Er du praktisk anlagt og har teknisk forståing? Bli Arbeidsleiar Elektro i Ulstein

Vi søkjer ein arbeidsleiar med ansvar for å sikre effektive elektroleveransar i våre prosjekt. Stillinga krev fagleg interesse for elektrofaget og evne til å handtere varierte oppgåver med høg grad av ansvar.

Suksesskriterier for å lukkast i stillinga er å ha gode samarbeidsevner, vere ein dyktig kommunikator og ein god rollemodell.

Kandidatar blir vurdert fortløpande.

Arbeidsoppgåver

• Leie operatørteam inn mot planlagd framdrift og måloppnåing for tildelte prosjekt
• Planlegge og koordinere aktivitet og ressursbruk saman med prosjektleiing
• Bidra til kvalitetssikring av teknisk dokumentasjon og produksjonsgrunnlag
• Rapportere status og framdrift til prosjektleiing
• Sikre kvalitet, HMS og etterleving av gjeldande regelverk
• Personalansvar

Kvalifikasjonar

• Fagbrev som elektrikar/elektromontør Gr.L
• Teknisk og tverrfagleg forståing av skipsbygging
• Erfaring som elektrikar innan skipbygging
• Gode IT kunnskapar; erfaring med prosjekteringsverktøy og AI
• Gode norsk- og engelskkunnskapar munnleg og skriftleg

Personlege eigenskapar

Suksesskriterier for å lukkast i stillinga er å vere

• Strukturert og løysingsorientert, slik at du har god kontroll over tidsfristar og leveransar
• Kunnskapsorientert, deler villig av dine erfaringar og fokusera på både di og andre si utvikling
• Reflektert og proaktiv, slik at du arbeider godt mot målsetnadane
• Fokusert på god kommunikasjon og samarbeid og dermed lukkast i møte med tverrfaglege team
• Sjølvstendig og har høge krav til eige arbeid og derfor levera god fagleg kvalitet

Vi tilbyr

• Godt fagleg miljø
• Fleksitidsavtale
• Gode forsikrings- og pensjonsordningar
• Interessante og varierte arbeidsoppgåver

ULSTEIN er ein internasjonalt anerkjend leverandør av skipsdesign, skipsbygging og systemløysingar for skip. I meir enn 100 år har vi utvikla framtidsretta produkt og tenester for det maritime miljøet, og visjonen vår er å skape morgondagens løysingar for berekraftige marine operasjonar. ULSTEIN har aktivitet i fleire land, med hovudkontor i Ulsteinvik på Sunnmøre. Konsernet har over 500 tilsette. Ulstein er ei lærlingbedrift og ei av hjørnesteinsbedriftene i kommunen. 

Menneska i Ulstein er den viktigaste ressursen. Mangfald av ferdigheiter, personlegdommar, erfaring og bakgrunn skaper eit globalt team som kombinerer innovasjon, kvalitet og ekspertise.

Ulstein Elektro Installasjon er ansvarleg for elektrisk installasjonsarbeid om bord i fartøy ved Ulstein Verft. Selskapet er, saman med Ulstein Verft,  ein del av forretningsområdet Shipbuilding, som held ein høg standard innan kvalitet, gjennomføring og leveringspresisjon. Selskapa bygger og leverer spesialfartøy i hovudsak innan offshoreenergi, i tillegg til å utføre ettermarknadstenester.