Ønskjer du å utvikle og leie rekneskapsarbeidet i Direktoratet for høgare utdanning og kompetanse?

Som fagdirektør for økonomi og rekneskap har du ansvar for å leie, utvikle og kvalitetssikre rekneskapsarbeidet i HK-dir. Du får eit særleg ansvar for å bidra til at rekneskapen vår blir eit nyttig verktøy i styringa av verksemda, og at rekneskapsprosessane våre blir endå meir effektive. Fagdirektøren har eit særleg ansvar for å rettleie økonomar i rekneskapsarbeidet deira, og òg i anna økonomisk arbeid i samarbeid med avdelingsdirektør, som du vil rapportere til.

Fagdirektøren vil høyre til avdeling for verksemds- og økonomistyring i divisjon for styring og organisasjon. Avdelinga har om lag 20 tilsette og har eit heilskapleg ansvar for å leggje til rette for styring og kontroll i direktoratet. Mellom anna ligg arbeidet med budsjett i avdelinga, i tillegg til rekneskap.

Avdelinga har kontorstad i Bergen og Oslo, og stillinga er lyst ut i begge byane.

Faste eller periodiske oppgåver

I tillegg til det generelle ansvaret for å leie, utvikle og kvalitetssikre rekneskapsarbeidet vil du ha ansvar for fleire faste og periodiske oppgåver:

• Sikre oppfølging og kontroll av rekneskap (SRS og kontant), inkludert månadleg, tertialvis og årleg rapportering
• Oppfølging av rekneskap knytt til prosjekt og koststader, medrekna godkjenning av bilag, utbetalingar og avstemmingar
• Forvaltning av tilgangsstyring i økonomisystem og godkjenning av økonomiske vedtaksbrev
• Innmelding og oppfølging av prosjekt og aktivitetar til DFØ

Stillinga kan få lagt til andre oppgåver innanfor ansvarsområdet til avdelinga.

Kvalifikasjonar

Du må ha:

• Master i rekneskap og revisjon eller i økonomi og administrasjon. Lang og relevant arbeidserfaring i kombinasjon med bachelorgrad i rekneskap og revisjon eller i økonomi og administrasjon kan kompensere for kravet om master.
• Minimum 3 års erfaring med fagleg leiing av rekneskapsarbeid, medrekna ansvar for fagleg kvalitet og for rettleiing og støtte til rekneskapsmedarbeidarar. Du treng ikkje ha erfaring med personalansvar.
• God forståing for rekneskapsprinsipp og -standardar, medrekna evne til å bruke desse i verksemder med ulike styringsmodellar
• God munnleg og skriftleg framstillingsevne på norsk 
   

Det er i tillegg ein fordel med:

• Relevant erfaring frå ei større og gjerne ei statleg verksemd

Personlege eigenskapar

Sidan stillinga inneber ansvar for å leie og utvikle, og rettleie andre, ser vi særleg etter deg som er:

• Utviklingsorientert
• Pedagogisk
• Strategisk
• Har gode samarbeids- og relasjonelle evner

Hos oss får du

• Uformelt og godt fag- og arbeidsmiljø
• Moglegheit for fagleg utvikling og kompetanseheving
• Fleksibel arbeidstidsordning og moglegheit for arbeid heimanfrå delar av arbeidstida
• Moglegheit for trening i arbeidstida med inntil to timar per veke
• Moglegheit for mobiltelefonordning
• Statens pensjonskasse, med gode pensjons- og lånevilkår
   

Lønsvilkår

• Lønsplassering etter kompetanse
  • Stillingstittel som fagdirektør med ei årslønn mellom kr. 850 000 og 1 000 000
  • For særskild godt kvalifiserte søkjarar kan høgare løn vurderast
• Medlemskap i Statens pensjonskasse, med trekk på to prosent til lovfesta pensjonsinnskot 

Inkluderande arbeidsliv og mangfald

I HK-dir trur vi at mangfald gir oss breiare perspektiv, og at medarbeidarar med ulik livserfaring og fagkombinasjonar vil gjere oss i stand til å finne enda fleire gode løysningar på våre oppdrag. Vi oppmodar derfor alle til å søke jobb utan omsyn til alder, kjønn, funksjonsevne eller etnisk bakgrunn. Du er også velkomen til å søke sjølv om du ikkje kan vise til ei samanhengande yrkeskarriere. Vi legg forholda til rette for personar med nedsett funksjonsevne.

Dersom du har funksjonsnedsetting, innvandrarbakgrunn eller hol i CV-en kan du verte positivt særbehandla dersom du kryssar av for dette når du søker stillinga. Vi inviterer minst éin kvalifisert søkar i kvar av desse gruppene til intervju. For å verte positivt særbehandla på denne måten, må du oppfylle visse krav. Les meir om dette på arbeidsgjevarportalen (https://arbeidsgiver.dfo.no/strategisk-hr/inkluderingsarbeid/bli-bedre-pa-rekruttering/hvordan-skrive-stillingsannonser-som-inkluderer/positiv-saerbehandling-nar-man-soker-jobb-i-staten). Avkryssing i Jobbnorge gir grunnlag for anonymisert statistikk, som alle statlege verksemder rapporterer i sine årsrapportar. 

Offentleg søkjarliste

Vi gjer merksam på at opplysningar om søkjaren kan verte offentleggjort sjølv om søkjaren sjølv ber om ikkje å verte ført opp på søkjarliste, jf. Offentleglova § 25. Søkjaren vert i så tilfelle informert om dette på førehand. 

Søknad og CV

For å ha eit godt vurderingsgrunnlag ber vi deg om å registrere søknad og utfyllande CV i vår rekrutteringsportal og laste opp relevante attestar og vitnemål. Vi oppmodar deg om å gi tilgang til vitnemålsportalen. 

Kontaktperson

Namn: Jonas Solstad Sønnesyn

e-post: jonas.sonnesyn@hkdir.no

telefon: 47 01 24 61