Vil du vere miljøterapeut med ansvar for aktivitet?

Vil du bli vår nye miljøterapeut og bidra til auka meistring og livskvalitet for pasientane våre?

På Sikkerhetsposten ved Valen sjukehus får du moglegheita til å jobbe i eit engasjert og tverrfagleg miljø der tryggleik, omsorg og behandling står i fokus. Her får du spennande utfordringar, fagleg utvikling og eit støttande arbeidsmiljø – med blant anna fleksible arbeidsplaner, sikkerheitstillegg og tilgang til trimrom på sjukehuset.

Sentrale oppgåver på avdelinga er å vurdere og handtere valdsrisiko og samstundes gje omsorg og behandling. Kvar pasient har eit tverrfagleg team, kor miljøpersonal, psykiater/psykolog, aktivitør og sosionom samarbeider om å balansere mellom utvikling for pasienten og tryggleik for alle. Pasientane våre kan vere innlagt over lang tid, medan andre har kortare opphald. Deira ressursar og sårbare sider er det uansett god tid til å bli kjend med.

Vi søker etter miljøterapeut som er knytta til aktivitet og har som formål å vedlikehalda eller betra pasienten sin fysiske, psykiske og sosiale situasjon ved ein målbevisst bruk av fysisk aktivitet og praktiske daglege gjeremål basert på pasienten sin eigeninnsats.

På grunn av utfordrande og krevande situasjonar som kan oppstå med pasientgruppa, legger vi vekt på evne til å handtere slike situasjonar.

👉Søk no og bli med på laget vårt!

Blei du nysgjerrig på korleis det er å jobbe hos oss? Klikk her for å sjå filmen og bli inspirert

Kva går jobben ut på?

Dette vil du jobbe med hos oss:

• Kartlegging av pasienten sine ferdigheter og kognitive funksjonar relatert til den praktiske kvardagen, ADL kartlegging og dokumentasjon.
• Planlegge å gjennomføre aktivitetar med pasientar, individuell oppfølging, fysisk aktivitet og trening på daglege gjeremål.
• Oppfølging av pasientar som er innlagt over tid. Dette innebærer å følge opp behandling og rehabiltering og førebu pasienten på livet etter utskriving.
• Miljøterapeut arbeider tett med Eining for aktivitet og livsmestringen og vil ha ein del friluftsaktiviteter og fellesaktivitetar saman med eininga.
• Omsorg og behandling tilpassa pasientens individuelle behov
• Observasjon og dokumentasjon av pasientforløp
• Tverrfagleg samarbeid med helsepersonell som legar, psykologar og sjukepleiarar
• Handtering av utfordrande åtferd
• Relasjonsbygging og motivasjonsarbeid for å fremje endring
• Utforming av kort- og langsiktige behandlingsplanar

Kva kompetanse er viktig i denne rolla?

• Miljøterapeut med relevant utdanning innan helse -og sosial eller innan kosthald og idrett/folkehelse.
• Ønskeleg med erfaring og realkompetanse innan psykiatri
  
• Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må minimum ha bestått Bergenstesten eller anna norsktest på B2-nivå. Dokumentasjon må leggjast ved søknad
  

Kva ser vi etter hos deg?

Vi ser etter deg som

• tek ansvar og er trygg i rolla di
• er engasjert, viser initiativ og møter kvar pasient med respekt
• har eit aktivt blikk for moglegheiter og evne til å motivere andre
• lyttar godt, kommuniserer tydeleg og bygger gode relasjonar
• ser etter løysingar og er open for nye måtar å jobbe på
• trivst med å samarbeide tett med kollegaer og andre faggrupper

For å oppretthalde samansetninga i personalgruppa, oppmodar vi særleg menn til å søke.

Personlege eigenskapar vil bli vektlagt.

Kvifor skal du velje oss?

Hos oss får du:

• Eit profesjonelt og støttande arbeidsmiljø
• Kompetanseheving og utvikling gjennom rettleiing og opplæring
• Eit sikkerheitstillegg på kr 7300 per år – som aukar med kr 3400 etter to år
• Etter eitt år får du ei studieveke
• Dagtid 37,5 t veke
• Bedriftsavtale med treningssenter og tilgang til trimrom på sjukehuset
• Midlertidig bustad, dersom du treng det