Assistent til faste helgestillingar Kompleks Rehabilitering Sandviken

Seksjon KRS, ved Avdeling for spesialisert psykosebehandling, har for tida ledige faste helgestillingar, med arbeid p.t. kvar 3. helg.

Seksjon kompleks rehabilitering Sandviken (KRS) er ein lukka seksjon med 8 døgnplassar som gir eit tilbod til to ulike pasientgrupper. Seks av plassane er for personar med psykoseliding med kompliserande tilstandar som til dømes rus og personlegheitsforstyrringar, medan to plassar er for personar som har kombinasjon av psykose og psykisk utviklingshemming eller utviklingsforstyrring.

Arbeidet i seksjonen er tverrfagleg, der teamet inneheld mellom anna psykiater, psykolog, sosionom, sjukepleiar, vernepleiar eller helsefagarbeidar. Fokus er på å byggje relasjonar som støttar ei trygg overgang til bustad, i samarbeid med innsøkande instansar og kommunale tenester. Miljøterapien inkluderer systematisk kartlegging og utvikling av ADL-ferdigheiter (aktivitetar i dagleglivet), stimulering av interesser, og bruk av sanserom for kjensleregulering. Som ein del av behandlingstilbodet tilbyr vi også musikkterapi, som ein metode for å støtte pasientane i uttrykk for kjensler, fremje sjølvkjensle og bidra til meistring i kvardagen.

Seksjonen legg òg stor vekt på fysisk helse, med tilgang til treningsfasilitetar som gymsal, treningsrom og treningspoliklinikk. Dette gir eit heilskapleg rehabiliteringstilbod, der både psykisk og fysisk helse står sentralt i behandlinga.

Kandidatar blir fortløpande kalla inn til intervju.

Arbeidsoppgåver

• Miljøterapeutisk arbeid
  
• Observere og dokumentere
• Bidra til å skape ei trygg postatmosfære med omsorg, støtte, struktur og gode grensar for kvar enkelt pasient
• Praktiske oppgåver
• Oppfølging av pasientar med fokus på aktivisering og daglege gjeremål
  

Kvalifikasjonar

• Relevant erfaring
• Må meistre norsk munnleg og skriftleg godt
• Bør vere student innan helse -og sosialfaglig utdanning
• Sjukepleiar/vernepleiar/helsefagarbeidar må ha norsk autorisasjon
• Ved tiltredning må gyldig politiattest leggast fram

Personlege eigenskapar

• Løysingsorientert, sjølvstendig og målretta
• Strukturert
• Pasientorientert
• Ha respekt for kvar enkelt pasient og pårørande
• Ha evne til å arbeide tverrfagleg og i team
• Trivast i eit aktivt og travelt miljø
• Etterspør rettleiing
  

Vi tilbyr

• Å delta i eit spennande og fagleg miljø, der folk trivst på jobb
• Fadderordning
• Lønn i samsvar med gjeldande overeinskomst
• Gode pensjons- og forsikringsordningar

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.