100% stilling som helsefagarbeidar ved Austevoll pleie- og omsorgssenter

Om arbeidsstaden

Helse og velferd er ei eining med om lag 250 tilsette og blir leia av kommunalsjef. I denne eininga inngår pleie - og omsorgstenester, tildelingskontor, legetenesta, jordmortenesta, ergoterapi- og fysioterapitenesta, miljøarbeidertenesta, NAV, psykisk helse og rus, kreftomsorg og frivillig arbeid. Helse og velferd har som mål å fagleg legge til rette med tenester tilpassa den enkelte sitt behov, slik at kvar og ein skal ha eit trygt, meiningsfylt og innhaldsrikt liv. 

Austevoll pleie og omsorgssenter ligg sentralt til i Birkelandsvegen 26 på Storebø.  På pleie og omsorgssenter og i heimetenesta har vi ca. 150 tilsette.

Om stillinga

100% fast stilling som helsefagarbeidar. Den ledige stillinga er på spesialavdelingane på sjukeheimen.  Langvaktsturnus med arbeid kvar 4.helg kan vurderast. Tiltreding så snart som mogeleg. 

Ansvar og arbeidsoppgåver

Vaktene på spesialavdelingane er varierte. Pleie- og miljøretta omsorg for bebuarane vil vera hovudoppgåva.

Kvalifikasjonskrav

Formelle kvalifikasjonskrav:

• Off. godkjent helsefagarbeidar.
• Gyldig politiattest

Personlege eigenskapar:

• Det er ein føresetnad at søkjar liker å jobbe med menneske, er fleksibel, arbeidsvillig, positiv og må trivast med å jobbe i team. 
• Søkjar må ha gode kunnskapar i norsk både munnleg og skriftleg. Vi nyttar pasientjournalsystemet Profil.

Vi tilbyr

• Moglegheit for fagleg utvikling i eit  godt og  positivt fagmiljø
• Spanande utfordringar
• Løn etter kvalifikasjonar
• Gode pensjons- og forsikringsordningar

Slik søker du på stillinga

Send søknad og CV ved å klikke på knappen merka "Søk stilling" på denne sida.

Det er søkar sitt ansvar å sørge for at alle relevante vedlegg er lagt inn innan fristen, som for eksempel attester og vitnemål. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må søkar sjølv laste opp attesterte omsettingar.

Ikkje send søknad på e-post til enkeltpersonar i kommunen.

Vi gjer merksam på at i følge offentleglova § 25, 2. ledd kan opplysningar om søkaren bli offentleggjort sjølv om søkaren har oppmoda om ikkje å bli ført opp på offentleg søkarliste. Søkaren vil alltid bli varsla på førehand dersom søkarlista blir offentleggjort.