Funksjonsleiar - intensiveininga

Vi søkjer ein funksjonsleiar som vil ta ansvar for både medarbeidarar, fagleg utvikling og dagleg drift ved intensiveininga vår.

Her får du ei sentral leiarrolle i ei eining som behandlar akutt kritisk sjuke pasientar og overvaker pasientar etter operasjon. Du blir ein del av leiarteamet i seksjon anestesi/intensiv, som omfattar anestesieining, intensiveining, anestesilegar og palliativt team.

Hos oss får du samarbeide med engasjerte og fagleg dyktige medarbeidarar, samtidig som du får høve til å påverke utviklinga av både fagmiljøet og pasientbehandlinga.

Er du klar for nye utfordringar og ønskjer å vere med på å utvikle intensiveininga vår? Søk hos oss!

Kva går jobben ut på?

Som funksjonsleiar har du fag-, personal- og økonomiansvar for intensiveininga. Du rapporterer til avdelingsleiar og inngår i leiarteamet i seksjonen.

Dei viktigaste oppgåvene dine blir å:

• leie og sikre den daglege drifta av eininga

• ha ansvar for bemanning, ressursbruk og økonomi

• bidra til eit godt arbeidsmiljø og gode samarbeidsrelasjonar

• følge opp, rekruttere og vidareutvikle medarbeidarar

• sikre sjukepleiefagleg forsvarleg pasientbehandling og bidra til kvalitetsutvikling

• legge til rette for god kommunikasjon og informasjonsflyt

Kva kompetanse er viktig i denne rolla?

• Intensivsjukepleiar/spesialsjukepleiar med interesse for personalleiing

• Kunne nytte IT-verktøy som arbeidsredskap

• Gode norskkunnskapar, både munnleg og skriftleg

• Leiarutdanning og erfaring frå personalleiing er ein fordel

• Erfaring med turnusarbeid er ein fordel

Kva ser vi etter hos deg?

Vi ser etter ein leiar som er tydeleg, samarbeider godt med andre og har evne til å skape struktur i ein travel arbeidskvardag.

Vi ønsker at du:

• arbeider målretta og strukturert

• har god oversikt og evne til å prioritere oppgåver og ressursar

• kommuniserer tydeleg og samarbeider godt med ulike faggrupper

• har forståing for økonomi og god ressursstyring

• handterer ein travel arbeidskvardag og tek avgjerder når det trengst

Vi legg vekt på personlege eigenskapar.

Kvifor skal du velje oss?

Hos oss får du:

• eit arbeidsmiljø med høg fagleg kompetanse og engasjerte medarbeidarar

• god opplæring og høve til personleg og fagleg utvikling

• ei leiarstilling med fagleg ansvar og høve til å påverke utviklinga av intensiveininga

• stor grad av sjølvstende i arbeidet

• spennande og utfordrande leiaroppgåver

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.