Jobbnorge. Du må laste opp relevante vitnemål og attestar. Vitnemål og/eller karakterutskrifter hentar du frå vitnemålsportalen i Jobbnorge. Har du utdanning frå utlandet legg du ved godkjenning frå HK-dir (https://hkdir.no/utdanning-fra-utlandet). 

Når søknadsfristen er ute, vurderer vi søknaden din på bakgrunn av informasjonen du har sendt oss. Det er derfor viktig at du både i søknadsbrevet og CV-en, viser korleis kompetansen din fyller krava som er sett i utlysinga. 

Stillinga er lønna i stillingskode 1434 rådgjevar/1364 seniorrådgjevar, frå kr 610 000-770 000 brutto per år ut frå kvalifikasjonar og lokal lønnspolitikk. Stilling som seniorrådgjevar har strenge krav til kompetanse.  For særskilt kvalifiserte søkjarar kan vi vurdere høgare lønn. 

Dei første seks månadane er prøvetid. Du kan lese meir om det i statens personalhandbok (https://www.regjeringen.no/no/dokumenter/statens-personalhandbok/id3081747/).

Tenestemålet til embetet er nynorsk.

Offentleg søkjarliste blir utarbeidd etter søknadsfrist. Dersom du ønskjer å reservere deg frå oppføring må du grunngje dette. Du får varsel om reservasjon i rekrutteringsportalen dersom reservasjon ikkje blir teken til følgje.

Statsforvaltaren har eit heilskapsansvar for all statleg verksemd i fylket, og skal følgje opp vedtak, mål og retningslinjer frå stortinget og regjeringa. Vi skal dessutan fremje fylket sine interesser, og kan dermed ta initiativ både lokalt og overfor sentrale styringsmakter.


Statsforvaltaren kjenner kommunane, og er i kontakt med mange enkeltmenneske i ulike situasjonar og livsfasar.Vi jobbar heile tida for at omverda skal oppleve Statsforvaltaren som tilgjengeleg, nær og løysingsorientert.


Statsforvaltaren i Vestland er ein spennande arbeidsplass med seks avdelingar og kring 280 tilsette. Vi har delt lokalisering mellom Leikanger, Bergen og Førde – med hovudsete i Leikanger.