Ønskjer du ein spennande sommarjobb innan offentleg forvaltning? 

Om stillinga

Er du student, og ønskjer relevant sommarjobb i ei verksemd som løyser viktige samfunnsoppdrag? Vi har fleire sommarjobbar innan ulike fagområde ved kontora våre i Leikanger og Bergen. Eksempel på arbeidsoppgåver er mellom anna sakshandsaming, kontroll av verjereknskap, oppgåver innan miljøinformasjon og andre kontoroppgåver.

Ved kontorstad Bergen får du eit stort og variert fagmiljø kombinert med alt det Bergen har å by på av kultur, natur og byliv.

Ved kontorstad Leikanger får du jobbe midt i hjartet av Sogn, med nærleik til fjord og fjell. Du blir ein del av det sosiale og faglege opplegget Sognacamp (https://www.sognacamp.no/), og det er mogleg å leige bustad gjennom ordninga.

Vi har arbeidsoppgåver innan fagområda

• justis og byggjesak
• arealplan
• forureining og naturmangfald
• tilsyn og forvaltning på utdanningsområdet
• verjemål

Vi ønskjer studentar som

• har studert rettsvitenskap, gjerne med fullført bachelor eller påbegynt master
• har naturvitskapleg utdanning, eller relevant høgare teknisk utdanning
• har økonomiutdanning

Personlege eigenskapar

Vi ser etter deg som 

• kan kommunisere godt, både munnleg og skriftleg
• er fleksibel
• jobbar sjølvstendig, og er nøyaktig i arbeidet
• blir engasjert av fagområda våre

Som tilsett hos Statsforvaltaren får du

• interessante arbeidsoppgåver
• eit kompetent og tverrfagleg arbeidsmiljø
• ein arbeidsplass i utvikling
• fleksibel arbeidstid
• løn i samsvar med vår lokale lønspolitikk

Vil du jobbe hos oss? | Statsforvaltaren i Vestland (https://www.statsforvalteren.no/nn/vestland/om-oss/vil-du-jobbe-hos-oss/)

Vi ønskjer mangfald

Statsforvaltaren ønskjer mangfald, og vil leggje til rette for eit inkluderande arbeidsliv. Aktuell tilrettelegging kan for eksempel vere tekniske hjelpemiddel, tilpassing av møblar eller endringar av rutinar, arbeidsoppgåver og arbeidstid. 

Vi meiner at inkludering og mangfald er ein styrke. Vi ønskjer tilsette med ulik kompetanse, fagkombinasjonar, livserfaring og perspektiv for å bidra til endå betre oppgåveløysing.

Vi oppmodar alle kvalifiserte kandidatar til å søkje utan omsyn til alder, kjønn, nasjonal eller etnisk bakgrunn, funksjonsevne eller hol i CV-en. Vi oppmodar om å krysse av i jobbsøkjarportalen dersom du har nedsett funksjonsevne, hol i CV-en eller innvandrarbakgrunn. Dersom det er kvalifiserte søkjarar frå desse gruppene kallar vi inn minst ein søkjar i kvar av gruppene til intervju. 

Vilkår

Alle som søkjer stillinga må søkje digitalt gjennom rekrutteringsportalen Jobbnorge. Du må laste opp relevante vitnemål og attestar. Vitnemål og/eller karakterutskrifter hentar du frå vitnemålsportalen i Jobbnorge. Har du utdanning frå utlandet legg du ved godkjenning frå HK-dir (https://hkdir.no/utdanning-fra-utlandet). 

Når søknadsfristen er ute, vurderer vi søknaden din på bakgrunn av informasjonen du har sendt oss. Det er derfor viktig at du både i søknadsbrevet og CV-en, viser korleis kompetansen din fyller krava som er sett i utlysinga. 

Tenestemålet til embetet er nynorsk.

Offentleg søkjarliste blir utarbeidd etter søknadsfrist. Dersom du ønskjer å reservere deg frå oppføring må du grunngje dette. Du får varsel om reservasjon i rekrutteringsportalen dersom reservasjon ikkje blir teken til følgje.

Statsforvaltaren har eit heilskapsansvar for all statleg verksemd i fylket, og skal følgje opp vedtak, mål og retningslinjer frå stortinget og regjeringa. Vi skal dessutan fremje fylket sine interesser, og kan dermed ta initiativ både lokalt og overfor sentrale styringsmakter.


Statsforvaltaren kjenner kommunane, og er i kontakt med mange enkeltmenneske i ulike situasjonar og livsfasar.

Vi jobbar heile tida for at omverda skal oppleve Statsforvaltaren som tilgjengeleg, nær og løysingsorientert.

Statsforvaltaren i Vestland er ein spennande arbeidsplass med seks avdelingar og kring 280 tilsette. Vi har delt lokalisering mellom Leikanger, Bergen og Førde – med hovudsete i Leikanger.