Faglærar innan industriell automatisering og robotteknologi – Fagskulen Vestland

Fagskulen Vestland, avdeling Bergen, søkjer engasjerte fagpersonar til undervisningsstillingar innan industriell automatisering og robotteknologi. Vi ser etter deg som ønskjer å bruke di faglege erfaring til å utvikle framtidas fagskuleutdanning i tett samarbeid med næringslivet. Stillinga kombinerer undervisning med fagleg utvikling, nettverksbygging og næringslivskontakt, og gir stor fagleg fridom og reell påverknad. Skulen utdannar framtidige automasjonsingeniørar, service- og salsingeniørar, faglege leiarar, prosjektleiarar og ingeniørar innan drift og vedlikehald for prosessindustri og offshore.

Arbeidsoppgåver

– Undervisning i teoretiske og praktiske emne innan industriell automatisering og robotteknologi på fagskulenivå
– Undervisninga kombinerer teori og praksis, med bruk av digitale løysingar, simulering og moderne teknologi
– Planlegging, gjennomføring og vurdering av undervisning
– Rettleiing av studentar og oppfølging av hovudprosjekt for avgangsstudentar
– Utvikling og vidareutvikling av emne, kurs og EVU-tilbod
– Samarbeid med næringslivet om praksisnære læringsopplegg
– Deltaking i fagleg utviklingsarbeid og pedagogisk fornying

Kvalifikasjonar (overskrift)

– Minimum bachelor innan automasjon, robotteknologi, elektronikk, datateknikk eller andre relevante fagområde
– Relevant yrkeserfaring frå industri og næringslivet er ønskjeleg
– Kompetanse innan eitt eller fleire av følgjande område:
PLS, robotikk, regulering, digitale produksjonssystem og industrielle skytjenester
– I undervisninga nyttar vi mellom anna Festo CIROS, Siemens, Wago, Universal Robots, OnRobot, Omron, Mitsubishi, MATLAB, RoboDK og Multisim

– Engasjert og fagleg nysgjerrig
– Gode samarbeidsevner og evne til å byggje relasjonar
– Tydeleg og god formidlar
– Strukturert, ansvarleg og utviklingsorientert
– Positiv og løysingsorientert

– Ei meiningsfull undervisningsstilling i eit sterkt fagmiljø
– Studentar med solid praksis frå industri og næringsliv
– Mentorordning og tett fagleg rettleiing frå erfarne kollegaer
– Tid og ressursar til å setje seg inn i nye fagområde
– Stor fagleg fridom og høve til å påverke utviklinga av studietilbod
– Fleksibel arbeidstid, høve til heimekontor og lærarferie
– Løn etter tariff, med gode pensjons- og forsikringsordningar
– Gode moglegheiter for fagleg utvikling og etter- og vidareutdanning

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg  søkjarliste vil du alltid bli varsla før søkjarlista blir offentleggjort. 

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.