Tannlegar og tannpleiarar
- Søknadsfrist 18.12.2026
- Arbeidsspråk Norsk
- Sektor Offentlig
- Antall stillinger 11 stillinger
Tannlegar og tannpleiarar
Kunne du tenkje deg eit distrikts-eventyr?
Er du interessert i friluftsliv, kunne du tenkje deg det gode livet på bygda eller vil du kanskje oppsøkje røtene dine?
Vi har no fleire ledige stillingar som tannlege og tannpleiar i tannhelseområde Nord (Nordfjord, Sunnfjord og Sogn).
Tannklinikkane våre ligg spreidde blant fjordar og fjell, i djupe dalar og på øyar.
Fleire av klinikkane ligg på stadar med eit framoverlent og variert næringsliv med aktive gründermiljø som også har gode jobbmoglegheiter for partnaren din.
Alle kommunane i Nordfjord, Sunnfjord og Sogn har etter gjeldande reglar i Lånekassa årleg nedskriving av studielån på kr 25 000.
Vestland fylkeskommune har ansvar for den offentlege tannhelsetenesta i fylket. Samfunnsoppdraget vårt er å levere tenester av høg kvalitet til innbyggjarane våre og dette løyser vi gjennom samarbeid, førebyggjing og god klinisk praksis. Vi behandlar hovudsakleg prioriterte pasientgrupper, men tar også i mot vaksne, betalande pasientar.
Vi har ein unik kompetanse og tannklinikkane våre samarbeider tett med spesialistane ved Vestland tannhelseteneste sitt kompetansesenter (TkVestland).
Terkelen er låg for å diskutere kasus med spesialistar for å få råd og rettleiing.
Gjennom førebyggjande arbeid, forsking og behandling legg vi grunnlaget for god folkehelse i Vestland. Vi er om lag 550 tilsette fordelt på 55 tannklinikkar, ein intern fagstab og TkVestland.
Arbeidsoppgåver
Tannlege
Du utfører klinisk arbeid for alle pasientgrupper, inklusiv vaksne betalande pasientar.
Du held deg fagleg oppdatert og følger gjeldande lover og retningslinjer for evidensbasert behandling, samt
jobber for å nå måla til Vestland tannhelseteneste.
Du deltar i HMS-arbeid og kvalitetsutvikling, samt andre felles oppgåver for drift av klinikken.
Faste stillingar:
Vi har ledige stillingar ved følgjande tannklinikkar: Sogndal (2 stillingar), Florø, Gaupne og Askvoll.
Vikariat:
Vi har ledige vikariat ved følgjande tannklinikkar: Gaupne (ut mai 2027), Askvoll (til august 2027) og Florø (ut 2027)
Ved dei to sistnemnde er det moglegheit for forlenging, evt. fast stilling
Skriv i søknaden kva for stilling(ar) du søkjer på.
Tannpleiar
Du arbeider i førstelinjetenesta og har ansvar for utadretta verksemd i samråd med klinikkleiar og kollegaer
Du utfører klinisk arbeid som omfattar alle pasientgrupper, inklusiv vaksne betalande pasientar
Du held deg deg fagleg oppdatert og følger gjeldande lover og retningslinjer for evidensbasert behandling, samt jobbe for å nå målsetnadane til Vestland tannhelseteneste
Faste stillingar:
Vi har ledig faste stillingar ved følgjande tannklinikkar: Stryn, Sogndal og Sandane.
Skriv i søknaden kva for stilling(ar) du søkjer på.
Kvalifikasjonar
- Norsk autorisasjon som tannlege eller tannpleiar
- Behersker norsk som arbeidsspråk, skriftleg og munnleg
- Godkjend politiattest
Personlege eigenskapar
- Du likar å arbeide med menneske og har alltid pasienten i fokus.
- Du kan samhandle med ulike pasientgrupper. Du kommuniserer godt og har evne til å skapa gode relasjonar til pasientar, pårørande, kollegaer og andre samarbeidspartar. Du trivst med å jobbe i team og er aktivt med på å skape eit godt arbeidsmiljø.
- Du arbeider systematisk, strukturert og planmessig for å nå måla våre.
- Du er nysgjerrig og interessert i fagleg utvikling, du deler også kompetanse med andre.
Vi tilbyr
- Ein meiningsfull, samfunnsnyttig og variert arbeidskvardag med pasientar i alle aldrar.
- Eit arbeidsmiljø med høg fagleg kompetanse.
- Etterutdanning og kurs for fagleg og personleg utvikling.
- Løn etter avtale.
- Gode offentlege pensjons - og forsikringsordningar
Ferdigheter AI-generert
- Forbedre og utvikle tjenestene
- Norsk
JobbMatch
Er du en god match for denne stillingen?
JobbMatch ser på erfaringen og egenskapene dine – og sjekker hvor godt du passer.
Om arbeidsgiveren
Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.
Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.
Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista blir offentleggjort.
Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.
- Antall stillinger: 11
- Sted: Askedalen 2, 6863 Leikanger
- Bransje: Helse og omsorg
- Stillingsfunksjon: Tannlege, Tannpleier
Spørsmål om stillingen
Firmaets beliggenhet
Annonseinformasjon
- FINN-kode: 481372124
- Sist endret:
- Org.nr.: 974783223Se på Brønnøysundregistrene(åpnes i ny fane)

