FINNJobbSøkRogalandHaugesund
Helse Fonna HF logo
Helse Fonna HF
Legg til som favoritt
Del annonse
Del på e-postDel på FacebookDel på X
Kopier lenke

Overlege i psykiatri

Fast stilling ∙ Heltid ∙ Haugesund
  • Søknadsfrist 01.12.2026
  • Arbeidsspråk Norsk
  • Sektor Offentlig

Kortversjonen

Om denne oppsummeringen

Utredning, diagnostisering og behandling av pasienter med psykoselidelser, samt tverrfaglig klinisk arbeid, veiledning og internundervisning.

Kvalifikasjoner

  • Norsk autorisasjon som lege
  • Godkjent spesialisering i psykiatri
  • Gode norskkunnskaper, både muntlig og skriftlig

Hva vi tilbyr

  • Lønn i samsvar med gjeldende overenskomst
  • Medlemskap i pensjonsordning med 2% pensjonstrekk
  • Yrkesskade-, gruppeliv- og tjenestereiseforsikring
  • Mulighet for deltakelse i prosjekt og kvalitetsutvikling
Er du en god match for denne stillingen?Sjekk din JobbMatch
Vis mindre
Vis hele kortversjonen

Overlege i psykiatri

Overlege i psykiatri – Psykosepoliklinikken ved Haugaland DPS

Psykosepoliklinikken ved Haugaland DPS (HDPS) søkjer etter ein engasjert overlege i psykiatri som ønskjer å bli ein del av eit spennande fagmiljø i utvikling.

Her blir du ein viktig del av eit tverrfagleg miljø med høg fagleg kompetanse, tett samarbeid og gode moglegheiter for fagleg utvikling. Vi ønskjer oss ein kollega som er oppteken av god pasientbehandling, og som vil bidra til å vidareutvikle behandlingstilbodet vårt.

Psykosepoliklinikken følgjer pasientar gjennom heile sjukdomsforløpet, frå tidleg oppdaging og utgreiing av psykose til behandling og langvarig oppfølging av pasientar med alvorlege og samansette psykoselidingar. Vi har òg ansvar for oppfølging av pasientar underlagt tvunge psykisk helsevern utan døgnopphald (TUD) i opptaksområdet vårt.

Som overlege vil du få ei sentral rolle i både utgreiing og behandling. Du vil delta i det etablerte utgreiingsteamet vårt, som i hovudsak består av legar og psykologar. Teamet arbeider med brei differensialdiagnostikk og samansette kliniske problemstillingar, med vekt på ein tydeleg samanheng mellom utgreiing, diagnose og behandlingsplanlegging.

Stillinga gir høve til å kombinere avansert differensialdiagnostisk arbeid med sjølvstendig klinisk behandling og oppfølging av pasientar over tid. Vi legg stor vekt på fagleg samarbeid, og det vil bli gitt rettleiing og lagt til rette for regelmessige faglege drøftingar og kollegial støtte.

Behandlingstilbodet ved poliklinikken omfattar medikamentell behandling, psykoterapi, familiearbeid, IMR-grupper (Illness Management and Recovery), musikkterapi og livsmeistringsgrupper. Vi samarbeider òg med NAV om individuell jobbstøtte (IPS) som ein integrert del av behandlinga.

Haugaland DPS har to sengepostar, der behandlarar frå Psykosepoliklinikken følgjer eigne pasientar også under døgnopphald ved den eine posten. Dette gir gode føresetnader for kontinuitet og heilskaplege behandlingsforløp. Stillinga vil innebere arbeid både i poliklinikk og på sengepost.

Ved Haugaland DPS har vi eit etablert ACT-team i samarbeid med Haugesund kommune og eit FACT-team som følgjer opp pasientar i seks andre kommunar. Poliklinikken driv òg eit omfattande kvalitetsforbetringsarbeid for å vidareutvikla utgreiing og behandling i tråd med nasjonale faglege føringar og oppdatert kunnskap. Som overlege vil du få høve til å bidra aktivt i dette arbeidet.

Fagmiljøet ved Haugaland DPS består av overlegar i psykiatri, psykologspesialistar, legar og psykologar under spesialisering og andre erfarne faggrupper. Verksemda er lokalisert i Haugesund og Kopervik, og det må påreknast arbeid ved begge lokasjonane.

Hos oss får du ein variert og fagleg utfordrande arbeidskvardag, med gode kollegaer, fagleg støtte og moglegheit til å påverke utviklinga av eit framtidsretta behandlingstilbod for pasientar med psykoselidingar.


Kva går jobben ut på?

  • Utgreiing, diagnostisering og behandling av pasientar.
  • Tverrfagleg klinisk arbeid i team.
  • Rettleiing og internundervisning.
  • Moglegheit for deltaking i felles bakvaktsordning med Haugesund sjukehus.
  • Deltaking i samhandling med pårørande, kommunehelsetenesta og andre samarbeidspartar.

Kva kompetanse er viktig i denne rolla?

  • Norsk autorisasjon.
  • Godkjent spesialisering i psykiatri.
  • Gode norskkunnskapar, både munnleg og skriftleg.

Kva ser vi etter hos deg?

Vi ser etter deg som:

  • er oppteken av å gi pasientane god behandling og oppfølging
  • arbeider systematisk og har god evne til å prioritere
  • har god evne til å kommunisere med pasientar, pårørande og kollegaer
  • har gode samarbeidsevner og bidrar til eit godt arbeidsmiljø
  • trivst med varierte arbeidsoppgåver og ein aktiv arbeidskvardag

Vi legg vekt på personlege eigenskapar.

Kvifor skal du velje oss?

  • Løn i samsvar med gjeldande overeinskomst.
  • Medlemskap i pensjonsordning, 2% pensjonstrekk, yrkesskadeforsikring, gruppelivsforsikring og tenestereiseforsikring.
  • Ein arbeidsplass som er i inkluderande arbeidsliv-bedrift (IA-bedrift).
  • Moglegheit for deltaking i prosjekt og kvalitetsutvikling.
  • Sterkt fagleg fellesskap med godt arbeidsmiljø.
  • For å kunne vurdere fortrinnsrett til stilling, må søkjer gi til kjenne dette i søknaden.

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Ferdigheter AI-generert

  • Generell Godkjenning av Utenlandske Utdanning
  • Norsk
  • Psykiatri

Om arbeidsgiveren

Helse Fonna har rundt 4200 medarbeidarar som jobbar for å gi best mogleg behandling og pleie til pasientane. Vår oppgåve er å gi spesialiserte helsetenester til dei over 180 000 innbyggarane i Sunnhordland, Indre Hardanger og Nord-Rogaland.

Helse Fonna ønsker så langt som råd å avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta. 

For å bli betre kjend med oss, kan du sjå her www.helse-fonna.no.

 

  • Sted: Floravegen 75, 5535 Haugesund
  • Bransje: Helse og omsorg
  • Stillingsfunksjon: Overlege, Psykiater

Spørsmål om stillingen

LS

Louise Sandve

Funksjonsleiar

99 01 22 30Kopier telefonnummer 99 01 22 30

Firmaets beliggenhet

Floravegen 75, 5535 Haugesund

Kart
Søknadsfrist: 12 dager igjen
Legg til som favoritt
Følg firma

302 følger dette firmaet

Hold deg oppdatert på nye og relevante jobbannonser fra dette firmaet. Logg inn for å kunne følge dem.

Ikke nåLogg inn

Nyttige lenker

Se flere stillingerBli kjent med Helse Fonna HF

Annonseinformasjon

  • FINN-kode: 480119337
  • Sist endret: 2.11.2026, 14:54
  • Org.nr.: 983974694Se på Brønnøysundregistrene(åpnes i ny fane)
Rapporter annonse