Bli med i Alver kommune som sjukepleiar! Ta del i spennande arbeid i vår avdeling

Sjukepleiar 100% - Knarvik Sjukeheim avdeling Helsehuset

Vi har ledig 100% sjukepleiarstilling i vår avdeling.  Det er todelt turnus med moglegheiter for arbeid i snitt kvar 3 helg eller kvar 4 helg med langvakter om ønskjeleg. Vi har årsturnus.

Om Knarvik sjukeheim avdeling Helsehuset

Avdelinga vil startet opp i april, og er ein kortidsavdeling med vurderingssenger. Avdelinga skal ta i mot utskrivingsklare pasientar. Avdelinga har 6 flotte rom som alle vil vera dobbelrom med plass til totalt 12 pasientar. Her vil me få inn pasientar som skal kartleggjast for anten å bli sende heim til eigen bustad, til omsorgsbustad pluss eller vidare til andre avdelingar i sjukheimstenesta for vidare oppfølging. 

Arbeidsoppgåver

• Omsorgsfull og fagleg forsvarleg sjukepleie etter gjeldande lovverk og interne rutinar
• Tverrfagleg samarbeid
• Rettleiing av studentar, lærlingar og kollegaer
• Samarbeid med pårørande og på tvers av tenestene i kommunen
• Vera ein pådrivar i avdelinga for å sikra gode tenester til pasientane
• Vere ein aktiv pådrivar for at pasientane får brukt sine eigne ressursar 
• Trivst i eit hektisk og til tider uforutsigbar arbeidskvardag

Kompetansekrav

• Norsk autorisasjon som sjukepleiar
• Gode norskkunnskapar, skriftleg og munnleg. Dersom du er utdanna utanfor Norden treng du godkjend B2 - test

Kven er du?

Me søkjer sjukepleiare som møte utfordringar i arbeidet med engasjement, handlekraft og som er fagleg trygg. Du er nysgjerrig på faget, ønskjer å læra noko nytt kvar dag og trivst med å arbeida med pasientar med komplekse helseutfordringar. Du får lett oversikt over arbeidsoppgåvene, og klarer å sjå heilhetsbilde og prioritera i ein travel kvardag. Me ser etter ein sjukepleiar som i tillegg til å vera tydeleg klarer å sjå kvar enkelt pasient, pårørande og kollega. Du er ein bidragsytar i arbeidsmiljøet, er fleksibel og jobbar godt i team. 

Vi tilbyr

• Fagleg spennande arbeid i nyoppstarta avdeling 
• Årsturnus
• Sjukepleiare i Alver kommune ligg 10 000 over minstelønnsgarantien til KS

Politiattest

I tråd med helse- og omsorgstenestelova § 5-4 vert det stilt krav om tilfredsstillande politiattest ved tiltrede.

Vi er Alver

Bli kjent med Alver kommune

Video: https://www.youtube.com/watch?v=_xHE9zF24G4&ab_channel=Alverkommune

Sjukeheimstenesta i Alver kommune består av 4 sjukeheimar: Knarvik sjukeheim, Lindås bu-og servicesenter, Meland sjukeheim på Frekhaug og Velferdssenteret på Manger. Sjukeheimstenesta har totalt 175 plassar fordelt på korttidsplassar og langtidsplassar for somatikk og demens, palliative plassar, rehabiliteringsplassar og plassar til rullerande avlastning.

I tillegg til sjukeheimsavdelingar er kommunalt kjøkken og ressursbank organisert i sjukeheimstenesta. 

Sjukeheimstenesta har også tilsett eigne sjukeheimslegar.