Psykologspesialist

BUP Fana er ein av 7 poliklinikkar i Klinikk psykisk helsevern for barn og unge (PBU). Vi held til sentralt på Nesttun, samlokalisert med BUP Ytrebygda. Opptaksområdet vårt er kommunane Samnanger, Austevoll og Fana byområde i Bergen. BUP Fana har pt 23 fagårsverk, vi har fått tilført ei ekstra stilling for å bidra i tverrfagleg helsekartlegging i regi av Bufetat. Vi er organisert i to team og har tyngdepunktfunksjon for spesialisert behandling av spiseforstyrringar. Poliklinikken har også ansvar for Regionalt senter for høyrsel og psykisk helse med to fagstillingar.

Poliklinikken har erfarne, engasjerte og dyktige medarbeidarar. Vi har godt etablerte behandlingstilbod med mellom anna DUÅ-gruppe, FBT-team, brei traumekompetanse og faste EFST-grupper. Vi er opptatt av å finne gode strategiar for å møte den auka pågangen i behova til befolkninga og søker medarbeidarar som ønsker å finne løysingar som tar i vare både fagleg kvalitet og god bruk av ressursane vi har til rådigheit. Vi har stort fokus på korleis vi samhandlar internt og eksternt for å gje best mogleg tenester til pasientar og familie/nettverk rundt pasienten. Dei neste åra vil vi ha særleg fokus på å styrke tilbodet vårt til barn og unge med nevroutviklingsforstyrringar.

Ved tilbod om stilling må du legge fram tilfredsstillande politiattest (vandelsattest), jf. Lov om helsepersonell § 20a (gjeld arbeid med barn og utviklingshemma).

Arbeidsoppgåver

• Utgreiing, diagnostisering og behandling av barn og unge
• Samarbeid med føresette og relevante instansar
• For spesialistar; Intern rettleiing av kollegaer i spesialisering

Kvalifikasjonar

• Norsk autorisasjon
• Erfaring frå spesialisthelsetenesta og/eller arbeid med barn- og unge
• Kompetanse innanfor metodane vi allereie jobbar med eller område vi ønsker å utvikle oss på

Personlege eigenskapar

• Du har god fagleg vurderingsevne og arbeidskapasitet
• Evne og vilje til å hjelpe pasientar og samarbeide med kollegaer
• Fagleg trygg, nysjerrig og varm i møte med andre
• Meistrar norsk skriftleg og munnleg

Vi tilbyr

• Lønn i samsvar med overeinskomst
• Eit støttande og kompetent arbeidsmiljø
• Rettleiing, relevante kurs og vidareutdanning med stort rom for fagleg utvikling

Mangfaldserklæring
Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

Helse Bergen, Haukeland universitetssjukehus, har over 14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.