Kvalitetsingeniør

Eide er eit familieeigd selskap, og ein av pionerane i havbruksnæringa. Me har ein visjon om å setje standarden for framtidas havbruk. For å nå denne visjonen er me avhengige av dyktige og motiverte kollegaer.

No ønskjer me å styrkje kvalitetsavdelinga med to nye kvalitetsingeniørar som vil vere med på å vidareutvikle kvalitetsarbeidet vårt.

Om stillinga:

Stilling som kvalitetsingeniør er ei nøkkelrolle i arbeidet med å nå konsernets visjon. Rolla skal bidra til høgare effektivitet og kvalitet i konsernet. Stillingane inngår i konsernets kvalitetsfunksjon. Målet med rollane er å sikre at Eide har strukturane, systema og prosessane som trengs for å sikre kvalitet i alle ledd – frå produksjon og produktutvikling til sertifisering og etterleving av gjeldande krav.

Me er eit team som saman støttar alle dei ulike avdelingane i konsernet. Ansvarsområder blir fordelt på enkeltpersoner, og me har derfor ein variert bakgrunn. Me jobbar saman for å samkjøyre korleis me skal løyse oppgaver og utarbeida prosessar – og for å bistå kvarandre ved behov.

I fellesskap skal me:

• Bidra til at konsernet etterlev aktuelle lovar, forskrifter, sertifiseringar og standarder
• Følge opp kvalitetssystemet, inkludert registrering, behandling og oppfølging av avvik
• Bistå med risikoanalysar
• Byggje system og prosessar i kvalitetssystemet Landax
• Bistå med utarbeiding og tilpassing av sjekklister
• Planleggje, gjennomføre og følge opp interne revisjonar, sertifiseringsrevisjonar og eksterne revisjonar
• Bidra til økt kompetanse og forståelse for kvalitetsarbeid i organisasjonen
• Rapportere og dokumentere kvalitetsarbeidet på ein strukturert måte
• Identifisere forbetringsområde og bidra til kontinuerleg forbetring, inkludert Lean-initiativ
• Oppfølging av HMS

Me søkjer no etter to personar der primæransvar vil vera oppfølging av drift for den eine og oppfølging av teknologiprodusenten Watermoon for den andre.

Rollane vil til dels kunne formast til ulike kandidatar, og arbeidsoppgåver vil kunne endrast over tid.

Oppfølging av drift

Drift strekkjer seg gjennom heile verdikjeda – frå 3stk smoltanlegg, 16stk matfisk-lokaliteter og eit slakteri - fordelt over Vestland og Sogn.

Eksempel på arbeidsoppgåver oppfølging av drift:

• Primæroppgåve vil være oppfølging av smoltanlegg og matfisk-lokalitetar
• Sikre drift iht relevante lovar og reglar
• Utarbeida, oppdatere og følge opp prosedyrar, interne kvalitetsstandardar og annan relevant dokumentasjon
• Gjennomføring av risikoanalysar
• Delta på revisjonar
• Oppfølging av tilsyn frå myndigheiter og andre sertifiseringsorgan
• Bistå som støttefunksjon for driftspersonell

Kvalifikasjonar:

• Relevant utdanning innan kvalitetsarbeid, ingeniørfag, produksjon, akvakultur eller tilsvarande. Relevant erfaring kan kompensera for formell utdanning
• Erfaring med kvalitetsarbeid, kvalitetssystem, dokumentasjon, avvikshandtering eller prosessforbetring er ønskeleg
• Erfaring frå akvakultur er ein fordel.
• Kjennskap til relevante standardar, sertifiseringar og lovkrav, gjerne NS 9415:2021 og Nytek23
• Gode digitale ferdigheiter og evne til å arbeida strukturert og systematisk
• Gode samarbeids- og kommunikasjonsevner
• Førerkort klasse B

Arbeidsstad:

Du vil disponera kontorplass både ved hovedkontoret i Eidestøa og i Bergen. Det er forventa at du jobbar minimum 2 dager i veka frå Eidestøa. Det må påreknast noko reise ved besøk av lokaliteter.

Oppfølging av teknologiprodusenten Watermoon

Watermoon er Eide si store satsing på lukka anlegg. Løysinga blir designa og utvikla av oss. Som kvalitetsingeniør vil du ha ansvar for produktsertifisering av Watermoon i tråd med NYTEK23 og NS9415:2021. Arbeidet omfattar mellom anna:

• Kartleggje, evaluere og vidareutvikle prosessar knytt til produktutvikling og produksjon
• Utarbeide, oppdatere og fylgje opp prosedyrar, interne kvalitetsstandardar og annan relevant dokumentasjon
• Bistå med risikovurdering av design og drift
• Sørge for rutinar for dokumentasjon av prosessar og utført arbeid
• Følge opp 3.partsoppfølging av produktet
• Følge opp leverandørar frå eit kvalitetsperspektiv
• Gjennomføre revisjonar
• Følge opp produksjon og sjøsetting av Watermoon
• Utarbeiding og vedlikehald av brukermanual
• Bistå som støttefunksjon til Watermoon-teamet

Kvalifikasjonar:

• Relevant utdanning innan kvalitetsarbeid, ingeniørfag, produksjon, akvakultur eller tilsvarande. Relevant erfaring kan kompensera for formell utdanning.
• Erfaring med kvalitetsarbeid, kvalitetssystem, dokumentasjon, avvikshandtering eller prosessforbetring er ønskeleg
• Erfaring frå produksjonsbedrift, industri, akvakultur eller teknisk drift er en fordel
• Kjennskap til relevante standardar, sertifiseringar og lovkrav, gjerne Nytek 23, NS 9415:2021 og ISO 9001
• Gode digitale ferdigheiter og evne til å arbeide strukturert og systematisk
• Gode samarbeids- og kommunikasjonsevner
• Førerkort klasse B

Arbeidsstad:

Du vil disponera kontorplass både ved hovedkontoret i Eidestøa og i Bergen. Det er forventa at du jobbar minimum 2 dager i veka frå Eidestøa. Det må påreknast noko reise ved oppfølging av leverandørar og produksjon av Watermoon. Dette kan vera i både inn- og utland.

Til begge rollane ser me etter deg som er strukturert, tar ansvar, viser initiativ og har god gjennomføringsevne. Du jobbar godt både sjølvstendig og i team. Du kommuniserar tydeleg og bidrar til eit positivt arbeidsmiljø.

Vi tilbyr:

I Eide tør me å satse - både på visjoner og på folk. Me bryr oss om kvarandre, fisken vår og miljøet me driv i. Som kvalitetsingeniør hos oss blir du ein viktig lagspelar i eit inkluderande og godt arbeidsmiljø.

Hos oss får du:

• Jobb i ei framtidsretta og spennande næring
• Varierte og meiningsfulle arbeidsoppgåver
• Muligheiter for faglig og personlig utvikling
• Konkurransedyktige vilkår

Søknadsinformasjon

Me ynskjer deg velkomen til å sende inn søknad, cv, og relevante dokument. Har du spørsmål knytt til stillinga, ta kontakt med: Kristine Rosvoll +47 468 23 223 / kristine.rosvoll@efb.no

For meir informasjon om selskapet, sjå våre nettsider og sosiale medium www.efb.no.

Søk i dag og bli ein viktig del av vår spanande reise for å sette standarden for framtidas havbruk.