Rådgivar beredskap og folkehelse

Klepp kommune ligg sentralt på Jæren med korte avstandar internt og til nabokommunar. Kommunen har 21 000 innbyggarar. Landskap og natur i kommunen er prega av eit bølgande jordbrukslandskap, mildt kystklima, grunne innsjøar og lange sandstrender mot storhavet. Kommunen har et flatemål på 115 km2 og ligg sentralt på Jæren med korte avstandar internt og til nabokommunar.
Kommunen er organisert i fem hovedområder; samfunn og kultur, økonomi, felles tjenester, barn og unge og helse og velferd.
Beredskap får stadig meir merksemd, og i Klepp kommune gjer me fleire grep for å målrette og styrkje vårt arbeid. Den nye rådgivarstillingen i stab Samfunn og kultur skal arbeide både med beredskap og folkehelse. Denne vil ha eit tett samarbeid med fagleiar for beredskap som skal tilsetjast no og som er felles for Gjesdal, Time, Hå og Klepp.
Både beredskap og folkehelse er fagområder som famnar vidt og som involverer mange både i og utanfor kommuneorganisasjonen. Innanfor begge området må ein gjera langsiktig og målretta arbeid til beste for innbyggjarane i kommunen og deira helse og tryggleik.
Stillingen er plassert i stab i tenesteområde samfunn og kultur og rapporterer direkte til kommunalsjef. Stab er involvert i ulikt plan- og utviklingsarbeid i kommunen og rådgivaren vil blir involvert i dette arbeidet.
Hausten 2026 flytter me inn i nytt rådhus i Klepp sentrum. Då blir me ein del av Plogen kulturhus og som tilsett hjå oss får du jobbe i eit kontorfellesskap i eit unikt bygg som er fullt av aktivitet frå morgon til kveld.

Arbeidsoppgåver

• Vera med på å utvikle Klepp som ein trygg og robust kommune å bo og leve i
• Fagleg ressurs for arbeid med beredskap i kommuneorganisasjonen, i samarbeid med andre og ut mot lokalsamfunnet
• Overordna ansvarleg for arbeid med folkehelse i kommunen og pådrivar for god folkehelse for innbyggjarane
• Ansvarleg for koordinering av beredskapsarbeidet generelt og koordinering i krise og beredskapssituasjonar i kommunen
• Ansvarleg for overordna beredskapsplan, tilrettelegging og gjennomføring av beredskapsøvingar og bidra i regionalt beredskapsarbeid
• Systemforvaltar for krisehandteringssystem
• Ansvarleg for utarbeiding og oppfølging av overordna planar knytt til folkehelse og for samarbeid med andre om arbeid med folkehelse
• Sentral rolle i tverrfagleg folkehelseteam, og delta i arbeid med tilrettelegging for friluftsliv og fysisk aktivitet
• Utgreiingsarbeid knytt til samfunnsplanlegging og kommuneplanarbeid
• Skriving av saksframlegg til folkevalde organ og saksbehandling Andre oppgåver kan bli lagt til stillinga

Kvalifikasjonar

• Du har relevant høgare utdanning på masternivå, relevant kompetanse kan kompensere for manglande mastergrad
• Du har god kjennskap til fagområda folkehelse og samfunnsutvikling
• Du har kunnskap om og gjerne erfaring frå beredskapsarbeid
• Du meistrar godt norsk, både skriftleg og munnleg
• Du har god forståing av offentleg forvaltning
• Du har god digital kunnskap

Personlege eigenskapar

• Du er samfunnsengasjert og har god gjennomføringsevne
• Du har gode samarbeidsevner
• Du motiverer andre innanfor dei fagområda du arbeider med
• Du har evnen til både å jobbe sjølvstendig og i team og trivest med eit bredt tverrfagleg samarbeid
• Du må ha gode kommunikasjonsevner og framstår klar og tydeleg
• Du må vere villig til å ta fatt på nye arbeidsoppgåver etter kvart som organisasjonen utviklar seg
  
  Ved tilsetjing vil personlege eigeskapar og interesse for området bli tillagt stor vekt.

Vi tilbyr

• Godt arbeidsmiljø med fokus på fag og trivsel
• Gode forsikrings-og pensjonsordningar (https://www.klp.no/pensjon/offentlig-tjenestepensjon-kort-fortalt)
• Bedriftskunstforeining
• Ordning med refusjon for behandling hos fysioterapeut og kiropraktor
• Lønn etter avtale

Tilsetting skjer på dei vilkår og med dei plikter som går fram av utlysningen og dei lovar og reglar som gjeld til ei kvar tid.

Klepp er den største av kommunane på Jæren, med over 21 000 innbyggarar og om lag 1800  tilsette. Me ligg sentralt til, med korte avstander både til Stavanger, Sandnes og Bryne.

Kommunen vår har dei flottaste strendene i heile regionen, me har ein spennande kulturhistorie, og ei god blanding av landbruk, industri og varehandel.

Visjonen vår er «Med blikk for alle».  Me ønskjer tilsette som tek i eit tak, bryr seg og tenkjer fritt, og me oppmodar alle kvalifiserte til å søkja, uansett alder, kjønn, funksjonsevne, seksuell orientering, religion eller etnisk bakgrunn.

Me gjer merksam på at søkarlister kan verta offentleggjort, sjølv om ein har bede om å bli unntatt offentlegheit. Søkar vil verta varsla før offentleggjering.