Overlegevikariat i øyre-nase-halssjukdommar

Klinikk for hovud-hals ved Haukeland universitetssjukehus har ledig vikariat som overlege i øyre-nase-halssjukdommar med tilsetjing etter nærare avtale.

Vikariatet har ei varigheit på eitt år.

Klinikken har om lag 140 årsverk og gjennomfører årleg over 44 000 konsultasjonar, utgreiingar og behandlingar. Vi består av Kjevekirurgisk avdeling og Øyre-nase-halsavdelinga, og har ansvar for drift av sengepost Hovud-hals og Auge for innlagde vaksne pasientar. I tillegg disponerer vi sengeplassar ved Barnekirurgisk sengepost.

Klinikken driv fleire poliklinikkar for både vaksne og barn/unge, to dagkirurgiske einingar, og har tilgang til totalt 10 operasjonsstover ved Sentraloperasjonen kvar veke, samt 5 operasjonsstover for barn og unge i Glasblokkene.

Som universitetssjukehus samarbeider vi tett med Universitetet i Bergen, noko som gir gode moglegheiter for forsking, fagleg utvikling og undervisning på høgt nivå.

Arbeidsoppgåver

• Utgreiing, diagnostisering og behandling av pasientar
• Aktiv deltaking i tverrfagleg teamarbeid
• Rettleiing og undervisning av kollegaer og studentar
• Anledning til å delta i undervisning, kurs, etterutdanning og forsking
• Deltaking i klinikken si vaktordning kan bli pålagt

Kvalifikasjonar

• Norsk autorisasjon som lege
• Spesialist i øyre-nase-halssjukdommar
• Klinisk erfaring innan laryngologi og/eller nase–bihole er ein fordel
• Meistrar norsk, både skriftleg og munnleg
• Interesse for forsking og undervisning blir vektlagt – vitskapleg arbeid er meritterande

Personlege eigenskapar

• Høg motivasjon og ekte engasjement for faget
• Viser respekt og omtanke for kvar enkelt pasient
• Bidrar positivt til arbeidsmiljøet og tverrfagleg samarbeid
• Trivst i eit aktivt og til tider travelt miljø
• Har gode samarbeidsevner og tydelege kommunikasjonsevner
• Ambisjon om å bidra til vidare fagleg utvikling innan øyre-nase-halssjukdommar
  

Vi tilbyr

• Løn etter gjeldande overeinskomst
• Eit fagmiljø med høgt kompetansenivå og brei erfaring
• Gode pensjons- og forsikringsordningar
• Eit triveleg og inkluderande arbeidsmiljø
• Ein arbeidsplass som er godkjend IA-bedrift (Inkluderande arbeidsliv)

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.