Psykologspesialist/ Psykolog til 100% vikariat

Klinikk psykisk helsevern for barn og unge (PBU) tilbyr utgreiing og behandling av barn og unge opp til 18 år, både poliklinisk og ved innlegging i sengepostar. Klinikken har sju allmenne poliklinikkar, to spesialiserte poliklinikkar, tre sengepostar, og ambulante tenester. Tilbod til lavfrekvente pasientgrupper er organisert i tyngepunkt, som gir tilbod på tvers av poliklinikkane.

Klinikk psykisk helsevern for barn og unge (PBU) Barneposten gir spesialisert helsetilbod til barn og unge med psykiske vanskar, og deira pårørande. Vi er lokalisert i det nye barnesjukehuset i Glasblokkane på Haukeland universitetssjukehus.

Stillinga er ledig ved Barneposten og er knytta til barn/føresette som er innlagde i sjukehuset. Stillinga vil inngå i eit tverrfagleg team som gjev tenester til pasientar som blir innlagd elektivt. Barneposten er ein 5 døgnsavdeling med plass til 6 barn i alderen 0 – 13 år. Det er ein korttidsavdeling med hovudvekt på utgreiing, observasjon og utprøving av behandlingstiltak i forhold til barnet og til dets familie. Vi arbeider kontinuerleg med kvalitetsforbetring, og vi er med i ei rekkje innovasjonsprosjekt der føremålet er å gje barn og familiane deira endå betre og tryggare helsehjelp.

Ønsker du å bruke dine kunnskapar til å prege utviklinga av eit spesialisttilbod til barn og unge med psykiske lidingar?

Vedkommande som får tilbod om tilsetjing må legge fram tilfredstillande politiattest (vandel) jmf. Lov om helsepersonell § 20A.

Arbeidsoppgåver

• Psykologen sine kliniske arbeidsoppgåver er knytta primært til barn i aldersgruppa opp til 13 år
• Arbeidsoppgåvene er utgreiing/ behandling av psykisk sjuke barn i samarbeid med deira føresette
• Psykolog vil arbeide i tett samarbeid med miljøterapeutar og andre psykologarspesialitar/legar
• På heilagdagar og i feriar arbeider ein på PBU Akuttpost (0-18 år)

Kvalifikasjonar

• Norsk autorisasjon
• Erfaring med familiearbeid, EFST
  
• Erfaring frå arbeid med barn/ungdom/familiar i sjukehus/BUP
• Må meistre norsk, både skriftleg og munnleg

Personlege eigenskapar

• Vi legg vekt på personlege eigenskapar og søker deg som trivast med å arbeide tverrfagleg
• Gode samarbeidsevner, kunne vere fleksibel og open for endringar som kan skje i klinikken
• Evne til å jobbe sjølvstendig og i team, samt vise initiativ
• Ha stor arbeidskapasitet og vere strukturert

Vi tilbyr

• Triveleg arbeidsmiljø
• Høgt fagleg nivå
• Fagleg og personleg utvikling
• Lønn i samsvar med gjeldande overeinskomst
• Medlemskap i pensjonsordning, 2 % pensjonstrekk, yrkesskadeforsikring, gruppelivsforsikring og tenestereiseforsikring
• Ein arbeidsplass som er ei inkluderande arbeidsliv-bedrift (IA-bedrift)
• Fadderordning, rettleiing og internundervising

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.