Traineevernepleiar. 100% faste stillingar for nyutdanna vernepleiarar

Start karriera di på Haukeland universitetssjukehus – bli trainee!

Haukeland universitetssjukehus har gleda av å lyse ut nye stillingar til traineeprogrammet for vernepleiarar med oppstart 14. juni 2027.

Fast stilling - to år med nye moglegheiter.

Er du nyleg utdanna vernepleiar og nysgjerrig på kor vernepleiarfaget kan ta deg? Hos oss får du moglegheita til å utforske ulike fagområde, møte ulike pasientgrupper og finne ut kva du verkeleg brenn for.

Som traineevernepleiar ved Haukeland universitetssjukehus får du ein unik moglegheit til å bygge brei kompetanse og utvikle deg fagleg – samtidig som du har tryggleiken i ein 100% fast stilling.

Tenk deg moglegheita!

• Kva om du kunne prøve deg på fleire fagområde før du bestemmer deg for kva for retning du vil gå?
• Gjennom traineeprogrammet får du moglegheit til å jobbe ved ulike postar og avdelingar i Helse Bergen. Du kan utforske fagområde innan psykisk helsevern og rusmedisin

Du treng ikkje å ha bestemt deg for framtida. Du får moglegheita til å utforske den.

Traineeprogrammet går over to år. Du får 3 periodar på 8 månader på ulike einingar, noko som vil gi deg verdifull erfaring.

Hos oss får du:

• 100% fast stilling
• Bli kjend med ulike fagområde og pasientgrupper
• Få erfaring som kan opne dører vidare i karrieren
• Delta på fagdagar, med grupperettleiing

Traineeprogrammet er for deg som ønsker ein spennande start på yrkeslivet, som er open for å lære og som vil utforske breidda i vernepleiarfaget. Du blir ein del av eit stort fagmiljø med mange moglegheiter for vidare utvikling. Saman finn vi ut korleis du kan bruke interessane dine, erfaringane dine og kompetansen din vidare.

Er du klar for å utforske moglegheitane?

Ein må kunne jobbe samanhengande minst 6 veker i perioden vekene 24-32.

I søknaden må du legge ved karakterutskrift frå vernepleiarutdanninga og 2 referansar frå nokon som har vurdert deg i praksis eller løna arbeid. Den som får tilbod om tilsetting må legge fram tilfredstillande politiattest (vandel), jfr Lov om helsepersonell § 20a (gjeld arbeid med barn og utviklingshemma).

Ønsker du å vite meir om Traineeordninga? Har du spørsmål eller lurer på noko? Ta kontakt med Karina Vorland Løvstad.

Arbeidsoppgåver

• Du vil inngå i den daglege drifta på avdelinga der du er i traineeperioden

Kvalifikasjonar

• Du er ferdig utdanna som vernepleiar i løpet av vinteren 2026 eller våren 2027. Du har eller vil få norsk autorisasjon etter endt utdanning
• Du er fagleg sterk
• Arbeidserfaring som til dømes sommarjobb eller helgestilling i helsesektoren er ein fordel men ikkje eit krav
• Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må kunne dokumentere ferdigheiter i norsk på minimum B2/NOR-U3- nivå eller høgare. Dokumentasjon må leggast ved søknad

Personlege eigenskapar

Vi legg vekt på at du er eigna for denne type jobb og har personlege eigenskapar som;

• vilje og evne til å tilpasse deg skiftande krav og omstende
• lærevillig og fagleg nysgjerrig
• strukturert og tar ansvar for at oppgåver blir gjort
• kommuniserer klart og tydeleg og kan tilpasse og formidle informasjon på ein forståeleg måte
• sjølvstendig - samstundes kan du samarbeide godt med andre
• møter pasientar og pårørande profesjonelt, empatisk og med respekt

Vi tilbyr

• Ein spennande og utfordrande jobb
• Eit fagleg og sosialt fellesskap med dei andre i traineegruppa
• MAP-kurs
• Fellesopplæring ved oppstart
• Fagdagar i traineeperioden
• Rettleiing i grupper
• Kick-start på karriera di som vernepleiar

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.