Vil du byggje digitale løysingar som faktisk betyr noko i kvardagen?

Bremnes Seashore ser etter ein senior plattform- og løysingsutviklar som vil vere med og utvikle digitale løysingar som gir konkret verdi i kvardagen. Hos oss skjer digitalisering tett på folk, produksjon, logistikk og leiing - og målet er å byggje løysingar som gjer arbeidsdagen enklare, datagrunnlaget betre og verksemda meir effektiv.

I denne rolla blir du ein del av digitaliseringsteamet på Bømlo, der du får jobbe tett på både teknologi, data og forretning. Du vil utvikle og vidareutvikle løysingar i Microsoft Power Platform, byggje Power Apps for interne arbeidsprosessar, automatisere arbeidsflytar med Power Automate og utforske moglegheiter innan AI og Copilot Studio. I tillegg får du bidra inn mot selskapet si Databricks-baserte dataplattform, med arbeid knytt til datakvalitet, datamodellering, datapipelines og integrasjonar mellom ulike system og datakjelder.

Vi ser etter deg som har solid teknologisk erfaring og som likar å forstå behova bak løysingane du byggjer. Kanskje har du erfaring med Power Apps, Power Automate, Dataverse, API-ar, skybaserte dataplattformer, Databricks, Power BI eller Python. Det viktigaste er at du trivst med å jobbe tett på brukarar og fagmiljø, tek ansvar for eigne leveransar og ønskjer å bruke kompetansen din til å skape løysingar som fungerer i praksis.

Hos Bremnes Seashore får du ei sentral rolle i eit lite og handlekraftig team, med stor fridom, korte vegar og gode moglegheiter til å påverke vidare digital utvikling i ei spennande havbruksverksemd.

Arbeidsstad er ved hovudkontoret på Bømlo.

Er du klar for å ta steget vidare i karrieren? Då vil vi gjerne høyre frå deg!

Ta gjerne kontakt med vår rekrutteringspartner i HYR, Jan Erik Røstbø på telefon 90074013 eller e-post jan.erik.rostbo@hyr.no for ei hyggeleg prat om stillinga.

Søknadsfrist: 29.09.2026