Leiar – Kommunal plan og rettleiing

I avdeling for næring, plan og innovasjon ved seksjon for plan, klima og analyse (PKA) er vi i ferd med å etablere ei ny organisering. Vi lyser difor no ut stilling som leiar for Kommunal plan og rettleiing. Som leiar får du personalansvar for tilsette i gruppa, og du vil vere sentral for fagleg utvikling og kvalitet i arbeidet. Seksjonen har eit breitt ansvarsområde mellom anna for å utarbeide og følge opp regionale planar, intern klimaleiing, analyse, stadutvikling, rettleiie og bistå kommunane i deira planlegging og samordne fylkeskommunen sine fråsegn til kommunale planar. Seksjonen har to einingar.

Oppgåvene til eininga kommunal plan og rettleiing vil mellom anna vere å:

• rettleie og bistå kommunane i deira planlegging
• samordne og koordinere fråsegn til kommunale planar
• rettleie og følgje opp klimaarbeidet og stadutviklinga til kommunane
  

Stillinga er på leiarnivå 4 og rapporterer til seksjonsleiar.

Arbeidsoppgåver

Arbeidsoppgåvene dine vil mellom anna vere:

• personalansvar for tilsette i gruppa, inkludert fagleg oppfølging og utvikling av medarbeidarane
• koordinere det daglege arbeidet innan fagområdet
• rådgje og rettleie medarbeidarar og sikre kvalitet og framdrift i arbeidet
• vere ein drivkraft innanfor fagområdet og ta initiativ til utvikling og nye arbeidsmåtar
• støtte seksjonsleiar i å utvikle fagområda til seksjonen
• bistå seksjonsleiar med å avklare større og tverrfaglege problemstillingar
• bistå i å sikre godt samarbeid på tvers i seksjonen og avdelinga

Kvalifikasjonar

Vi ser etter deg som har:

• høgare utdanning på masternivå innanfor relevante fagområde. Kandidatar med bachelorgrad og relevant erfaring kan vurderast for stillinga.
• god kunnskap om ansvarsområda og oppgåvene som ligg til arbeidsgruppa
• engasjement og evne til å utvikle fagområda vidare
• erfaring med leiing eller koordinering
  

Personlege eigenskapar vil bli vektlagde.

Leiings- og personalkompetanse

I denne stillinga vil du ha personalansvar, og det er difor avgjerande at du har gode leiareienskapar.
Vi ser etter deg som:

• skapar tillit – er tydeleg, lyttande og legg til rette for trygge rammer for medarbeidarane
• er utviklingsorientert – har eit genuint engasjement for å hjelpe medarbeidarar med å vekse og utvikle seg
• kommuniserer godt – gjev konstruktive tilbakemeldingar og involverer medarbeidarane i avgjerder
• er tydeleg i rolla – forstår skilnaden mellom å vere fagperson og å vere leiar, og trivst med begge delar
• følgjer opp – er nær nok til å sjå medarbeidarane, og har mot til å ta vanskelege samtalar når det trengst
• delegerer og set forventningar – er ein støttespelar som legg til rette for at andre kan lukkast

Vi tilbyr

• Ein nyskapande og fagleg sterk arbeidsplass i utvikling
• Ei ny leiarrolle med personalansvar
• Gode høve for fagleg og personleg utvikling
• Konkurransedyktig lønn etter avtale
• Leiarutviklingsprogram