Spesialergoterapeut/Ergoterapeut

ReHabiliteringsklinikken består av Avdeling for fysikalsk medisin og rehabilitering (AFMR), Habiliteringstenesta for vaksne (HAVO) og Regionalt kompetansesenter for habilitering og rehabilitering.

Vi har ledig 100% fast stilling frå april eller etter nærare avtale. I tillegg har vi ledig 100% vikariat frå juni 2026 til mai 2027 for ergoterapeut ved Avdeling for fysikalsk medisin og rehabilitering, som er lokalisert på Nordås. Avdelinga tilbyr spesialisert rehabilitering til pasientar med erverva hjerneskade, multitraume, nevrologiske lidingar, brannskadar, amputasjonar, funksjonelle nevrologiske lidingar, CFS/ME, samt muskel- og skjelettlidingar. Tilbod blir gitt poliklinisk eller som dag- eller døgnbehandling i sengepost. I avdelinga jobbar vi teambasert med aktuelle yrkesgrupper (lege, sjukepleiar, helsefagarbeidar/hjelpepleiar, fysioterapeut, ergoterapeut, logoped, klinisk psykolog/nevropsykolog, sosionom ) Vi samarbeider med aktuelle einingar i spesialisthelsetenesta og med førstelinjetenesta.

Vi søker no ergoterapeutar som saman med oss ønsker å vidareutvikle gode og robuste tenester til det beste for våre pasientar.

Arbeidsoppgåver

• Kartlegging av pasienten sitt funksjonsnivå
• Trening i daglege aktivitetar ut frå pasienten sine mål i rehabiliteringsplan
• Aktivitetsførebuande trening
• Særfagleg- og tverrfagleg utviklingsarbeid
• Tett samhandling med pasient og pårørande, tverrfagleg team og 1. linjetenesta

Kvalifikasjonar

• Norsk autorisasjon som ergoterapeut
• God kunnskap og interesse for nevrologi og rehabilitering
• Erfaring frå rehabilitering i spesialisthelsetenesta
• Erfaring frå tverrfagleg samarbeid
• God skriftleg og munnleg framstillingsevne
• Erfaring med utviklingsarbeid

Personlege eigenskapar

• Du har god fagleg vurderingsevne, arbeider målretta og strukturert
• Du er effektiv, initiativrik og kan arbeide sjølvstendig
• Du er positiv, fleksibel og ser løysingsmoglegheiter
• Du har gode kommunikasjonsevner og samhandlar godt med pasientar, pårørande og kollegaer
• Du trivst i eit tverrfagleg miljø

Vi tilbyr

• Eit spennande tverrfagleg miljø med kompetente og dyktige medarbeidarar
• Varierte arbeidsoppgåver
• Høgt fagleg nivå
• Lønn i samsvar med gjeldande overeinskomst
  
  

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.