Er du praktisk anlagt og har teknisk forståing? Bli Arbeidsleiar Stålutrustning i Ulstein!

Er du ein pådrivar? Då har vi noko til felles.

Ulstein er ein internasjonal og nyskapande aktør innan maritime løysingar. I over 100 år har våre medarbeidarar utvikla framtidsretta skip, design og teknologi for den globale maritime industrien.

Er du klar for å bli Arbeidsleiar for stål i Ulstein Verft? Her får du leie fagområdet stålutrustning i produksjonen. Du vil ha ei sjølvstendig stilling med koordinering av personell, og bidra til vi får til eit godt samarbeid i prosjekta våre så dei vert gjennomført med kvalitet og presisjon.

Vi kan tilby deg en spanande arbeidsplass med kjekke kollegaer, fleksitid og gode forsikrings- og pensjonsordningar.

Ta gjerne kontakt om du vil vite meir om korleis det er å jobbe i Ulstein!.

Arbeidsoppgåver

• Planlegging og leiing av arbeid om bord i nybygg og ved reparasjonsoppdrag
• Time- og bemanningskontroll over eigne og innleigde ressursar
• Rapportering av framdrift i samsvar med planlagde aktivitetar
• Oppfølging av interne rutinar og kvalitetsprosessar
• Delta på inspeksjonar og utføre kvalitetskontroll på utført arbeid

Kvalifikasjonar

• Fagbrev som industrimekanikar eller sveisar. Relevant erfaring frå maritim industri kan kompensere for manglande formell utdanning
• God tverrfagleg teknisk forståing
• God teikningsforståing
• Erfaring frå skipsbygging og maritim næring vil bli tillagt vekt
• Gode norsk- og engelskkunnskapar munnleg og skriftleg
• Gode datakunnskapar
• Leiarferdigheiter; erfaring med personalansvar vil bli vektlagt

Personlege eigenskapar

• Fagleg interessert
• Gode samarbeids- og kommunikasjonsevner
• Positiv, engasjert og med god arbeidsmoral
• Sjølvstendig og med høge krav til eige arbeid
  
• Resultatorientert og initiativrik
• God HMS-haldning

Vi tilbyr

• Fleksitidsavtale
• Godt fagleg miljø
• Gode forsikrings- og pensjonsordningar
• Interessante og varierte arbeidsoppgåver

ULSTEIN er ein internasjonalt anerkjend leverandør av skipsdesign, skipsbygging og systemløysingar for skip. I meir enn 100 år har vi utvikla framtidsretta produkt og tenester for det maritime miljøet, og visjonen vår er å skape morgondagens løysingar for berekraftige marine operasjonar. ULSTEIN har aktivitet i fleire land, med hovudkontor i Ulsteinvik på Sunnmøre. Konsernet har over 500 tilsette. Ulstein er ei lærlingbedrift og ei av hjørnesteinsbedriftene i kommunen.

Menneska i Ulstein er den viktigaste ressursen. Mangfald av ferdigheiter, personlegdommar, erfaring og bakgrunn skaper eit globalt team som kombinerer innovasjon, kvalitet og ekspertise.

Ulstein Verft bygger og leverer spesialfartøy i hovudsak innan offshoreenergi. Typiske prosjekt er bygging av avanserte skip med stor andel utrusting, som stiller høge krav til prosjektleiing, teknisk kunnskapsnivå og integrasjonskompetanse. Vår ekspertise innan engineering, installasjon og kommisjonering kjem til sin rett innan ettermarknadstenestene våre der vi leverer alle typar ombyggingar, reparasjonar og tørrdokkingar. Saman med Ulstein Elektro Installasjon er selskapet ein del av forretningsområdet Shipbuilding i ULSTEIN, og held ein høg standard innan kvalitet, gjennomføring og leveringspresisjon.