Vil du bidra til auka trafikktryggleik på vegen? Bli den nye utekontrolløren vår for tunge køyretøy!

Om stillinga

Om stillinga Utekontrollavdelinga i Statens vegvesen har ansvar for å kontrollere køyretøy og trafikantar langs vegen. Vi jobbar for at ingen skal bli drepne eller hardt skadde i trafikken, og at transportbransjen får like konkurransevilkår.

Om du blir tilsett, må du gjennomføre den modulbaserte opplæringa vår. Dette er ei samlingsbasert opplæring og e-læring med praksisrettleiing på eigen arbeidsplass.

Arbeidsoppgåver

Du skal jobbe med teknisk kontroll av køyretøy langs vegen, i hovudsak tunge køyretøy. For å luke ut trafikkfarlege køyretøy og sjåførar samarbeider vi også med politiet, tollvesenet, arbeidstilsynet og andre offentlege etatar. I tillegg til å kontrollere køyretøy skal du jobbe med saksbehandling og administrative oppgåver. 

Som utekontrollør er du ansiktet vårt utetter, og må forvalte lov og forskrift i direkte dialog med sjåførar. Samtidig som du varetek styresmaktsrolla, må du sjå det som ei positiv utfordring å møte folk på ein god måte. Det er derfor vesentleg at du har evne og motivasjon til å setje deg inn i og forvalte regelverket. 

Du jobbar etter fastsett turnus, og noko av arbeidstida er på kveld, natt og helg. Stillinga inneber reiseverksemd. 

Jobben som utekontrollør betyr mye for mange | Statens vegvesen (https://www.vegvesen.no/om-oss/jobb/medarbeiderne-vare-forteller/utekontrollor/)

Kvifor skal du velja oss?

Som tilsett i Statens vegvesen blir du ein del av eit solid og kunnskapsdelande fagmiljø. Hos oss får du mange moglegheiter gjennom å bli ein del av ei landsdekkjande, solid og viktig verksemd. Samtidig er det også opp til deg å bidra til rørsle og kontinuerlig utvikling - både for deg sjølv og for oss. 

Vi jobbar for alle - for deg og meg - og har ein reell påveknad på folks kvardag. Du får ansvarsfulle oppgåver og høve til fagleg og personleg utvikling. Vi tek godt imot deg i eit godt arbeidsmiljø over heile landet.

Vi tilbyr deg også desse goda:

• Gode ordningar for avspasering - vi veit at balansen mellom arbeid og fritid er viktig, og vi tilbyr fleksible arbeidstider.
• God pensjonsordning og lån - trygg fremtid med gode pensjonsordningar og gunstige lån.
• Trening i arbeidstida - moglegheiter for trening i arbeidstida eller støtte til treningsaktivitetar.
• Fagleg påfyll - mange moglegheiter for kurs og vidareutdanning.

Lønna di blir avtalt i samsvar med lønnspolitikken vår.

Kvalifikasjonskrav

Du må ha 

• fagbrev som mekanikar tunge køyretøy, eventuelt fagbrev landbruks- eller anleggsmaskin 
• førarkort i klasse B, og dessutan fylle vilkåra for førarrett i resten av førarkortklassane 
• god munnleg og skriftleg framstillingsevne på norsk 
• munnleg framstillingsevne på engelsk 
• god erfaring med bruk av digitale verktøy 

Det er ein fordel om du har 

• fagskule bil- eller maskinteknikk, eller har utdanning som maskiningeniør 
• gjennomført og bestått kurs i periodisk køyretøykontroll (PKK), godkjent av bilbransjen 
• førarkort i klassane CE og DE
• god munnleg og skriftleg framstillingsevne på fleire språk

Dersom du har teke heile eller delar av utdanninga di i utlandet, tilrår vi ei autorisert omsetjing av papira og godkjenningane dine frå HKDIR (https:hkdir.no/utdanning-fra-utlandet).

Personlege eigenskapar: 
I tillegg til faglege kvalifikasjonar, leitar vi også etter rette eigenskapar, haldningar og motivasjon. Til denne stillinga er vi på utkikk etter ein kollega som har desse eigenskapane: 

• kommuniserer godt med andre 
• er roleg og snarrådig i krevjande situasjonar 
• samarbeider godt og er ein god lagspelar 
• har ein høg etisk standard og er lojal og pliktoppfyllande 
• har evne til å jobbe sjølvstendig, systematisk og nøyaktig etter rutinar 
• er ein bidragsytar til eit godt arbeidsmiljø

Som tilsett i Statens vegvesen er det dessutan viktig at du er tryggingsmessig skikka og har god dømmekraft, pålitelegheit og lojalitet.

Om søknadsprosessen

Krav til søknaden

Vi har gjort det enklare for deg! I staden for eit tradisjonelt søknadsbrev, ber vi deg svare på nokre relevante spørsmål. Hugs å fyll ut felta for "Utdannelse" og "Arbeidserfaring", og last opp vitnemåla dine og eventuelle attestar. Dette hjelper oss med å få eit godt bilete av bakgrunnen og kvalifikasjonane dine.

Testar og bakgrunnssjekk

For å sikre at vi finn den beste kandidaten, kan vi bruke arbeidspsykologiske testar som ein del av rekrutteringsprosessen vår. Desse testane gir oss innsikt i eigenskapane og ferdigheitene dine, og hjelper oss med å gjere ei rettferdig og objektiv vurdering, slik at vi finn den best kvalifiserte kandidaten. Vi gjennomfører også bakgrunnssjekk for å verifisere informasjon som er viktig for rekrutteringsprosessen.

Positiv særbehandling

Vi i Statens vegvesen verdset mangfald og ønskjer å skape ein inkluderande arbeidsplass. Vi oppmodar alle kvalifiserte kandidatar til å søkje. Om du har ei funksjonsnedsetjing, hol i CV-en eller innvandrarbakgrunn, vil du få moglegheit for positiv særbehandling. 

Søkjarlista er offentleg

Dersom du ønskjer å reservere deg frå oppføring på offentleg søkjarliste, må du grunngi dette. Vi tek kontakt med deg dersom vi ikkje kan komme ønsket ditt i møte.

Statens vegvesen er hjartet i Noregs vegsektor, og vi jobbar kvar dag for å sikre eit effektivt, trygt og heilskapleg transportsystem. Som den største aktøren innan vegtransport i Noreg, har vi ansvaret for riks- og europavegane, samt tryggleiken til alle som ferdast langs vegen. Vårt oppdrag er å planleggje, byggje, drifte og vedlikehalde denne kritiske infrastrukturen.

Vi utviklar regelverk og standardar som gjeld for alle vegeigarar i Noreg, og gjennom vårt arbeid med trafikantar og køyretøy, ny teknologi og digitale tenester, sørgjer vi for at både folk og næringsliv har tilgang til enkle, effektive, trygge og miljøvennlege transportmoglegheiter.

Statens vegvesen består av to forvaltningsnivå - eit direktorat og seks landsdekkande divisjonar, som saman jobbar for å gjere vegane våre betre for alle. 

Divisjon Trafikant og køyretøy (TK) har ansvar for det meste av det som har med førarkort og køyretøy å gjera i dette landet. Me utviklar regelverket innan våre fagfelt og kontrollerer at dette blir følgt av trafikantar, bileigarar, verkstader, trafikkskular og transportbedrifter. Me har rundt 1400 tilsette over heile landet og møter publikum kvar dag, både fysisk, i telefonen og digitalt. Dei digitale sjølvbeteningsløysingane våre gjer at me er tilgjengeleg heile tida.

Me jobbar kvar dag for at ingen skal bli drepne eller hardt skadde i trafikken.