Rådgjevar – samfunnssikkerheit og beredskap

Vil du vera med og styrkja arbeidet med samfunnstryggleik og beredskap i kommunar i Region Nordhordland?

Kommunane har eit lovpålagt ansvar for samfunnstryggleik og beredskap, mellom anna etter sivilbeskyttelseslova, forskrift om kommunal beredskapsplikt og regelverket for helseberedskap.

Dette omfattar mellom anna heilskapleg risiko- og sårbarheitsanalyse (ROS), overordna krise- og beredskapsplan, oppfølging av samfunnstryggleik og beredskap, øvingar, evaluering og samordning av relevant planverk.

Region Nordhordland IKS søkjer no ein felles ressurs som skal bidra til å styrkja og samordna beredskapsarbeidet på tvers av kommunane i regionen.

Region Nordhordland IKS er eigd av kommunane Alver, Austrheim, Fedje, Gulen, Masfjorden, Modalen, Osterøy og Vaksdal, og er kommunane sitt samarbeidsorgan for felles innsats på viktige fagområde.

Selskapet arbeider mellom anna med helse, oppvekst, digitalisering og innovasjon, digital sikkerheit og nærings- og samfunnsutvikling, og har sekretariatsfunksjon for fleire politiske og administrative samarbeidsfora.

Innanfor fagområdet digitalisering/innovasjon og digital sikkerheit jobbar selskapet også for andre kommunar.

Kommunane ønskjer å styrkja arbeidet med samfunnstryggleik og beredskap i møte med eit meir samansett risiko- og trusselbilete.

Den sikkerheitspolitiske situasjonen, klimaendringar, ekstremvêr, digitale hendingar, svikt i kritisk infrastruktur, helsekriser og andre uventa hendingar stiller større krav til kommunane si evne til å førebyggja, handtera og læra av hendingar.

Kommunane har mykje godt beredskapsarbeid på plass, men ser behov for å styrkja kapasitet, samordning og kontinuitet.

Mange av utfordringane og oppgåvene er felles, og kan løysast meir effektivt gjennom interkommunalt samarbeid.

Me søkjer derfor ein engasjert, strukturert og utviklingsorientert medarbeidar som skal arbeida på tvers av kommunane med samfunnstryggleik og beredskap.

Som felles fagressurs vil du mellom anna støtta kommunane i arbeidet med:

• kommunal beredskapsplikt

• heilskaplege risiko- og sårbarheitsanalysar

• beredskapsplanverk og helseberedskap

• øvingar, evalueringar og oppfølging

• samordning og utvikling av beredskapsarbeidet på tvers av kommunane

Du vil arbeida tett med kommunedirektørar, beredskapskontaktar, kommuneoverlegar, helse- og omsorgstenester, tekniske tenester, kommunikasjon, IKT, brann og redning og andre relevante fagmiljø.

Stillinga vil også bidra til samarbeid med Statsforvaltaren, nødetatane, frivillige organisasjonar og andre eksterne aktørar.

Stillinga skal styrkja kommunane sitt arbeid og bidra til eit meir heilskapleg, systematisk og samordna beredskapsarbeid.

Den enkelte kommunen har framleis ansvaret som følgjer av lov og forskrift.

Du vil òg samarbeida tett med fagområdet digital sikkerheit i Region Nordhordland, som støttar kommunane med internkontroll innan informasjonstryggleik og personvern.

Arbeidsoppgåver

• Vera ein ressurs for kommunane og styrkja arbeidet med samfunnstryggleik og beredskap gjennom rådgjeving, samarbeid og erfaringsdeling.

• Koordinera og støtta arbeidet med heilskaplege og detaljerte risiko- og sårbarheitsanalysar (ROS).

• Bidra til oppdaterte, samordna og operative krise- og beredskapsplanar, inkludert helseberedskap, smittevern, psykososial og teknisk beredskap.

• Bidra til opplæring, kompetanseheving og øving for kriseleiing, beredskapskontaktar og andre relevante funksjonar.

• Støtta kommunane i oppfølging av tilsyn og krav etter sivilbeskyttelseslova, kommunal beredskapsplikt og regelverk for helseberedskap.

• Støtta kommunane og bidra til regional samordning ved større hendingar, kriser og beredskapssituasjonar.

• Halda oversikt over relevante risikoar, utviklingstrekk, føringar og krav innan samfunnstryggleik og beredskap.

• Vera ein pådrivar for læring og kontinuerleg forbetring, mellom anna gjennom felles metodikk, malar, rutinar og årshjul, planlegging og gjennomføring av øvingar og beredskapsråd, samt oppfølging av evalueringar og forbetringstiltak.

• Andre oppgåver kan bli lagt til stillinga

Kvalifikasjonar

• Høgare utdanning på bachelor- eller mastergrad, særs relevant erfaring kan kompensera noko for manglande utdanningsnivå

• Erfaring frå arbeid med beredskapsarbeid vil bli vektlagt herunder risiko- og sårbarheitsanalysar, krise- og beredskapsplanar, krisehandtering, øvingar og totalforsvarsarbeid

• Erfaring frå strategisk, tverrsektorielt arbeid i offentleg sektor, gjerne frå kommune

• Kunnskap om / erfaring frå offentleg forvalting, gjerne frå kommunal sektor, og/eller arbeid med samfunnstryggleik og beredskap eller samfunnsplanlegging

• Erfaring med prosjekt, prosessleiing, samordning og tverrfagleg utviklingsarbeid

• God skriftleg og munnleg framstillingsevne på norsk

Personlege eigenskapar

• Du er initiativrik, engasjert og utviklingsorientert, med god gjennomføringsevne og stor arbeidskapasitet

• Du arbeider strukturert og målretta, og skaper framdrift også i komplekse prosessar

• Du kommuniserer tydeleg og godt, og byggjer gode relasjonar og samarbeid

• Du er kvalitetsmedviten, har god prioriteringsevne og held fokus i ein hektisk kvardag

• Du er fleksibel, løysingsorientert og trivst i eit miljø prega av utvikling og endring

• Du arbeider godt både sjølvstendig og saman med andre

• Du er positiv og bidreg aktivt til eit godt arbeidsmiljø

Me tilbyr

• Ein spennande og viktig stilling som skal vera med å løfta arbeidet med samfunnstryggleik og beredskap for mange kommunar

• Spennande og varierte arbeidsoppgåver med gode moglegheiter til fagleg og personleg utvikling

• Eit inkluderande arbeidsmiljø med kompetente kollegar

• Fleksibel arbeidstid og gode pensjons-, forsikrings- og låneordningar i KLP

• Løn etter avtale

Arbeidsstad og organisering

Du er tilsett i Region Nordhordland IKS, i eit kjekt og operativt arbeidsmiljø.

Kontorstad er Knarvik.

Kandidatar må ha sertifikat og disponera bil.

Praktisk informasjon

Søknad via portalen www.finn.no eller evt. til: post@regionnordhordland.no

Spørsmål om stillinga kan rettast til:

Dagleg leiar Rune Heradstveit mobil 907 53 459 / rune.heradstveit@regionnordhordland.no