Driftsleiar - Solund

Eide er eit familieeigd selskap og ein av pionerane i havbruksnæringa. Vi har ein visjon om å setje standarden for framtidas havbruk. Visjonen vår handlar om å vere eit førebilete, slik at vi kan produsera mat i sjøen på ein berekraftig måte. Vi produserer årleg om lag 20 000 tonn høgkvalitets laks og aure, og verksemda dekkjer heile verdikjeda frå rogn til sluttkunde– frå settefisk og matfiskproduksjon til slakteri, vidareforedling, teknologiutvikling og produktdesign.

Vi styrkjer laget vårt i Solund, og søkjer difor ein engasjert driftsleiar til å bli med på laget.

Om stillinga

Som driftsleiar vil du vere ein sentral del av den daglege drifta på våre lokalitetar. Du får ein variert arbeidskvardag med både ansvar og moglegheit for utvikling.

Vi søkjer ein strukturert og handlekraftig driftsleiar som vil få ei sentral rolle i å sikre stabil, trygg og lønnsam drift på våre sjølokalitetar. Som driftsleiar får du ansvar for operasjonar, teknisk drift, bemanning og vedlikehald frå utsett til slakt – og blir ein viktig del av laget som skal sikre god fiskevelferd, høg teknisk standard og effektiv produksjon.

Eksempel på arbeidsoppgåver:

• Planlegging, koordinering og gjennomføring av operasjonar
• Sikre effektiv gjennomføring og stabil produksjon
• Ansvar for budsjett og økonomi
• Koordinere bruk av båtar og operative ressursar i samarbeid med operasjonsplanleggar
• Følgje opp vedlikehaldsplanar, rutinar og sjekklister
• Sørgje for at anlegga held forventa standard
• Leggje til rette for effektiv ressursbruk og god samhandling
• Personalansvar for driftsoperatørar
• Sikre høg standard og etterleving av selskapets retningslinjer

Kven er du?

For oss er motivasjon, haldningar og verdiar viktig. Vi ønskjer å ha deg med på laget som er samarbeidsvillig, bevisst i eigne handlingar og som tek ansvar både for menneska rundt deg og arbeidet du utfører. Du trivst med å jobbe i team, deler kunnskap, er nysgjerrig, lærevillig og bidreg positivt til kulturen.

Verdiane våre er kompasset i alt vi gjer:

Uredd. Vi tør å satse på visjonar og på folk.

Nytenkjande. Vi utfordrar etablerte sanningar og gjer ting på nye måtar.

Bevisst. Vi tek ansvar for fisk, folk, fjord og framtid.

Fisk. Folk. Fjord. Framtid. — det er kompasset vårt.

Vi ser etter deg som:

• Har erfaring frå operativ drift innan havbruk eller maritim verksemd
• Har teknisk forståing og erfaring med drift og vedlikehald
• Er strukturert, løysingsorientert og trygg i leiarrolla
• Har gode samarbeidsevner
• Er opptatt av HMS, fiskevelferd og kvalitet
• Har evne til å planleggje, prioritere og gjennomføre i ein hektisk kvardag

Me tilbyr:

I Eide tør me å satse - både på visjonar og på folk. Me bryr oss om kvarandre, fisken vår og miljøet me driv i. Som driftsleiar hos oss blir du ein viktig lagspelar i eit inkluderande og godt arbeidsmiljø.

Hos oss får du:

• Jobb i ei framtidsretta og spennande næring
• Varierte og meiningsfulle arbeidsoppgåver
• Et arbeidsmiljø der både tryggleik og arbeidsglede står sterkt
• Moglegheiter for fagleg og personleg utvikling
• Konkurransedyktige vilkår

Søknadsinformasjon

Me ynskjer deg velkomen til å sende inn søknad, cv, og relevante dokument. Har du spørsmål knytt til stillinga, ta kontakt med: Britt Kari Legård britt.kari.legard@efb.no / 97 52 10 71

For meir informasjon om selskapet, sjå våre nettsider og sosiale medium www.efb.no.

Søk i dag og bli ein viktig del av vår spanande reise for å sette standarden for framtidas havbruk.