Statistikar innan arbeidsmarknad

Seksjon for arbeidsmarkeds- og lønnsstatistikk søkjer ein dyktig og engasjert medarbeidar til å laga, formidla og vidareutvikla statistikk. Nyutdanna er velkomne til å søkje. Du vil arbeide med statistikk som blir brukt av styresmakter, forskarar, media og partane i arbeidslivet for å forstå utviklinga på arbeidsmarknaden i Noreg. Du skal jobba med statistikkproduksjon, samt leveransar av tabell- oganalysar. Me ønskjer oss deg som har kjennskap og interesse for statistikk, arbeidsmarknadenog relevante databehandlarverktøy. Du er ein medarbeidar som er villig til å dela kompetanse med andre,har gode samarbeidsevner og er interessert i korleis ein kan forbetra og utvikla statistikkar.

Dette skal du arbeide med

• Utvikla, modernisera og drifta statistikkar innanfor arbeidsmarknaden.
• Bidra til å utvikla statistikkproduksjonen ved å bruka ulike IT-verktøy.
• Løpande leveransar av tabell- og analysar.
• Kontakt med brukarane av statistikkane.

Vi søkjer deg som har:

• utdanning på masternivå, helst med samfunnsvitskapleg bakgrunn eller innan statistikk. Relevant arbeidserfaring kan kompensera for utdanningskravet.
• kjennskap til fagområde arbeid og lønn
• kjennskap til programmering, til dømes i bruk av Python og/eller R
• god talforståing og evna til å setja tal inn i ein større samanheng
• god munnleg og skriftleg formidlingsevne på norsk

Det er ønskeleg med:

• kjennskap til statistikkproduksjon og analyse
• kompetanse på statistiske metodar

Kven er du?

• Du liker å setja deg inn i problemstillingar og store mengder informasjon.
• Du har gode evner til samarbeid og bidrar positivt i team.
• Du tek initiativ og bidreg til framdrift.
• Du er strukturert og nøyaktig med god evne til gjennomføring.
• Du har gode analytiske evner.

Vi tilbyr

• Løn som fyrstekonsulent (1408) i lønsspenn frå kr. 615 000 til 650 000 etter kvalifikasjonar. For særleg godt kvalifiserte søkjarar kan høgare løn vurderast.
• Gode moglegheiter for faglig utvikling, samarbeid og nettverksbygging. Me har nytilsettprogram, årleg hackathon og arrangement for fagleg deling på tvers.
• Aktive velferds- og idrettsforeiningar, med idrettsaktivitetar som fotball, innebandy og løping.
• Fleksibel arbeidstid og god pensjonsordning i Statens pensjonskasse.
• Treningstilbod med moglegheit for éin time trening i arbeidstida per veke og tilgang til treningsrom i kontorlokala.

Verdt å merke seg før du søkjer:

• Attestar/vitnemål/karakterutskrift skal registrerast/verte lagde ved i søknadsportalen innan søknadsfristen. Me ber søkjarar som blir kalla inn til intervju om å ta med originalar eller stadfesta kopiar av attestar og vitnemål. Me utfører kontroll av dokument, og me gjennomfører bakgrunnsjekk på kvalifiserte søkjarar for tilsetjing.
• Me gjer merksam på at opplysningar som søkjaren kan bli offentleggjorde sjølv om søkjaren har bede om ikkje å bli ført opp på søkjarlista. Dersom den ønska reservasjonen ikkje vert teken til følgje, vil søkjaren bli varsla om dette før offentleg søkjarliste vert utforma.
• Me meiner at inkludering og mangfald er ein styrke. Me ønskjer difor medarbeidarar med ulike kompetansar, fagkombinasjonar, livserfaring og perspektiv for å bidra til endå betre oppgåveløysing. Me vil leggje til rette for medarbeidarar som har behov for det. Døme på det kan vere tekniske hjelpemiddel, fysisk tilrettelegging eller endring av rutinar, arbeidsoppgåver og arbeidstid.
• Me oppmodar søkjarar til å krysse av dersom dei har funksjonsnedsetjing, hol i CV-en eller innvandrarbakgrunn. Avkyssingane i jobbsøkjarportalen dannar grunnlag for anonymisert statistikk som alle statlege verksemder rapporterer i årsrapportane sine.
• Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, vil minst éin søkjar i kvar av desse gruppene bli kalla inn til intervju. For å bli vurdert som søkjar i desse gruppene, det vil seie, bli positivt særbehandla på denne måten, må søkjarane oppfylle visse krav. Les meir om krava på Arbeidsgjevarportalen