Leiar for Elektroseksjonen

Teknisk avdeling har ansvar for drift, service og vedlikehald av føretaket si bygningsmasse på om lag 500 000 m², samt alt ikkje-medisinsk teknisk utstyr og tilhøyrande infrastruktur. Avdelinga har 145 tilsette og eit bruttobudsjett på rundt 350 millionar kroner.

Organisatorisk er avdelinga delt inn i følgande einingar og seksjonar: Sterilteknisk seksjon, Transportteknisk seksjon, VVS-seksjon, Elektro-seksjon, Teknisk rus & psykiatri, Bygg og park, driftsseksjon Voss sjukehus, Maskinteknisk seksjon, VTI (Vedlikehald, Teknologi og Informasjon), Fagansvarlege, seksjon HMS & kvalitet.

I tillegg forvaltar avdelinga ei prosjektportefølje på om lag 100 millionar kroner innan vedlikehaldsinvesteringar årleg. Teknisk avdeling har eit omfattande ansvarsområde som inkluderer drift og vedlikehald av bygningar, straumforsyning, oppvarming og kjøling, ventilasjon, vatn og avlaup, heisar og rulletrapper, røyrpostsystem, automatiske transportanlegg samt utvendige parkområde og vegar. Vidare har avdelinga ansvar for drifts- og vedlikehaldsoppgåver knytt til sentralt produksjonsutstyr, som autoklavar, dekontaminatorar, steriliserings- og instrumentvaskemaskinar, kjøkkenbufféar, medisinske gassanlegg og medisinsk trykkluft, vassreinsing/dialyseanlegg, fryserom og kjemikaliereinsing.

Om stillinga
Vi søker ein engasjert, fagansvarleg og strategisk sterk seksjonsleiar for elektroseksjonen som vil vere med å forme framtidas tekniske løysingar. Som seksjonsleiar vil du ha det operative overordna ansvaret for leiing, fagleg utvikling og ressursstyring innan elektroområdet. Du vil inngå i avdelingas leiargruppe og bidra til å realisere våre mål innan bærekraft, innovasjon og kvalitet. Stillinga rapporterer til Teknisk Sjef.

Du vil inngå i eit tett samarbeid med øvrige tekniske seksjonar, der tverrfagleg samhandling er ein viktig suksessfaktor. Seksjonen har ansvar for alle elektroinstallasjonar, fordelt over ein variert og kompleks bygningsmasse. Dette er ein unik moglegheit til å bli ein del av eit sterkt fagmiljø med høg kompetanse og spennande utfordringar i stor skala.

Arbeidsoppgåver

• Leie og utvikle seksjonen for elektro
• Personalansvar for ingeniørar, teknikarar og elektrikarar
• Budsjett- og resultatansvar
• Sikre høg kvalitet i leveransar og prosjekt
• Bidra til tverrfagleg samarbeid og kompetanseutvikling
• Representere seksjonen i interne og eksterne fora
• Fagleg støtte ifb med DSB Revisjonar og DLE kontrollar
• Operativt ansvar for Internkontroll [HT1] av elektroanlegga, med påfølgande dokumentasjon
• Løpande sikre nødvendig dokumentasjon i alle Helse Bergen sine system iht. gjeldande lovar og reglar
• Beslutningsmyndigheit innanfor seksjonens fagområde
• Samarbeide med andre avdelingar, tillitsvalde og verneteneste
• Delta i tenestestadens leiargruppe
• Operativ ansvar for drift og vedlikehald, internkontroll av dokumentasjon for at anlegga er forsvarleg vedlikehaldt

Kvalifikasjonar

• Utdanning på bachelor nivå innan elektro
• Kandidatar med manglande formell utdanning kan bli vurdert
• God og relevant leiarerfaring med evne til å motivere og utvikle medarbeidarar
  
• God forståing for prosjektarbeid
• Erfaring med offentlege anskaffingar og relevante føresegner (t.d. NEK 400, FSE)
• Gode kommunikasjonsevner på norsk, både munnleg og skriftleg
• Erfaring frå tilsvarande arbeid er sjølvsagt ein fordel. Du må vere godt oppdatert innan gjeldande lovar og føresegner for fagområdet
• Erfaring med fagrelaterte program som Febdoc og andre relevante programvarer

Personlege eigenskapar

• Strukturert og målretta
• Gode samarbeidsevner og evne til å motivere
• Bidra til eit godt arbeidsmiljø og utvikling av medarbeidarar
• Initiativrik og løysingsorientert
• Personlege eigenskapar som er godt eigna for avdelingas behov og arbeidsmiljø
• Evne til å sjå heilskap og tenke strategisk
• Skape synergi på tvers av seksjonar
• Evne til å jobbe strukturert, målretta og med stor grad av sjølvstende
• Erfaring med teamutvikling og kompetansebygging
• Personlege eigenskapar som er godt eigna for avdelingas behov og arbeidsmiljø

Vi tilbyr

• Ein spennande leiarrolle i eit fagleg sterkt miljø
• Gode utviklingsmoglegheiter
• Konkurransedyktige vilkår
• Triveleg og inkluderande arbeidsmiljø
• Unik arbeidsplass

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.