LIS3 Akutt- og Mottaksmedisin

Vi søker legar som ønsker ei spesialisering i Akutt- og mottaksmedisin.

Mottaksklinkken har 5 einingar, Utgreiingsmottak 1 og 2, Akuttmottak, Korttidspost og Diagnostisk senter. Utgreiingsmottaket er eit tilbod til pasientar med behov for tverrfagleg utgreiing ved akutt sjukdom. Team Akuttposten i Utgreiingsmottak 1 er spesialisert på rusproblematikk. I akuttmottak har Mottaksklinikken sine legar eit særskild ansvar for primærvurdering/triage samt oppfølging av pasientar med høg hastegrad. Kortidsposten er ein observasjonseining for pasientar med avklarte problemstillingar og forventa kort liggetid. Diagnostisk senter er ein poliklinikk med ansvar for eit diagnostisk pakkeforløp for pasientar med mistanke om alvorleg sjukdom/kreft med usikker organtilhøyrsle.

Det var ca 45 000 pasientar gjennom akuttmottak og nærare 13 000 ØH avdelingsopphald i sengeeiningane i løpet av 2025. Mottaksklinikken har overlegar med bistilling ved UiB og det pågår for tida fleire store kliniske studiar.

Vi har ledig tre vikariat i 12 månader med mogleg forlenging. Vikariat kan telje som del av spesialistutdanninga.

Den første delen av spesialiseringa i akutt- og mottaksmedisin er lik som for generell indremedisin. Ved Haukeland universitetssjukehus er det eit tett samarbeid mellom dei indremedisinske fagområda, og ein vil rotere mellom Hjarteklinikken, Medisinsk klinikk og Lungeavdelinga for å oppnå læringsmåla i del 2 av dei felles indremedisinske læringsmåla.

Arbeidsoppgåver

• LIS-Legane som blir tilsett vil få oppgåver i alle klinikken sine einingar, inkludert teneste i Akuttmottak og vil arbeide tett saman med klinikken sine overlegar
• LIS-legane vil og ha oppgåver i team saman med helsepersonell med ulik bakgrunn og kompetanse
• Det blir vakter i Mottaksklinikken og i tillegg kjem helge- og kveldsarbeid og nattevakter i dei ulike einingane i Mottaksklinikken
• Ein unik moglegheit til utvikling av breiddekompteanse gjennom utgreeiing av pasientar med samansette og uklare problemstillingar

Kvalifikasjonar

• Mottaksklinikken søker etter LIS-legar med ulik medisinskfagleg bakgrunn
• Den som blir tilsett som LIS3 må ha norsk autorisasjon og godkjend turnusteneste/LIS 1 og LIS2 teneste, eller teneste som etter gjeldande norsk regelverk kan leggast til grunn for tilsetting i LIS3-stilling i akutt- og mottaksmedisin
• Søkar må meistre norsk, både munnleg og skriftleg
• Ikkje-nordiske statsborgarar må minimum ha bestått Bergenstesten eller anna norsktest på B2-nivå

Personlege eigenskapar

• Du må ha gode samarbeidsevner, ha positiv innstilling og bidra til eit godt arbeidsmiljø
• Stillinga krev evne til å jobbe sjølvstendig og i tverrfaglege team
• Du behandlar pasientar og pårørande profesjonelt og empatisk, er imøtekommande og syner respekt
• Du er målretta, arbeidsvillig og får oppgåvene gjort
• Du har engasjement for fagfeltet/pasientgruppa og ønsker å vidareutvikle kompetansen din
• Personlege eigenskapar vil bli vektlagt

Vi tilbyr

• Lønn iht gjeldande overeinskomst
• Gode pensjons- og forsikringsvilkår
• Moglegheit for fagleg og personleg utvikling
• Spennande, aktivt og tverrfagleg arbeidsmiljø med høgt tempo
• Tett samarbeid med dei andre legane i avdelinga og erfarne sjukepleiarar
• Eit godt arbeidsmiljø
  
  

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.