Fagarbeidar i barnehage med spesialpedagogisk kompetanse

Brenn du for å skape trygge og inkluderande kvardagar for barn? Skjåk kommune søkjer ein engasjert fagarbeidar med spesialpedagogisk kompetanse som vil vere med og gi barn omsorg, leik og utvikling i barnehagar der natur, fellesskap og fagleg kvalitet står i sentrum.

100 % fast stilling som fagarbeidar med spesialpedagogisk kompetanse

Vi har ledig 100 % fast stilling som fagarbeidar, for tida i Bismo barnehage.

Andre stillingar kan bli ledige i barnehagane i Skjåk, både heile og deltid, faste og mellombelse.

Er du trygg og engasjert, og brenn du for barn sin leik, utvikling og trivsel? Har du lyst til å vere med på å forme framtidas barnehage i ei bygd der naturen er ein del av kvardagen?

Om barnehagane våre

Skjåk kommune har per i dag tre barnehagar, men frå hausten 2026 vil ein ny barnehage stå klar i Bismo. Avdelingane Bismo barnehage, som i dag er midlertidig lokalisert ved sjukeheimen Skjåkheimen, samt Holemork barnehage, blir slege saman til ein barnehage. Dønfoss naturbarnehage ligg vest for Bismo med naturen som leikeplass og læringsarena. Felles pedagogisk plattform for alle barnehagane er under utvikling. Vi vektlegg godt fagleg miljø, engasjerte kollegaer, og meiningsfullt arbeid med barn i trygge og leikande omgjevnader.

Vi ser etter deg som

• har fagbrev som barne- og ungdomsarbeidar.

• anna relevant utdanning eller erfaring kan også vere aktuell.

• har vidareutdanning eller erfaring innanfor arbeid med spesialpedagogikk.

• har erfaring frå arbeid med barn med særskilde eller samansette behov blir vektlagt.

• er trygg i å sjå kvart enkelt barn, deltek aktivt i kvardagen, og som er fleksibel og tilpassingsdyktig.

• er engasjert i barnehageyrket, trivst ute i all slags vêr, og har gode evner til samarbeid og kommunikasjon.

• arbeider målretta både sjølvstendig og i team, har interesse for fagleg utvikling, og har gode norskkunnskapar.

• har grunnleggjande kjennskap til bruk av IK

Arbeidsoppgåver

• Fylgje opp barn ved vedtak om spesialpedagogisk hjelp

• Gje barna omsorg, tryggleik og støtte i kvardagen.

• Bidra til pedagogisk opplegg i samarbeid med pedagogisk leiar.

• Leggje til rette for leik, fysisk aktivitet og kreativ utfalding.

• Støtte barn i språkutvikling og sosial kompetanse.

• Ha god dialog og samarbeid med føresette.

Personlege eigenskapar vil bli vektlagt.

Skjåk kommune ønskjer eit mangfald i personalgruppa og oppmodar særleg menn til å søkje.

Det er krav om godkjent politiattest i alle stillingar.

Hjå oss får du

• tilsetting på kommunale vilkår og løn etter avtale.

• pensjonsordning i KLP.

Har du spørsmål?

Ta gjerne kontakt med styrar Heidi Jevnheim -- tlf. 901 93 957 eller dagleg leiar i Bismo barnehage Karin Fjerdingren -- tlf. 980 64 714

Søknadsfrist: 20. februar 2026

Søkjarlista vil bli offentleggjort. Skjåk kommune praktiserer meiropenheit ved tilsetjingar. Dersom du ønskjer unntak frå offentlegheit, må dette grunngjevast særskilt.

Elektronisk søknadsskjema

Vil du vite meir om oss?

Tilflyttarkonsulenten vår kan vere til støtte når du skal finne eigna bustad, gje deg nyttig og nødvendig informasjon, og ikkje minst hjelpe deg med å finne din plass i Skjåk. Ta kontakt gjerne kontakt med Heidrun Israelsen, prosjektleiar for Sats på Skjåk - tlf. 99427902.

Meir informasjon om å livet i bygda finn du på www.skjak.no

Sletting av studielån

Visste du at når du er busett i Skjåk, samt er yrkesaktiv i eller utanfor kommunen - da kan du få sletta 25 000 kroner av studielånet ditt kvart år?

Les meir om Sletting av gjeld i utvalgte kommuner

Kontakt

Heidi Jevnheim

Konstituert styrar, Bismo og Dønfoss barnehagar

Telefon 61 21 48 32

Mobil 901 93 957

Karin Fjerdingren

Dagleg leiar Bismo/Holemork barnehage

Mobil 980 64 714