Er du serviceinnstilt og likar å jobbe med menneske

I Lærdal bur me ikkje meir enn rundt 2 200 menneske, men jammen skjer det mykje her! Store marknadar, musikkfestival, matfestival, gytefestival (Du får berre googla), varierte konsertar, motbakkeløp, terrengløp, fotballcup med gamle stjerner, vårfest og mykje anna.

Me har majestetiske fjell med eit vel av fantastiske turalternativ både til fots og på ski, masse fiskevatn og gode jaktmoglegheiter. Og me har eit koseleg sentrum heilt ned til fjorden med gamle, søte trehus. På dei mange åkrane i dalen dyrkar dyktige bønder poteter, grønsaker, bær og frukt i rikt monn. 

Kommunen vår er faktisk veldig sentralt plassert – tre timars køyring til Bergen ein veg, fire timars køyring til Oslo andre vegen. Dessutan ligg «bygdebyen» Sogndal og turistmagneten Aurland berre ein dryg halvtime unna. Og me har lokalsjukehus. 

Har du lyst til å vera ein del av samfunn, kultur og næring i Lærdal kommune?

I avdelinga jobbar me for å gjere Lærdal kommune til ein god stad å bu og besøke. No har du moglegheit til å bli ein viktig del av dette arbeidet. Som konsulent i tenestetorget vil du vera eit av dei fyrste møta innbyggjarar og besøkande har med kommunen – og du vil spele ei sentral rolle i å sikra god service og profesjonell oppfølging. Stillinga inneber òg ansvar som politisk møtesekretær, noko som gir deg ei viktig rolle i lokaldemokratiet.

Me ser etter deg som er serviceinnstilt og likar å jobbe med menneske. For å lykkast i rolla trur me du er samarbeidsvillig, fleksibel og engasjert.

Ønskjelege kvalifikasjonar:

• Relevant høgare utdanning – relevant erfaring kan kompensere for dette
• God digital kompetanse
• Gode skriftlege og munnlege kommunikasjonsevner
• Erfaring med offentleg forvaltning er ein fordel, men ikkje eit krav

Personlege eigenskapar vil bli vektlagt.

Arbeidsoppgåver:

• Politisk møtesekretær
• Sakshandsaming
• Service og sentralbordarbeid
• Dokumentforvaltning
• Andre arbeidsoppgåver må påreknast

Me tilbyr:

• Ein variert arbeidskvardag
• Fleksitid etter avtale
• Konkurransedyktige lønsvilkår
• Gode pensjons- og forsikringsordningar
• Engasjerte kollegaer i eit variert fagmiljø

Det kan nemast at Lærdal kommune mellom anna har:

• Full barnehagedekning
• Gratis fulltids-SFO for 1. og 2.klassingar, gratis deltids-SFO for 3.klassingar.
• Gratis kommunale bustadtomter rett ved Borgund sentrum
• Eit variert kommunalt kulturprogram i tillegg til alt det andre som skjer i bygda

Les meir om Lærdal ved å klikka på denne lenkja

Link til søknadsskjema: Søk her