IT Technical Project Delivery Consultant

Den Maritime industrien treng trygge og raske IT leveransar - på alle verdas sju hav. Me treng ein IT Technical Project Delivery Consultant på laget vårt til å styrka dette området.

Kva skal du gjera på?

Som teknisk prosjektleiar i Marlink vil du ha ansvar for å handtere fleire prosjekt og tidslinjer samtidig. Du vil samarbeide med både kundar, leverandørar og andre avdelingar i selskapet for å levera og implementera skreddersydde tekniske løysingar. Tekniske førebuingar og planlegging med utførande felt-ressursar, samt administrasjon av logistikk og levering, er sentrale oppgåver i jobben. Å kunne gjere komplekse ting enkle, samt leia prosjekt frå start til slutt, er nøkkel for suksess hos oss.

Kva treng du?

Kompetanse og/eller erfaring frå leiing av IT prosjekt, store eller små, vil vera veldig positivt. Du er oppdatert på Microsoft sin portefølgje, både lokal, hybrid og i skya med. God kjennskap til nettverk, maskinvare for både server og arbeidstasjonar vil vere ein stor fordel. Om du kjenner deg igjen i dette så bør vurdera seriøst å bli ein del av laget vårt på Stord.

Kven er du?

Du er typen som alltid er ute etter å lære noko nytt og tar initiativ når det trengs. Du trivst godt med å ha fleire ballar i lufta samtidig. Du har relevant utdanning og/eller erfaring frå tilsvarande arbeid. Du har gjerne erfaring frå samhandling med kunder og samarbeidspartnarar. Av og til må du vera klar for utanlandsreise for å møta både kundar og leverandørar. Om du i tillegg har godt humør, gode kommunikasjonsevner både på engelsk og norsk, og føretrekk å arbeida som ein del av eit lag, ja då er det ikkje noko å lura på.

Kva tilbyr me?

• Ein arbeidsplass som byr på sterkt samhald og variasjon i oppgåver.
• Konkurransedyktig løn med prestasjonsbaserte bonusar
• Helseforsikring og privat legetjeneste
• Fleksible arbeidsordningar med moglegheit for heimekontor
• Profesjonell utvikling – lær nye ting utan å måtte sitje i ein kjedeleg konferansesal.
• Deltaking i sosiale arrangement og aktivitetar– her er me på Stord best i klassen.

Vil du bli med?

I så fall ser me fram til å høyre frå deg snarleg! Søknader vert vurdert fortløpande.