FINNJobbSøkMøre og RomsdalÅlesund
Bilde fra arbeidsgiver
Statens vegvesen logo
Statens vegvesen
Legg til som favoritt
Del annonse
Del på e-postDel på FacebookDel på X
Kopier lenke

Automasjonsingeniør

Fast stilling ∙ Heltid ∙ Ålesund, Hovdebygda, Molde og Trondheim
  • Søknadsfrist 27.11.2026
  • Sektor Offentlig

Kortversjonen

Om denne oppsummeringen

Drift og vedlikehold av automasjonstekniske installasjoner langs veg og i tunnel, samt oppfølging av entreprenører og vedlikeholdsprosjekter.

Kvalifikasjoner

  • Ingeniørutdanning eller teknisk fagskole innen elektro eller automasjon (relevant erfaring kan kompensere)
  • Fagbrev innen elektrofag og førerkort klasse B
  • Kunnskap om elektronisk kommunikasjon (E-kom) og OT-fibernettverk
  • Erfaring med PLS, SCADA-systemer og FDV-systemer
  • Gode ferdigheter i bruk av digitale verktøy og god norsk fremstillingsevne

Hva vi tilbyr

  • Fleksitid og avspasering
  • God pensjonsordning og gunstige lån
  • Trening i arbeidstiden eller støtte til treningsaktiviteter
  • Muligheter for kurs og videreutdanning
Er du en god match for denne stillingen?Sjekk din JobbMatch
Vis mindre
Vis hele kortversjonen

Vil du bidra til smart og sikker trafikkstyring? Bli automasjonsingeniør i Statens vegvesen!

I Statens vegvesen står vi midt i ei teknologisk utvikling, kor vi byggjer og driftar avanserte styringssystem som gjer vegnettet smartare og meir effektivt. No ser vi etter deg som har lyst til å bidra til dette viktige arbeidet, som automasjonsingeniør!

Med eit høgt trafikkert hovudvegnett og eit stadig aukande tal tunnelar, har vi i seksjon Drift midt fokus retta mot ei sikker avvikling av trafikken. Dette blir mellom anna løyst gjennom avanserte styrings- og overvakingssystem, basert på ein god elektroinfrastruktur langs vegnettet. 

Statens vegvesen har ansvar for å planleggje, prosjektere, setje i verk og drifte både infrastrukturen og systema. Hos oss får du med andre ord jobbe med mange spennande oppgåver innan automasjon!

Kontorstad for stillinga vil fortrinnsvis vere i Ålesund, Ørsta eller Molde. Kontorstad Trondheim kan vurderast. 

Arbeidsoppgåver

Stillinga omfattar drift og vedlikehald av automasjonstekniske installasjonar langs veg og i tunnel, og dessutan oppfølging av entreprenørar og vedlikehaldsprosjekt i ulike storleikar.

Hovudoppgåver:

  • Vere fagleg ressursperson innan automasjon, inkludert arbeid og oppfølging av PLS og overvakingssystem (SCADA)

  • Drifte PLS-system, serverar og OT-nettverk

  • Forvalte og drifte fibernettverk

  • Følgje opp tryggingssystem i tunnelar og foreslå utbetringar/oppgraderingar av utstyr

  • Bistå entreprenørar og interne med feilsøking ved teknisk feil

  • Saksbehandling av ulike saker knytte til entreprenørane

  • Sikre etterleving av gjeldande elektroforskrifter, E-kom, interne handbøker og prosedyrar og dessutan følgje rutinar for dokumentasjonssystem

  • Moglegheit for byggjeleiaransvar for den rette kandidaten

Arbeidet skjer i samarbeid med dyktige kollegaer og prosjektleiarar, og du vil ha høve til å påverke val av tekniske løysingar innan faget

Kvifor skal du velja oss?

Som tilsett i Statens vegvesen blir du ein del av eit solid og kunnskapsdelande fagmiljø. Hos oss får du mange moglegheiter gjennom å bli ein del av ei landsdekkjande, solid og viktig verksemd. Samtidig er det også opp til deg å bidra til rørsle og kontinuerlig utvikling - både for deg sjølv og for oss. 

Vi jobbar for alle - for deg og meg - og har ein reell påveknad på folks kvardag. Du får ansvarsfulle oppgåver og høve til fagleg og personleg utvikling. Vi tek godt imot deg i eit godt arbeidsmiljø over heile landet.

Vi tilbyr deg også desse goda:

  • Fleksitid og avspasering - vi veit at balansen mellom arbeid og fritid er viktig, og vi tilbyr fleksible arbeidstider.

  • God pensjonsordning og lån - trygg fremtid med gode pensjonsordningar og gunstige lån.

  • Trening i arbeidstida - moglegheiter for trening i arbeidstida eller støtte til treningsaktivitetar.

  • Fagleg påfyll - mange moglegheiter for kurs og vidareutdanning.

  • Meir om gode som tilsett på våre nettsidar: Ansattgoder | Statens vegvesen (https://www.vegvesen.no/om-oss/jobb/hvorfor-jobbe-i-statens-vegvesen/ansattgoder/)

Lønna di blir avtalt i samsvar med lønnspolitikken vår.

Kvalifikasjonskrav

Du må ha:

  • Ingeniørutdanning frå høgskule/universitet eller teknisk fagskule med relevante fagkombinasjonar i elektro eller automasjon. Omfattande og relevant erfaring kan kompensere for manglande formell utdanning.

  • Fagbrev innan elektrofag. 

  • Førarkort kl. B.

  • Gode ferdigheiter i bruk av digitale verktøy.

  • Kunnskap om elektronisk kommunikasjon (E-kom) og OT-fibernettverk.

  • God munnleg og skriftleg framstillingsevne på norsk.

Det er i tillegg ønskjeleg at du har:

  • Erfaring innan elektro- og/eller automasjonsløysingar for veg- og tunnelanlegg

  • Erfaring frå industriell automatisering

  • Erfaring med SCADA-system

  • Erfaring med bruk av FDV-system

Vi vektlegg motivasjon og engasjement for stillinga og samfunnsoppdraget vårt.

Dersom du har teke heile eller delar av utdanninga di i utlandet, tilrår vi ei autorisert omsetjing av papira og godkjenningane dine frå HKDIR:  Godkjenning av utenlandsk utdanning - jobb i Norge | HK-dir (https://hkdir.no/utdanning-fra-utlandet)

Personlege eigenskapar: 
Vi vil leggje vekt på at du har gode samarbeidsevner, ettersom du skal samhandle tett med både interne og eksterne aktørar. I tillegg er det viktig at du bidreg til eit godt arbeidsmiljø. For å lykkast og trivast i stillinga må du òg kunne arbeide sjølvstendig og strukturert, og trivast med ein arbeidskvardag med varierte arbeidsoppgåver. Som tilsett i Statens vegvesen er det dessutan viktig at du er tryggingsmessig skikka og har god dømmekraft, pålitelegheit og lojalitet.

Om søknadsprosessen

Krav til søknaden

Vi har gjort det enklare for deg! I staden for eit tradisjonelt søknadsbrev, ber vi deg svare på nokre relevante spørsmål. Hugs å fyll ut felta for "Utdannelse" og "Arbeidserfaring", og last opp vitnemåla dine og eventuelle attestar. Dette hjelper oss med å få eit godt bilete av bakgrunnen og kvalifikasjonane dine.

Testar og bakgrunnssjekk

For å sikre at vi finn den beste kandidaten, kan vi bruke arbeidspsykologiske testar som ein del av rekrutteringsprosessen vår. Testane gir verdifull innsikt i eigenskapane og ferdigheitene dine, og bidreg til ei rettferdig og objektiv vurdering.

Som ein del av rekrutteringsprosessen gjennomfører vi bakgrunnssjekk i samarbeid med ein ekstern leverandør. Bakgrunnssjekk skjer alltid med samtykket på kandidaten, og tilsetjing føreset godkjend bakgrunnssjekk.

Positiv særbehandling

Vi i Statens vegvesen verdset mangfald og ønskjer å skape ein inkluderande arbeidsplass. Vi oppmodar alle kvalifiserte kandidatar til å søkje. Om du har ei funksjonsnedsetjing, hol i CV-en eller innvandrarbakgrunn, vil du få moglegheit for positiv særbehandling. 

Søkjarlista er offentleg

Dersom du ønskjer å reservere deg frå oppføring på offentleg søkjarliste, må du grunngi dette. Vi tek kontakt med deg dersom vi ikkje kan komme ønsket ditt i møte.

Om arbeidsgiveren

Statens vegvesen er hjartet i Noregs vegsektor, og vi jobbar kvar dag for å sikre eit effektivt, trygt og heilskapleg transportsystem. Som den største aktøren innan vegtransport i Noreg, har vi ansvaret for riks- og europavegane, samt tryggleiken til alle som ferdast langs vegen. Vårt oppdrag er å planleggje, byggje, drifte og vedlikehalde denne kritiske infrastrukturen.

Vi utviklar regelverk og standardar som gjeld for alle vegeigarar i Noreg, og gjennom vårt arbeid med trafikantar og køyretøy, ny teknologi og digitale tenester, sørgjer vi for at både folk og næringsliv har tilgang til enkle, effektive, trygge og miljøvennlege transportmoglegheiter.

Statens vegvesen består av to forvaltningsnivå - eit direktorat og seks landsdekkande divisjonar, som saman jobbar for å gjere vegane våre betre for alle.

Noko av det viktigaste vi gjer for samfunnet og miljøet er å ta vare på det vegnettet vi allereie har. I divisjon Drift og vedlikehald har vi ansvaret for løpande heilårleg drift av riksvegane, inkludert ferje. Vi er ein digital, kompetent og profesjonell vegeigar som tek vare på og utviklar riksvegane. 

Drift og vedlikehald har rundt 900 medarbeidarar over heile landet, og ei årleg omsetning på om lag 17 milliardar kroner. Les meir om divisjon Drift og vedlikehald her: https://www.vegvesen.no/om-oss/jobb/hvorfor-jobbe-i-statens-vegvesen/ta-vare-pa-vare-veier/

 

  • Sted: Vestre Olsvikveg 13, 6019 Ålesund
  • Flere arbeidssteder: Langemyra 5A, 6160 Hovdebygda, Julsundvegen 9, 6412 Molde, Sorgenfriveien 11, 7031 Trondheim
  • Bransje: Bygg og anlegg, Offentlig administrasjon
  • Stillingsfunksjon: Automasjon og instrument, Elektroingeniør, Ingeniør

Spørsmål om stillingen

SC

Stine Christensen

Seksjonsleiar

99 41 41 84Kopier telefonnummer 99 41 41 84

Firmaets beliggenhet

Vestre Olsvikveg 13, 6019 Ålesund

Kart
Søknadsfrist: 6 dager igjen
Legg til som favoritt
Følg firma

5 617 følger dette firmaet

Hold deg oppdatert på nye og relevante jobbannonser fra dette firmaet. Logg inn for å kunne følge dem.

Ikke nåLogg inn
Bedriftens profilbilde
Statens vegvesen logo

Statens vegvesen

Bli med og vis vei
  • Flere stillinger
  • Les om arbeidsplassen
  • Jobb i Statens vegvesen
  • Følg oss på LinkedIn
Les mer om oss

Annonseinformasjon

  • FINN-kode: 480628243
  • Sist endret: 9.11.2026, 20:39
  • Org.nr.: 971032081Se på Brønnøysundregistrene(åpnes i ny fane)
Rapporter annonse