Faglærar innan Elkraft – Fagskulen Vestland

Fagskulen Vestland, avdeling Bergen, søkjer engasjerte fagpersonar til undervisningsstillingar innan elkraft. Vi ser etter deg som ønskjer å bruke di faglege erfaring til å forme og utvikle framtidas faglege leiarar i tett samarbeid med næringslivet. Dette er ei stilling for deg som trivst med å dele kunnskap, utvikle andre og samstundes halde deg fagleg oppdatert i eit sterkt og praksisnært miljø. Stillinga kombinerer undervisning med fagleg utvikling, nettverksbygging og næringslivskontakt, og gir stor fagleg fridom og reell påverknad.

Arbeidsoppgåver

• Undervisning i teoretiske og praktiske emne innan elkraft på fagskulenivå, med vekt på måling, testing, feilanalyse, laboratoriearbeid og praktisk prosjektering
• Planlegging, gjennomføring og vurdering av undervisning
• Rettleiing og fagleg oppfølging av studentar, mellom anna i hovudprosjekt for avgangsstudentar
• Utvikling og vidareutvikling av emne, kurs og EVU-tilbod i samarbeid med kollegaer og næringsliv
• Bidrag i fagleg utviklingsarbeid og pedagogisk fornying

Kvalifikasjonar

• Minimum bachelor innan elkraft eller andre relevante fagområde
• Relevant erfaring frå industri eller energisektor er ønskjeleg
• Kompetanse innan eitt eller fleire av følgjande område:
  •Høgspenningssystem
  • Elektriske installasjonar
  • Installatørdrift
  • Elektriske maskiner
• God digital kompetanse

Personlege eigenskapar

• Fagleg engasjert og motivert for å jobbe med menneske og læring
• Gode samarbeidsevner og evne til å skape trygge relasjonar til studentar og kollegaer
• Tydelig og god formidlar
• Strukturert, ansvarsfull og utviklingsorientert
• Positiv, open og løysingsorientert

Vi tilbyr

• Ei meiningsfull lærarstilling der du får bruke di fagkompetanse til å utvikle framtidige faglege leiarar
• Eit sterkt fagmiljø med studentar som har solid praksis frå industri og næringsliv
• Mentorordning og tett fagleg støtte frå erfarne kollegaer
• Tid og ressursar til å setje seg inn i nye fagområde og utvikle eigen kompetanse
• Stor fagleg fridom og høve til å påverke innhald og utviklingsretning
• Fleksibel arbeidstid, høve til heimekontor og lærarferie
• Løn etter tariff, med gode pensjons- og forsikringsordningar
• Gode moglegheiter for fagleg utvikling og etter- og vidareutdanning

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg  søkjarliste vil du alltid bli varsla før søkjarlista blir offentleggjort. 

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.